ವುಹಾನ್: ಈ ಹಿಂದೆ ಅಂದುಕೊಂಡಿದ್ದಕ್ಕಿಂತ ಎರಡು ಪಟ್ಟು ವೇಗವಾಗಿ ಕರೊನಾ ವೈರಸ್ ಹರಡುತ್ತದೆ ಎಂದು ಹೊಸ ಸಂಶೋಧನೆಯೊಂದು ತಿಳಿಸಿದೆ.
ನ್ಯೂಮೆಕ್ಸಿಕೋದ ಲಾಸ್ ಆಲ್ಮೋಸ್ ರಾಷ್ಟ್ರೀಯ ಪ್ರಯೋಗಶಾಲೆಯ ವಿಜ್ಞಾನಿಗಳ ಪ್ರಕಾರ ಓರ್ವ ಸೋಂಕಿತ ಸರಾಸರಿ 5.7 ಜನರಿಗೆ ವುಹಾನ್ನಲ್ಲಿ ಸೋಂಕು ತಗುಲಿಸಿದ್ದಾನೆಂದು ತಿಳಿಸಿದ್ದಾರೆ. ಆರಂಭದಲ್ಲಿ ಒಬ್ಬ ವ್ಯಕ್ತಿ ಸರಾಸರಿ 2.2 ರಿಂದ 2.7 ಮಂದಿಗೆ ಸೋಂಕು ತಗುಲಿಸುತ್ತಾನೆ ಎಂದು ಅಂದಾಜಿಸಲಾಗಿತ್ತು.
ಈಗಾಗಲೇ ರೋಗದಿಂದ ಚೇತರಿಸಿಕೊಂಡಿರುವರು ವೈರಸ್ ಹರಡುವುದನ್ನು ತಡೆಯಲು ಶೇ. 82 ರಷ್ಟು ಜನರು ರೋಗನಿರೋಧಕತೆಯನ್ನು ಹೊಂದಿರಬೇಕೆಂದು ಅಧ್ಯಯನವು ಹೇಳಿದೆ. ವೈರಸ್ನಿಂದ ಗುಣಮುಖರಾಗಲು ಸದ್ಯ ಲಸಿಕೆ ಕಂಡುಹಿಡಿಯದೇ ಇರುವುದರಿಂದ ರೋಗನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವುದೇ ಸರಿಯಾದ ಮಾರ್ಗವೆಂಬುದು ತಜ್ಞರ ಅಭಿಪ್ರಾಯವಾಗಿದೆ.
ಕರೊನಾ ವೈರಸ್ ಒಬ್ಬರಿಂದ ಇನ್ನೊಬ್ಬರಿಗೆ ಹರಡುವುದರ ನಡುವೆಯೇ ಇನ್ನಿಬ್ಬರನ್ನು ಸೋಂಕಿತರನ್ನಾಗಿ ಮಾಡುತ್ತದೆ. ಇದಕ್ಕೆ 6 ರಿಂದ 7 ದಿನಗಳು ತೆಗೆದುಕೊಳ್ಳುತ್ತದೆ ಎಂದು ಆರಂಭದಲ್ಲಿ ವೈರಸ್ ದ್ವಿಗುಣಗೊಳ್ಳುವಿಕೆಯ ದರವನ್ನು ನಿರ್ಧರಿಸಲಾಗಿತ್ತು. ಆದರೆ, ಅಮೆರಿಕದ ಸಂಶೋಧನಾ ತಂಡದ ಪ್ರಕಾರ ಸರಾಸರಿ 2.3 ರಿಂದ 3.3 ದಿನಗಳಲ್ಲಿಯೇ ವೈರಸ್ ದ್ವಿಗುಣಗೊಳ್ಳುತ್ತದೆ. ವೈರಸ್ ಸ್ಪೋಟ ಕೇಂದ್ರ ವುಹಾನ್ನಲ್ಲಿ ವೈರಸ್ ವೇಗವಾಗಿ ಹರಡಿರುವ ಸೂಚನೆ ಸಿಕ್ಕಿದೆ ಎಂದು ಅಧ್ಯಯನದಲ್ಲಿ ತಿಳದುಬಂದಿದೆ.
ಚೀನಾದ ವುಹಾನ್ನಲ್ಲಿ 2019ರ ಡಿಸೆಂಬರ್ನಲ್ಲಿ ಸ್ಪೋಟಗೊಂಡ ವೈರಸ್ ತನ್ನ ಕಬಂಧಬಾಹುವನ್ನು ಜಾಗತಿಕವಾಗಿ ವಿಸ್ತರಿಸಿದೆ. ಈವರೆಗೆ ಒಂದು ಲಕ್ಷಕ್ಕೂ ಅಧಿಕ ಮಂದಿಯನ್ನು ಬಲಿಪಡೆದುಕೊಂಡಿದೆ. 10 ಲಕ್ಷಕ್ಕೂ ಹೆಚ್ಚು ಮಂದಿ ಇನ್ನೂ ಕರೊನಾ ಸೋಂಕಿಗೆ ಗುರಿಯಾಗಿದ್ದು, ಈ ಕ್ಷಣಕ್ಕೂ ಕರೊನಾ ಭೀತಿ ಹಾಗೇ ಇದೆ. (ಏಜೆನ್ಸೀಸ್)