ಬೆಂಗಳೂರು: ಪೊಲೀಸರಿಗೆ ಚಳ್ಳೆಹಣ್ಣು ತಿನ್ನಿಸಿ ವೇಶ್ಯಾವಾಟಿಕೆ ನಡೆಸುತ್ತಿದ್ದ ಕಾಟನ್ ಪೇಟೆಯ ಲಾಡ್ಜ್ ಮೇಲೆ ಸಿಸಿಬಿ ರೇಡ್ ನಡೆದಿದೆ. ಈ ಹಿಂದೆ ಕೂಡ ದುರ್ಗಾ ಪ್ಯಾಲೆಸ್ ಲಾಡ್ಜ್ ಮೇಲೆ ಸಿಸಿಬಿ ರೇಡ್ ನಡೆದಿತ್ತು. ಆಗೆಲ್ಲಾ ಪೊಲೀಸರು ಬರಿಗೈಲಿ ವಾಪಸ್ಸಾಗಿದ್ದರು. ಇದಕ್ಕೆ ಕಾರಣ… ಈ ಸೀಕ್ರೆಟ್ ರೂಂ..!
ಸಿಸಿಬಿ ಪೊಲೀಸರು ದಾಳಿ ಮಾಡುತ್ತಾರೆ ಎಂಬ ವಾಸನೆ ಬಡಿದಾಕ್ಷಣ ದಂಧೆಕೋರರು ಹುಡುಗಿಯರನ್ನು ಈ ಸೀಕ್ರೆಟ್ ರೂಂ ಒಳಗೆ ಕಳಿಸಿಬಿಡುತ್ತಿದ್ದರು. ರೂಮಿನಲ್ಲಿ ಯಾರೂ ಇಲ್ಲ ಎಂದು ಪೊಲೀಸರು ವಾಪಸ್ ಹೋದ ಮೇಲೆ, ಮತ್ತೆ ದಂಧೆ ಮುಂದುವರೆಸುತ್ತಿದ್ದರು.
ಆದರೆ ಈ ಬಾರಿ ದಂಧೆಕೋರರ ಅದೃಷ್ಟ ನೆಟ್ಟಗೆ ಇರಲಿಲ್ಲ. ಹಾಗಾಗಿ ಬಯಲಾಗಿಬಿಟ್ಟಿತು ಸೀಕ್ರೆಟ್ ರೂಂ ರಹಸ್ಯ. ಹುಡುಗಿಯರನ್ನು ಸೀಕ್ರೆಟ್ ರೂಮಿನಲ್ಲಿಟ್ಟಿದ್ದ ಆರೋಪಿಗಳನ್ನೂ ಬಂಧಿಸಲಾಗಿದೆ. ಉಸಿರಾಡೋದಕ್ಕೂ ಸಾಧ್ಯವಾಗದ ರೂಮ್‌ನಲ್ಲಿ ಹುಡುಗಿಯರನ್ನು ಕೂಡಿಹಾಕುತ್ತಿದ್ದ ವಿಷಯವೂ ಬಯಲಾಗಿದೆ. 6 ಆರೋಪಿಗಳನ್ನು ಬಂಧಿಸಿ, 7 ಮಹಿಳೆಯರನ್ನು ಪೊಲೀಸರು ರಕ್ಷಿಸಿದ್ದಾರೆ. ಸಿಸಿಬಿ ತನಿಖೆ ಮುಂದುವರೆದಿದೆ.