ಬೆಂಗಳೂರು: ಚೀನಿ ಆ್ಯಪ್ಗಳು ಬ್ಯಾನ್ ಆದ ದಿನದಿಂದಲೂ ಭಾರತದ ಆ್ಯಪ್ಗಳಿಗೆ ಭಾರಿ ಬೇಡಿಕೆ ವ್ಯಕ್ತವಾಗಿದೆ. ಅದರಲ್ಲೂ ರಾಜಧಾನಿಯ ಸ್ಟಾರ್ಟಪ್ಗಳಿಗಂತೂ ಇನ್ನಿಲ್ಲದ ಡಿಮ್ಯಾಂಡ್ ಹುಟ್ಟಿಕೊಂಡಿದೆ.
ಚೀನಾದ ಟಿಕ್ಟಾಕ್ಗೆ ಭಾರತದ ಉತ್ತರವಾಗಿರುವ ಚಿಂಗಾರಿ ಭಾರಿ ಜನಪ್ರಿಯಗೊಂಡಿದೆ. ಪ್ರತಿದಿನ 50 ಲಕ್ಷ ಜನರು ಇದರ ಸಕ್ರಿಯ ಬಳಕೆದಾರರಾಗಿದ್ದಾರೆ ಎಂದು ಕಂಪನಿ ಹೇಳಿದೆ.
ಇದನ್ನೂ ಓದಿ; ಒಂದೂವರೆ ದಿನದಲ್ಲಿ ಒಂದೂವರೆ ಕೋಟಿ ಜನರು ಫಿದಾ ಆದ್ರು; ಜಗದಗಲ ಬೆಳಗಿದ ಬೆಂಗಳೂರಿನ ಕೀರ್ತಿ
ಇದರ ವಿಶೇಷತೆಗಳನ್ನು ಇನ್ನಷ್ಟು ಹೆಚ್ಚಿಸಿ, ಹೊಸ ಫೀಚರ್ಗಳನ್ನು ಪರಿಚಯಿಸಲು ಕಂಪನಿ ಮುಂದಾಗಿದೆ. ಕೆಲ ದಿನಗಳಲ್ಲಿಯೇ ಇದನ್ನು ಬಿಡುಗಡೆ ಮಾಡಿ ಅಪ್ಡೇಟ್ ನೀಡಲಿದೆ.
ಹೆಚ್ಚುತ್ತಿರುವ ಜನಪ್ರಿಯತೆಯನ್ನೇ ಬಂಡವಾಳ ಮಾಡಿಕೊಳ್ಳಲು ಕಂಪನಿ ನಿರ್ಧರಿಸಿದೆ. ಬೆಂಗಳೂರು ಮೂಲದ ಈ ಕಂಪನಿ ಸಹ ಸಂಸ್ಥಾಪಕ ಸುಮಿತ್ ಘೋಷ್ ಜಾಗತಿಕ ಬಂಡವಾಳ ಹೂಡಿಕೆದಾರರಿಂದ ಹಣ ಸಂಗ್ರಹಕ್ಕೆ ತೀರ್ಮಾನಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ. ಹೂಡಿಕೆದಾರರು ಯಾರು ಎಂಬುದನ್ನು ಬಹಿರಂಗಪಡಿಸಿಲ್ಲ. ಈ ತಿಂಗಳ ಕೊನೆಯಲ್ಲಿ ಅಧಿಕೃತ ಘೊಷಣೆ ಮಾಡುವ ನಿರೀಕ್ಷೆ ಇದೆ.
ಇದನ್ನೂ ಓದಿ; ಎಂಸಿಎ ಇನ್ನು ಎರಡು ವರ್ಷದ ಕೋರ್ಸ್; ಎಇಸಿಟಿಇ ಆದೇಶ; ಹೇಗಿರಲಿದೆ ಪಠ್ಯಕ್ರಮ?
ಈ ಹಿಂದಿನ ಯೋಜನೆಯಂತೆ ಐದಾರು ತಿಂಗಳ ನೀಲಿನಕ್ಷೆ ಹೊಂದಲಾಗಿತ್ತು. ಈಗ ಅದನ್ನು ಮೂರು ತಿಂಗಳಿಗೆ ಇಳಿಸಲಾಗಿದೆ. ಭವಿಷ್ಯದ ಯೋಜನೆಗಳನ್ನು ಅನುಷ್ಟಾನಗೊಳಿಸಲು ಹೊಸ ಕಾರ್ಯತಂತ್ರ ರೂಪಿಸಲಾಗಿದೆ ಎಂದು ಘೋಷ್ ಹೇಳಿದ್ದಾರೆ.
ಚಿಂಗಾರಿಯಲ್ಲೂ ವಿಡಿಯೋ ವೀಕ್ಷಣೆ ಆಧಾರದಲ್ಲಿ ಹಣ ಗಳಿಸಬಹುದು. ಜತೆಗೆ ಸಂಗೀತ ಸಂಯೋಜಕರೂ ಕೂಡ ಹಣ ಸಂಪಾದಿಸಲು ಅವಕಾಶ ಕಲ್ಪಿಸಲಿದೆ. ಆ್ಯಪ್ನಲ್ಲಿ ಹೊಸ ಇಂಟರ್ಫೇಸ್, ಲೈವ್ ಸ್ಟ್ರೀಮಿಂಗ್ಗೂ ಸೌಲಭ್ಯ ಕಲ್ಪಿಸಲಾಗುವುದು ಎಂದು ಕಂಪನಿ ತಿಳಿಸಿದೆ.
ಕರೊನಾ ಲಸಿಕೆ ಪಡೆದ ಜಗತ್ತಿನ ಮೊತ್ತ ಮೊದಲ ವ್ಯಕ್ತಿ ಈತ; ಮೈನವಿರೇಳಿಸುವ ಕ್ಲಿನಿಕಲ್ ಟ್ರಯಲ್ ಅನುಭವ