ಗುಂಪು ಹತ್ಯೆಯಲ್ಲಿ ಭಾಗಿಯಾದರೆ ಗಲ್ಲು ಶಿಕ್ಷೆ ಗ್ಯಾರಂಟಿ: ಲೋಕಸಭೆ ಅಂಗೀಕರಿಸಿದ ಹೊಸ ಕ್ರಿಮಿನಲ್​ ಕಾನೂನುಗಳಲ್ಲಿ ಏನೇನಿದೆ?

ನವದೆಹಲಿ: ಇನ್ನು ಮುಂದೆ ಯಾರಾದರೂ ಗುಂಪು ಹತ್ಯೆಯಲ್ಲಿ ಭಾಗಿಯಾದ ಆರೋಪ ಸಾಬೀತಾದರೆ ಅತ್ಯಂತ ಉಗ್ರ ಶಿಕ್ಷೆಗೆ ಗುರಿಯಾಗಬಹುದಾಗಿದೆ. ಹೊಸ ಕಾನೂನಿನ ಪ್ರಕಾರ ಇಂತಹ ಅಪರಾಧಕ್ಕೆ ಮರಣ ದಂಡನೆ ಶಿಕ್ಷೆ ವಿಧಿಸಬಹುದಾಗಿದೆ.

ಲೋಕಸಭೆಯಲ್ಲಿ ಬುಧವಾರ ಅಂಗೀಕರಿಸಲಾದ ಮೂರು ಹೊಸ ಕ್ರಿಮಿನಲ್ ಕಾನೂನು ಮಸೂದೆಗಳ ಕುರಿತು ಚರ್ಚಿಸುವಾಗ, ಕೇಂದ್ರ ಗೃಹ ಸಚಿವ ಅಮಿತ್ ಶಾ ಬುಧವಾರ ಈ ವಿಷಯ ತಿಳಿಸಿದ್ದಾರೆ.

ಲೋಕಸಭೆಯಲ್ಲಿ ಬುಧವಾರ ಭಾರತೀಯ ನ್ಯಾಯ (ಎರಡನೇ) ಸಂಹಿತಾ ಮಸೂದೆ, ಭಾರತೀಯ ನಾಗರಿಕ ಸುರಕ್ಷಾ (ಎರಡನೇ) ಸಂಹಿತಾ ಮಸೂದೆ ಮತ್ತು ಭಾರತೀಯ ಸಾಕ್ಷಿ (ಎರಡನೇ) ಮಸೂದೆಯನ್ನು ಅಂಗೀಕರಿಸಲಾಯಿತು.

ಬ್ರಿಟಿಷರು ಮಾಡಿದ ಈ ದೇಶದ್ರೋಹದ ಕಾನೂನಿನ ಅಡಿಯಲ್ಲಿ ತಿಲಕ್ ಮಹಾರಾಜ್, ಮಹಾತ್ಮಾ ಗಾಂಧಿ, ಸರ್ದಾರ್ ಪಟೇಲ್ ಮತ್ತು ನಮ್ಮ ಅನೇಕ ಸ್ವಾತಂತ್ರ್ಯ ಹೋರಾಟಗಾರರು ಜೈಲು ಪಾಲಾಗಿದ್ದು, ಇಲ್ಲಿಯವರೆಗೆ ಈ ಕಾನೂನನ್ನು ಮುಂದುವರಿಸಲಾಗಿದೆ, ದೇಶದ್ರೋಹ ಕಾನೂನನ್ನು ಸಂಪೂರ್ಣವಾಗಿ ರದ್ದುಪಡಿಸಲು ಮೊದಲ ಬಾರಿಗೆ ಮೋದಿ ಸರ್ಕಾರ ನಿರ್ಧರಿಸಿದೆ’’ ಎಂದು ಅಮಿತ್​ ಶಾ ಹೇಳಿದರು.

ಭಾರತೀಯ ದಂಡ ಸಂಹಿತೆಯನ್ನು ಬದಲಿಸುವ ಈ ಭಾರತೀಯ ನ್ಯಾಯ ಸಂಹಿತಾ ಮಸೂದೆಯು ಶಿಕ್ಷೆಗಿಂತ ನ್ಯಾಯದ ಮೇಲೆ ಹೆಚ್ಚು ಗಮನವನ್ನು ನೀಡುತ್ತದೆ ಶಾ ಹೇಳಿದರು.

