ನವದೆಹಲಿ: ಕೊವಿಡ್-19 ಸೋಂಕಿನಿಂದಾಗ ಸಿನಿಮಾ ಥಿಯೇಟರ್ಗಳೆಲ್ಲ ಮಾರ್ಚ್ನಿಂದಲೇ ಬಂದ್ ಆಗಿವೆ. ಈಗೀಗ ಪ್ರವಾಸಿ ತಾಣಗಳನ್ನೆಲ್ಲ ಮುನ್ನೆಚ್ಚರಿಕೆ ಕ್ರಮಗಳೊಂದಿಗೆ ತೆರೆಯಲಾಗಿದ್ದರೂ ಸಿನಿಮಾ ಹಾಲ್ಗಳು ಪ್ರಾರಂಭವಾಗಿಲ್ಲ. ಇದರಿಂದಾಗಿ ಸಿನಿ ಪ್ರಿಯರು ತುಸು ಬೇಸರದಲ್ಲೇ ಕಾಲ ಕಳೆಯುತ್ತಿದ್ದಾರೆ.
ಇದೀಗ ಒಂದು ಗುಡ್ನ್ಯೂಸ್ ಹೊರಬಿದ್ದಿದೆ. ಆಗಸ್ಟ್ನಿಂದ ಸಿನಿಮಾ ಹಾಲ್ಗಳನ್ನೂ ತೆರೆಯಲು ಕೇಂದ್ರದಿಂದ ಅನುಮತಿ ಸಿಗುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ. ಆಗಸ್ಟ್ನಿಂದ ಸಿನಿಮಾ ಥಿಯೇಟರ್ಗಳನ್ನು ಪ್ರಾರಂಭ ಮಾಡುವಂತೆ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಗೃಹ ಇಲಾಖೆಗೆ ಶಿಫಾರಸು ಮಾಡಿದೆ ಎನ್ನಲಾಗಿದೆ.
ಆಗಸ್ಟ್ ಮೊದಲ ವಾರ ಅಥವಾ ಕೊನೆಯವ ವಾರ ಆಗಬಹುದು. ಒಟ್ಟಿನಲ್ಲಿ ಆಗಸ್ಟ್ ತಿಂಗಳಲ್ಲೇ ದೇಶಾದ್ಯಂತ ಸಿನಿಮಾ ಥಿಯೇಟರ್ ಪ್ರಾರಂಭ ಮಾಡಲು ಗೃಹ ಇಲಾಖೆಗೆ ಶಿಫಾರಸು ಮಾಡಲಾಗಿದೆ ಎಂದು ಇಲಾಖೆಯ ಕಾರ್ಯದರ್ಶಿ ಅಮಿತ್ ಖರೆ, ಉದ್ಯಮಕ್ಕೆ ಸಂಬಂಧಪಟ್ಟ ಸಂವಾದವೊಂದರಲ್ಲಿ ತಿಳಿಸಿದ್ದಾರೆ. ಇದನ್ನೂ ಓದಿ: ಬಾಯ್ಫ್ರೆಂಡ್ ಇದ್ದರೂ ಒಮ್ಮೆಯೂ ಸೆಕ್ಸ್ ಮಾಡಿರಲಿಲ್ಲ…ಆದ್ರೂ ಗರ್ಭಿಣಿಯಾದೆ: ಯುಎಸ್ ಮಹಿಳೆಯ ವಿಭಿನ್ನ ಕತೆ
ಹಾಲ್ನಲ್ಲಿ ಎಲ್ಲ ಮುನ್ನೆಚ್ಚರಿಕಾ ಕ್ರಮ ಕೈಗೊಳ್ಳಲಾಗುವುದು. ಮೊದಲ ಸಾಲಿನಲ್ಲಿ ಒಂದಕ್ಕೊಂದು ಅಂತರ ಇರುವಂತೆ ಸೀಟ್ಗಳನ್ನು ಹಾಕಲಾಗುವುದು. ಹಾಗೇ ಎರಡನೇ ಸಾಲನ್ನು ಖಾಲಿ ಬಿಡಲಾಗುವುದು. ಸಾಮಾಜಿಕ ಅಂತರ ನಿಯಮಗಳ ಪಾಲನೆ ಕ್ರಮದೊಂದಿಗೆ ಸಿನಿಮಾ ಹಾಲ್ಗಳನ್ನು ತೆರೆಯಲಾಗುವುದು ಎಂದು ಹೇಳಿದ್ದಾರೆ.
ಆದರೆ ಸಂವಾದದಲ್ಲಿ ಪಾಲ್ಗೊಂಡಿದ್ದ ಸಿನಿಮಾ ಥಿಯೇಟರ್ಗಳ ಮಾಲೀಕರು ಈ ಸೂತ್ರದೊಂದಿಗೆ ಸಿನಿಮಾ ಹಾಲ್ ಓಪನ್ ಮಾಡುವುದು ಸರಿಯಾದ ಕ್ರಮವಲ್ಲ. ಶೇ.25ರಷ್ಟು ತುಂಬಿರುವ ಆಡಿಟೋರಿಯಂ ಇಟ್ಟುಕೊಂಡು ಸಿನಿಮಾ ಪ್ರದರ್ಶನ ನೀಡುವುದು ಮೂರ್ಖತನ. ಇದರಿಂದ ಲಾಭವೇನೂ ಇಲ್ಲ. ಅದರ ಬದಲಿಗೆ ಹಾಗೇ ಬಂದ್ ಇಡುವುದೇ ಉತ್ತಮ ಎಂದಿದ್ದಾರೆ. (ಏಜೆನ್ಸೀಸ್)
‘ಮನೆ ಎದುರು ಮೂತ್ರವಿಸರ್ಜನೆ ಮಾಡಿದ್ದಾರೆ’- ಎಬಿವಿಪಿ ರಾಷ್ಟ್ರೀಯ ಅಧ್ಯಕ್ಷರ ವಿರುದ್ಧ ದೂರು ನೀಡಿದ ಹಿರಿಯ ಮಹಿಳೆ