ಮುಂಬೈ: ಷೇರು ಮಾರುಕಟ್ಟೆಯಲ್ಲಿ 2023ರಲ್ಲಿ ಅಸಾಮಾನ್ಯ ಬೆಳಗವಣಿಗಳು ಜರುಗಿದವು. 2023ರ ವರ್ಷಾರಂಭದಲ್ಲಿ ಷೇರು ಸೂಚ್ಯಂಕ ಅಂದಾಜು 10% ಕುಸಿತವನ್ನು ಕಂಡಿತು. ಇದರ ನಂತರ ಒಂದು ಅಪಾರ ಏರಿಕೆ ಕಂಡುಬಂದಿತು. ಪ್ರಾಥಮಿಕವಾಗಿ ಎಫ್‌ಐಐ (ವಿದೇಶಿ ಸಾಂಸ್ಥಿಕ ಹೂಡಿಕೆದಾರರ) ಖರೀದಿಯಿಂದಾಗಿ ಇದು ಸಾಧ್ಯವಾಯಿತು.
ಒಟ್ಟಾರೆಯಾಗಿ ಷೇರು ಮಾರುಕಟ್ಟೆಯು 2023ರಲ್ಲಿ ಶೇಕಡಾ 20ರಷ್ಟು ಏರಿಕೆ ದಾಖಲಿಸುವ ಮೂಲಕ ಈ ವರ್ಷದಲ್ಲಿ ಹೂಡಿಕೆದಾರರಿಗೆ ಉತ್ತಮ ಆದಾಯವನ್ನು ತಂದುಕೊಟ್ಟಿತು.
ಈ ವರ್ಷದಲ್ಲಿ ಅತಿ ಹೆಚ್ಚು ಏರಿಕೆ ಕಂಡ ಷೇರು ಯಾವುದು ಗೊತ್ತೆ? ಒಂದು ವರ್ಷದಲ್ಲಿ ಈ ಷೇರು ಬೆಲೆ ಹೆಚ್ಚಿದ್ದು ಎಷ್ಟು?
ಎಂಬುದು ಕುತೂಹಲಕಾರಿಯಾಗಿದೆ.
ಪ್ರಿಂಟೆಡ್ ಸರ್ಕ್ಯೂಟ್ ಬೋರ್ಡ್‌ಗಳ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿರುವ ಹಾಗೂ ಕಡಿಮೆ ಪರಿಚಿತ ಕಂಪನಿಯ ಷೇರು ಕಳೆದ ವರ್ಷದಲ್ಲಿ ಅಪಾರ ಏರಿಕೆ ಕಂಡ ಸ್ಟಾಕ್ ಆಗಿದೆ. ಇದೇ ಇಂಟಿಗ್ರೇಟೆಡ್ ಇಂಡಸ್ಟ್ರೀಸ್ (Integrated Industries) ಕಂಪನಿ.
ಈ ಷೇರಿನ ಬೆಲೆ 7 ರೂಪಾಯಿ ಇದ್ದುದು 2023ರ ಡಿಸೆಂಬರ್ ತಿಂಗಳಲ್ಲಿ ಅಂದಾಜು 466 ರೂಪಾಯಿಗೆ ಏರಿಕೆಯಾಗಿದೆ.
2023 ರ ಜನವರಿಯಿಂದ ಒಂದು ವರ್ಷದ ಅವಧಿಯಲ್ಲಿ ಶೇಕಡಾ 6,000ಕ್ಕಿಂತ ಹೆಚ್ಚು ಹೆಚ್ಚಳವನ್ನು ಈ ಕಂಪನಿಯ ಷೇರುಗಳು ಕಂಡಿವೆ. ಈ ಮೂಲಕ ಅತಿಹೆಚ್ಚು ಏರಿಕೆ ಕಂಡ ಭಾರತ ಸ್ಟಾಕ್ ಎಂಬ ಗರಿ ಇದರದ್ದಾಗಿದೆ.
ಒಂದು ವರ್ಷದ ಹಿಂದೆ, ಅಂದರೆ ಜನವರಿ 2023ರಲ್ಲಿ ಈ ಷೇರಿನಲ್ಲಿ ನೀವು 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿದ್ದರೆ ಅದು 60 ಲಕ್ಷ ರೂಪಾಯಿ ಆಗುತ್ತಿತ್ತು. 1,66,666 ರೂಪಾಯಿ ಹೂಡಿಕೆ ಮಾಡಿದ್ದರೆ ಒಂದು ಕೋಟಿ ರೂಪಾಯಿ ಆಗುತ್ತಿತ್ತು.