ಭಾರತೀಯ ನ್ಯಾಯ ಸಂಹಿತಾ ಮಸೂದೆ 2023, ಭಾರತೀಯ ನಾಗರಿಕ ಸುರಕ್ಷಾ ಸಂಹಿತಾ ಮಸೂದೆ 2023, ಮತ್ತು ಭಾರತೀಯ ಸಾಕ್ಷಿ ಮಸೂದೆ 2023 ಅನ್ನು ಸಂಸತ್ತಿನಲ್ಲಿ ಮುಂಗಾರು ಅಧಿವೇಶನದಲ್ಲಿ ಮೊದಲು ಮಂಡಿಸಲಾಯಿತು. ಚಳಿಗಾಲದ ಅಧಿವೇಶನದಲ್ಲಿ ಶಾ ಅವರು ಮಸೂದೆಗಳ ತಿದ್ದುಪಡಿ ಆವೃತ್ತಿಗಳನ್ನು ಮಂಡಿಸಿದರು.

ಪ್ರಸ್ತಾವಿತ ಕಾನೂನುಗಳಲ್ಲಿನ ಪ್ರಮುಖ ಬದಲಾವಣೆಗಳು:

ಉದ್ದೇಶಿತ ಕಾನೂನುಗಳು ಪೊಲೀಸ್ ಹೊಣೆಗಾರಿಕೆ ಬಲಪಡಿಸುವ ವ್ಯವಸ್ಥೆಯನ್ನು ತರುತ್ತವೆ ಎಂದು ಶಾ ಹೇಳಿದರು. ಬಂಧಿತ ವ್ಯಕ್ತಿಗಳ ವಿವರಗಳನ್ನು ಈಗ ಪ್ರತಿ ಪೊಲೀಸ್ ಠಾಣೆಯಲ್ಲಿ ದಾಖಲಿಸಬೇಕು ಮತ್ತು ಈ ದಾಖಲೆಗಳನ್ನು ನಿರ್ವಹಿಸುವ ಜವಾಬ್ದಾರಿಯನ್ನು ಗೊತ್ತುಪಡಿಸಿದ ಪೊಲೀಸ್ ಅಧಿಕಾರಿ ಹೊಂದಿರುತ್ತಾರೆ ಎಂದು ಶಾ ಹೇಳಿದರು.

ಹೊಸ ಕ್ರಿಮಿನಲ್ ಮಸೂದೆಗಳಲ್ಲಿನ ನಿಬಂಧನೆಗಳ ಕುರಿತು ಮಾತನಾಡಿದ ಶಾ, ಸರ್ಕಾರವು ಕಳ್ಳಸಾಗಣೆ ಕಾನೂನುಗಳನ್ನು ಲಿಂಗ-ತಟಸ್ಥಗೊಳಿಸಿದೆ ಎಂದು ಹೇಳಿದರು.

ಇದರ ಜತೆಗೆ, 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಬಾಲಕಿಯ ಅತ್ಯಾಚಾರವು ಹೊಸ ಕಾನೂನುಗಳ ಅಡಿಯಲ್ಲಿ ಸ್ವಯಂಚಾಲಿತವಾಗಿ ಪೊಸ್ಕೋ ಸಮಾನವಾದ ನಿಬಂಧನೆಗಳನ್ನು ಹೊಂದಿರುತ್ತದೆ ಎಂದು ಕೇಂದ್ರ ಗೃಹ ಸಚಿವರು ಹೇಳಿದರು.

ಹೊಸ ಕಾನೂನುಗಳು ಭಯೋತ್ಪಾದನೆಯ ವ್ಯಾಖ್ಯಾನ ಒಳಗೊಂಡಿರುತ್ತವೆ ಎಂದು ಅಮಿತ್ ಶಾ ಹೇಳಿದರು. “ಇದುವರೆಗೆ ಯಾವುದೇ ಕಾನೂನಿನಲ್ಲಿ ಭಯೋತ್ಪಾದನೆಗೆ ವ್ಯಾಖ್ಯಾನ ಇರಲಿಲ್ಲ. ಮೊದಲ ಬಾರಿಗೆ ಮೋದಿ ಸರ್ಕಾರವು ಭಯೋತ್ಪಾದನೆ ವಿವರಿಸಲು ಹೊರಟಿದೆ. ಆದ್ದರಿಂದ ಯಾರೂ ಇದರ ಕೊರತೆಯ ಲಾಭವನ್ನು ಪಡೆಯಬಾಗದು” ಎಂದರು.

