ಪೇಟಿಎಂ ಕಂಪನಿಯಲ್ಲಿ ಚೀನಾ ಮೂಲದ ಅಲಿಬಾಬಾ ಕಂಪನಿಯ ಭಾರಿ ಹೂಡಿಕೆ ಇದ್ದು, ಇತ್ತೀಚೆಗೆ ಪೇಟಿಎಂ ಫಸ್ಟ್ ಗೇಮ್ಸ್ ಹೆಸರಿನಲ್ಲಿ ಹೊಸ ಗೇಮಿಂಗ್ ಆ್ಯಪ್ ಆರಂಭಿಸಲಾಗಿದೆ. ಈ ಒಪ್ಪಂದವನ್ನು ತಿರಸ್ಕರಿಸುವ ಮೂಲಕ ಚೀನಾಗೆ ಕಟುವಾದ ಸಂದೇಶವನ್ನು ರವಾನಿಸಲು ದೇಶಕ್ಕೆ ನೆರವಾಗಿ ಎಂದೂ ಸಿಎಐಟಿ ಮನವಿ ಸಲ್ಲಿಸಿದೆ. ಲಡಾಖ್ ಗಡಿಯ ಗಲ್ವಾನ್ ಕಣಿವೆಯಲ್ಲಿ ಭಾರತದ 20 ಯೋಧರು ಹುತಾತ್ಮರಾದ ಬಳಿಕ ಸಿಎಐಟಿ, ಚೀನಾ ವಿರುದ್ಧ ದೊಡ್ಡ ಅಭಿಯಾನವನ್ನೇ ನಡೆಸುತ್ತಿದ್ದು, ಕಳೆದ ಜೂನ್ನಲ್ಲಿ ಚೀನಾದ ಸುಮಾರು 450 ಬಗೆಯ ಉತ್ಪನ್ನಗಳನ್ನು ಬಹಿಷ್ಕರಿಸಲು ಕರೆ ನೀಡಿತ್ತು. ಜತೆಗೆ ಸೆಲೆಬ್ರಿಟಿಗಳು ಚೀನಾ ಉತ್ಪನ್ನಗಳನ್ನು ಪ್ರಚಾರ ಮಾಡುವುದನ್ನು ನಿಲ್ಲಿಸಬೇಕು ಎಂದೂ ಮನವಿ ಮಾಡಿಕೊಂಡಿತ್ತು.
