ಹೈದರಾಬಾದ್:ಡಾರ್ಲಿಂಗ್ ಪ್ರಭಾಸ್ ಸಿನಿಮಾ ಶೂಟಿಂಗ್ ಸೆಟ್ಗಳಲ್ಲಿ ತಮ್ಮ ಸಹನಟರಿಗೆ ರುಚಿಕರವಾದ ಊಟವನ್ನು ಕೊಡಿಸುವುದು ಬಹುತೇಕ ಎಲ್ಲರಿಗೂ ಗೊತ್ತಿರುವ ವಿಷಯ, ಈ ಬಾರಿ ಬಾಲಿವುಡ್ ತಾರೆ ನಟಿ ದೀಪಿಕಾ ಪಡುಕೋಣೆ ಅವರಿಗೆ ಒಂದಿಷ್ಟು ಹೈದರಾಬಾದಿ ಸ್ಪೆಷಲ್ ಭಕ್ಷ್ಯಗಳ ರುಚಿ ಸವಿಯುವಂತೆ ಮಾಡಿದ್ದಾರಂತೆ ನಟ ಪ್ರಭಾಸ್. ಇದರ ಬಗ್ಗೆ ನಟಿ ದೀಪಿಕಾ ಅವರೆ ತಮ್ಮ ಸಾಮಜಿಕ ಜಾಲತಾಣದಲ್ಲಿ ಹೇಳಿಕೊಂಡಿದ್ದಾರೆ.
ತಮಗೆ ಸಿಕ್ಕ ರುಚಿಕರವಾದ ಭಕ್ಷ್ಯಗಳ ಫೋಟೋವನ್ನು ನಟಿ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡು, “ಧನ್ಯವಾದಗಳು” ಎಂದು ಬರೆದಿದ್ದಾರೆ. ನಟಿ ಹಂಚಿಕೊಂಡ ಆಹಾರ ಪದಾರ್ಥಗಳ ಫೋಟೋದಲ್ಲಿಹೈದರಾಬಾದಿ ಪುಲಾವ್ನಿಂದ ಹಿಡಿದು ಹಲವು ತೆಲುಗು ಸ್ಟೈಲ್ ಭಕ್ಷ್ಯಗಳು ಕಾಣಿಸುತ್ತಿವೆ. ಅಂದಹಾಗೆ, ಹೈದರಾಬಾದ್ನಲ್ಲಿ ನಟ ಪ್ರಭಾಸ್ ಜೊತೆಗಿನ ನಾಗ್ ಅಶ್ವಿನ್ ಅವರ ಮುಂದಿನ ಸಿನಿಮಾಗೆ ತಮ್ಮ ಮೊದಲ ಶೆಡ್ಯೂಲ್ ಅನ್ನು ಪೂರ್ಣಗೊಳಿಸಿದ ನಟಿ, ಹೈದರಾಬಾದ್ ಇಂದ ಮುಂಬೈಗೆ ಮರಳುತ್ತಾ, “ಹೈದರಾಬಾದ್ ತುಂಬಾ ಚೆನ್ನಾಗಿತ್ತು. ಬೈ”, ಎಂಬ ಸಂದೇಶವನ್ನು ಸಹ ಹಂಚಿಕೊಂಡಿದ್ದಾರೆ.
ಇತ್ತೀಚೆಗೆ, ಹೆಸರಿಡದ ಈ ಚಲನಚಿತ್ರದ ನಿರ್ಮಾಪಕರು ನಟಿ ದೀಪಿಕಾ ಮತ್ತು ಪ್ರಭಾಸ್ ಒಟ್ಟಿಗೆ ಚಿತ್ರೀಕರಿಸಿದ ಮೊದಲ ಶಾಟ್ನ ಒಂದು ನೋಟವನ್ನು ರಿಲೀಸ್ ಮಾಡಿದ್ದರು. ಇದು ದೀಪಿಕಾ ಮತ್ತು ಪ್ರಭಾಸ್ ಅವರ ಅಭಿಮಾನಿಗಳ ಸಂತೋಷಕ್ಕೆ ಕಾರಣವಾಗಿತ್ತು. ಸಿನಿಮಾದಲ್ಲಿ ಬಾಲಿವುಡ್ನ ಬಿಗ್ ಬಿ ಅಮಿತಾಭ್ ಬಚ್ಚನ್ ಕೂಡ ಹೇಗೆ ನಟಿಸಿದ್ದಾರೆ ಎಂಬುದನ್ನು ನೋಡಿದ ಅಭಿಮಾನಿಗಳು ಈಗ ಮೂವರನ್ನು ಒಟ್ಟಿಗೆ ನೋಡಲು ಕಾಯುತ್ತಿದ್ದಾರೆ. ಈ ಚಿತ್ರದ ಘೋಷಣೆ ಮಾಡುವಾಗ, ಸಿನಿಮಾ ಪ್ಯಾನ್–ಇಂಡಿಯಾ ಮಾತ್ರವಲ್ಲದೆ ಪ್ಯಾನ್–ವರ್ಲ್ಡ್ ಆಗಿರುತ್ತದೆ ಎಂದು ನಾಗ್ ಅಶ್ವಿನ್ ಸ್ಪಷ್ಟಪಡಿಸಿದ್ದರು. ಈ ಚಿತ್ರದ ಮೂಲಕ ನಟಿ ದೀಪಿಕಾ ಟಾಲಿವುಡ್ಗೆ ಪಾದಾರ್ಪಣೆ ಮಾಡಲಿದ್ದಾರೆ.