ಹಿಟ್ ಅಂಡ್ ರನ್ ಪ್ರಕರಣಗಳ ಕುರಿತು ಚರ್ಚಿಸುವಾಗ, “ಅಪಘಾತದ ಸಾವು ಮತ್ತು ನಿರ್ಲಕ್ಷ್ಯದ ಮರಣವನ್ನು ಮರು ವ್ಯಾಖ್ಯಾನಿಸಲಾಗಿದೆ. ಅಪಘಾತದಲ್ಲಿ ಯಾರ ಮೇಲಾದರೂ ಕಾರನ್ನು ಓಡಿಸಿದ ಸಂದರ್ಭದಲ್ಲಿ ಚಾಲಕ ಗಾಯಾಳುವನ್ನು ಆಸ್ಪತ್ರೆಗೆ ಕರೆದೊಯ್ದರೆ, ಅವರಿಗೆ ಹಗುರವಾದ ಶಿಕ್ಷೆ ವಿಧಿಸಲಾಗುತ್ತದೆ, ಆದರೆ ಹಿಟ್ ಅಂಡ್ ರನ್ ಪ್ರಕರಣದಲ್ಲಿ ಹೆಚ್ಚಿನ ಶಿಕ್ಷೆ ವಿಧಿಸಲಾಗುತ್ತದೆ ಎಂದು ಶಾ ಹೇಳಿದರು.

ಪ್ರಕರಣಗಳ ಸಕಾಲಿಕ ವಿಚಾರಣೆಯನ್ನು ಖಚಿತಪಡಿಸಿಕೊಳ್ಳಲು, ಉದ್ದೇಶಿತ ಕಾನೂನುಗಳಲ್ಲಿ ಆರೋಪಿಗಳು ಖುಲಾಸೆಗಾಗಿ ಮನವಿ ಮಾಡಲು ಏಳು ದಿನಗಳ ಕಾಲಾವಕಾಶ ನೀಡಲಾಗುವುದು. ನ್ಯಾಯಾಧೀಶರು ಆ ಏಳು ದಿನಗಳಲ್ಲಿ ವಿಚಾರಣೆಯನ್ನು ನಡೆಸಬೇಕು ಮತ್ತು ಗರಿಷ್ಠ 120 ದಿನಗಳಲ್ಲಿ ಪ್ರಕರಣವು ವಿಚಾರಣೆಗೆ ಬರುತ್ತದೆ ಎಂದರು.

ಪ್ರಕರಣಗಳ ನೋಂದಣಿಗೆ ಸಂಬಂಧಿಸಿದಂತೆ, ಉದ್ದೇಶಿತ ಕಾನೂನುಗಳ ಅಡಿಯಲ್ಲಿ, ಒಬ್ಬ ವ್ಯಕ್ತಿಯು ದೂರು ಸಲ್ಲಿಸಿದ ನಂತರ, ಎಫ್‌ಐಆರ್ ಅನ್ನು ಮೂರು ದಿನಗಳಲ್ಲಿ ಅಥವಾ ಗರಿಷ್ಠ 14 ದಿನಗಳಲ್ಲಿ ದಾಖಲಿಸಬೇಕಾಗುತ್ತದೆ ಎಂದು ಶಾ ಹೇಳಿದರು.

“ಮೂರರಿಂದ ಏಳು ವರ್ಷಗಳವರೆಗೆ ಶಿಕ್ಷೆ ವಿಧಿಸಬಹುದಾದ ಪ್ರಕರಣಗಳಲ್ಲಿ, ಪ್ರಾಥಮಿಕ ತನಿಖೆಯನ್ನು 14 ದಿನಗಳಲ್ಲಿ ಪೂರ್ಣಗೊಳಿಸಬೇಕಾಗುತ್ತದೆ. ಅಂದರೆ ಗರಿಷ್ಠ 14 ದಿನಗಳು ಅಥವಾ ಮೂರು ದಿನಗಳಲ್ಲಿ ಕಡಿಮೆ ಶಿಕ್ಷೆಯ ಪ್ರಕರಣಗಳಲ್ಲಿ ಎಫ್ಐಆರ್ ಅನ್ನು ದಾಖಲಿಸಬೇಕಾಗುತ್ತದೆ.” ಎಂದು ಕೇಂದ್ರ ಗೃಹ ಸಚಿವರು ವಿವರಿಸಿದರು.

ಷೇರು ಮಾರುಕಟ್ಟೆಯಲ್ಲೂ ವೈರಸ್​ ಹಾವಳಿ: ದಾಖಲೆ ಮಟ್ಟ ಮುಟ್ಟಿದ್ದ ಸೂಚ್ಯಂಕ ಏಕಾಏಕಿ ಕುಸಿದದ್ದೇಕೆ?

ಡ್ರಗ್​ ದಂಧೆಯ ಪಾತಕಿ ಅಮೃತ್​ಪಾಲ್​ ಸಿಂಗ್ ಪಂಜಾಬ್ ಪೊಲೀಸರ ಗುಂಡಿಗೆ ಬಲಿಯಾಗಿದ್ದು ಹೀಗೆ…

ದೊಡ್ಡ ಸಂಖ್ಯೆಯಲ್ಲಿ ಸಂಸದರ ಅಮಾನತು ಇದೇ ಮೊದಲೇನಲ್ಲ: ಹಿಂದೆಯೂ ಈ ರೀತಿ ಆಗಿದ್ದು ಯಾವಾಗ?