ಅಲ್ಲದೆ, 2024ರ ಜನವರಿಯಲ್ಲೂ ಇದೇ ರೀತಿಯಲ್ಲಿ ಏರಿಕೆಯನ್ನು ಕಾಣುತ್ತಿದೆ. ಈಗ ಗುರುವಾರ (ಜ. 18) ಈ ಷೇರಿನ ಬೆಲೆ 515.10 ರೂಪಾಯಿಗೆ ಏರಿಕೆಯಾಗಿದೆ.
ಇಂತಹ ಅದ್ಭುತ ಷೇರು ಬೆಲೆ ಹೆಚ್ಚಳವು ಈ ಕಂಪನಿಯ ಮಾರುಕಟ್ಟೆ ಬಂಡವಾಳವನ್ನು 400 ಕೋಟಿ ರೂಪಾಯಿಗೆ ವರ್ಧಿಸಿದೆ.
ಇಂಟಿಗ್ರೇಟೆಡ್ ಇಂಡಸ್ಟ್ರೀಸ್ ಕಂಪನಿಯು ಮೂಲತಃ ಪ್ರಿಂಟೆಡ್ ಸರ್ಕ್ಯೂಟ್ ಬೋರ್ಡ್ (ಪಿಸಿಬಿ) ತಯಾರಿಕೆಯಲ್ಲಿ ತೊಡಗಿಸಿಕೊಂಡಿದೆ. ಕಂಪನಿಯು ಟುನೀಶಿಯಾ ಮೂಲದ ಪಿಸಿಬಿ ಪೂರೈಕೆದಾರರಾದ ಫ್ಯುಬಾ ಪ್ರಿಂಟೆಡ್ ಸರ್ಕ್ಯೂಟ್ಸ್ ಜಿಎಂಬಿಎಚ್ ಎಂಬ ಕಂಪನಿಯ ಮೂಲಕ ತಂತ್ರಜ್ಞಾನವನ್ನು ಪಡೆದುಕೊಂಡು ಉತ್ತಮ ಗುಣಮಟ್ಟದ ಸಿಂಗಲ್ ಸೈಡೆಡ್, ಡಬಲ್ ಸೈಡೆಡ್ ಮತ್ತು ಮಲ್ಟಿಲೇಯರ್ ಪಿಸಿಬಿಗಳನ್ನು ತಯಾರಿಸುತ್ತದೆ.
ಕಳೆದ ವರ್ಷ ನವೆಂಬರ್‌ನಲ್ಲಿ, ಕಂಪನಿಯು ಪ್ರಮುಖ ಪುನಶ್ಚೇತನಕ್ಕೆ ಒಳಗಾಯಿತು, ಇಲ್ಲಿ ಹೊಸ ಪ್ರವರ್ತಕರು ಐಪಿಒ ಮೂಲಕ ಷೇರುಗಳನ್ನು ಸ್ವಾಧೀನಪಡಿಸಿಕೊಂಡರು.
ಮ್ಯೂಚುಯಲ್ ಫಂಡ್ ವಿತರಕರಿಗೆ ಆಮಿಷ: ಫಂಡ್ ಹೌಸ್ಗಳಿಗೆ ಸೆಬಿ ಎಚ್ಚರಿಕೆ ನೀಡಿದ್ದೇಕೆ?
ನೀವು 1 ಲಕ್ಷ ರೂ. ಹೂಡಿದ್ದರೆ ಈಗ ಶತಕೋಟ್ಯಧೀಶರಾಗುತ್ತಿದ್ದೀರಿ: ಭಾರತದ ಅತ್ಯಂತ ದುಬಾರಿ ಸ್ಟಾಕ್ನ ಮಹಿಮೆ
ಜನ್ಮ ದಿನಾಂಕಕ್ಕೆ ಪುರಾವೆಯಾಗದು ಆಧಾರ್ ಕಾರ್ಡ್: ಹಾಗಿದ್ದರೆ ನೀವು ನೀಡಬೇಕಾದ ಬೇರೆ ದಾಖಲೆಗಳೇನು?