ವುಹಾನ್: ಚೀನಾದ ವುಹಾನ್ನಲ್ಲಿ ಸ್ಪೋಟಗೊಂಡ ಮಾರಕ ಕರೊನಾ ವೈರಸ್ ಸದ್ಯ ಚೀನಾದಲ್ಲಿ ತಹಬದಿಗೆ ಬಂದಿದೆ. ಅಚ್ಚರಿಯೆಂದರೆ, ವುಹಾನ್ನ 103 ವರ್ಷದ ವೃದ್ಧೆಯೊಬ್ಬರು ಕೇವಲ 6 ದಿನದ ಚಿಕಿತ್ಸೆಯಲ್ಲಿ ಕರೊನಾದಿಂದ ಗುಣಮುಖರಾಗಿದ್ದಾರೆ.
ಶತಾಯುಷಿ ಜಾಂಗ್ ಗೌಂಗ್ಫೆನ್ರನ್ನು ಮಂಗಳವಾರ ಮಧ್ಯಾಹ್ನ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮಾಡಲಾಗಿದೆ. ಇಲ್ಲಿಯವರೆಗೆ ಕರೊನಾದಿಂದ ಗುಣಮುಖರಾದ ಅತ್ಯಂತ ಹಿರಿಯ ರೋಗಿ ಎನಿಸಿಕೊಂಡಿದ್ದಾರೆ. ಹಿಂದೆ ಈ ದಾಖಲೆ 101 ವರ್ಷದ ವ್ಯಕ್ತಿಯ ಹೆಸರಿನಲ್ಲಿತ್ತು.
ಮಾರ್ಚ್ 1ರಂದು ಕೇಂದ್ರ ಚೀನಾದ ಹುಬೇ ಪ್ರಾಂತ್ಯದ ವುಹಾನ್ನಲ್ಲಿರುವ ಲಿಯುನ್ ಸ್ವಾಯತ್ತ ಆಸ್ಪತ್ರೆ ಟಾಂಗ್ಜಿ ಮೆಡಿಕಲ್ ಕಾಲೇಜಿನಲ್ಲಿ ಕರೊನಾ ಚಿಕಿತ್ಸೆಗೆಂದು ವೃದ್ಧೆ ದಾಖಲಾಗಿದ್ದರು. ಆರಂಭದಲ್ಲಿಯೇ ಗಂಭೀರವಾದ ಸ್ಥಿತಿಯಲ್ಲಿದ್ದರು. ಆಸ್ಪತ್ರೆಗೆ ದಾಖಲಾದ ಸಮಯದಲ್ಲಿ ಕೇವಲ ವೈದ್ಯರೊಂದಿಗೆ ಮಾತ್ರ ಸಂವಹನ ನಡೆಸುತ್ತಿದ್ದರು ಎಂದು ವೃದ್ಧೆಗೆ ಚಿಕಿತ್ಸೆ ನೀಡಿದ ವೈದ್ಯ ಜೆಂಗ್ ಯುಲಾನ್ ಸ್ಥಳೀಯ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ.
ನರ್ಸ್ಗಳು ರೋಗಿಗೆ ಸ್ಪೂನ್ ಮೂಲಕ ಆಹಾರ ನೀಡುತ್ತಿದ್ದರು. ಆಗಾಗ ಡೈಪರ್ ಅನ್ನು ಬದಲಾಯಿಸುತ್ತಿದ್ದರು. ದಿನದ 24 ಗಂಟೆಯು ಅವರಿಗೆ ನಿರಂತರ ಚಿಕಿತ್ಸೆ ನೀಡಲಾಗುತ್ತಿತ್ತು. ಅವರಿಗೆ ನ್ಯೂಟ್ರಿಷನ್ ಥೆರಪಿ ನೀಡಿದ್ದರಿಂದ ಕೇವಲ ಒಂದು ವಾರದೊಳಗೆ ಚೇತರಿಸಿಕೊಂಡರು ಎಂದು ಯುಲಾನ್ ಮಾಹಿತಿ ನೀಡಿದ್ದಾರೆ.
ಇದಕ್ಕೂ ಮುನ್ನ ಚೇತರಿಸಿಕೊಂಡ ವ್ಯಕ್ತಿ ತನ್ನ 101ನೇ ಬರ್ತ್ಡೇ ಆಚರಣೆಯ ಬೆನ್ನಲ್ಲೇ ಸೋಂಕಿಗೆ ಒಳಗಾಗಿದ್ದರು. ಒಂದು ವಾರಗಳ ಕಾಲ ಆಸ್ಪತ್ರೆಯಲ್ಲಿ ಉಳಿದು ಸೂಕ್ತ ಚಿಕಿತ್ಸೆ ಮೂಲಕ ಗುಣಮುಖರಾಗಿದ್ದಾರೆ. ಅವರ ಹೆಸರು ದೈ ಎಂದು ಗುರುತಿಸಲಾಗಿದ್ದು, ಕಳೆದ ವಾರ ವುಹಾನ್ನ ಥರ್ಡ್ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. (ಏಜೆನ್ಸೀಸ್)
VIDEO| ಕರೊನಾ ವೈರಸ್ ಕುರಿತು ಫೇಸ್ಬುಕ್ನಲ್ಲಿ ಲೈವ್ ವಿಡಿಯೋ ಹರಿಬಿಟ್ಟು ಕೆಲಸ ಕಳೆದುಕೊಂಡು ವೈದ್ಯೆ!
ಕರೊನಾದಿಂದ ತಪ್ಪಿಸಿಕೊಳ್ಳಲು ಬಟ್ಟೆಗಳನ್ನು 2 ಗಂಟೆಗಳ ಕಾಲ ಬಿಸಿಲಿನಲ್ಲಿ ಒಣಗಿಸಿ: ಬಿಜೆಪಿ ಸಂಸದ