ಬೆಂಗಳೂರು: ಬರಬರುತ್ತಾ ಡ್ರಗ್ಸ್ ಜಾಲ, ಅದರ ಸಾಗಾಣಿಕೆ ಹೊಸ ಹೊಸ ದಾರಿಗಳನ್ನು ಹುಡುಕಿಕೊಳ್ಳುತ್ತಿವೆ. ಪೊಲೀಸ್ ಮತ್ತು ಎನ್ಸಿಬಿ (Narcotics Control Bureau) ತನಿಖಾ ತಂಡಗಳ ಕಣ್ಣು ತಪ್ಪಿಸಲು, ಡ್ರಗ್ಸ್ ದಂಧೆಕೋರರು ರಹಸ್ಯ ಕಳ್ಳ ದಾರಿಗಳನ್ನು ಕಂಡುಕೊಂಡು, ಆ ಮೂಲಕ ಡ್ರಗ್ಸ್ ಸಾಗಾಣಿಕೆಯನ್ನು ಮಾಡುತ್ತಿದ್ದಾರೆ.
ಇಂಥದ್ದೇ ಒಂದು ಹೊಸ ಡ್ರಗ್ಸ್ ಸಾಗಾಣಿಕೆಯ ಪ್ಲ್ಯಾನ್ ಅಂದರೆ, ಅದು ಕೊರಿಯರ್! ಕೊರಿಯರ್ನಲ್ಲಿ ಟಾಕಿಂಗ್ ಟಾಮ್ ಇಟ್ಟು, ಅದರೊಳಗೆ ಡ್ರಗ್ಸ್ ಇಡಲಾಗುತ್ತಿತ್ತು. ನಂತರ ಅದನ್ನು ಸರಬರಾಜು ಮಾಡಲಾಗುತ್ತಿತ್ತು. ಎಂಡಿಎಂಎ (MDMA- Methylenedioxymethamphetamine) ಡ್ರಗ್ಸ್ ಎರಡು ವಿಧದಲ್ಲಿರುತ್ತದೆ. ಟ್ಯಾಬ್ಲೆಟ್ ಫಾರ್ಮ್ ಅಥವಾ ಕ್ರಿಸ್ಟಲ್ ರೂಪದಲ್ಲಿರುತ್ತದೆ.
ಸದ್ಯಕ್ಕೆ ಈ ರೀತಿ ಡ್ರಗ್ಸ್ ಮಾರಾಟ ಮಾಡುತ್ತಿದ್ದ ಮೂವರನ್ನು ವೈಟ್ಫೀಲ್ಡ್ ಪೊಲೀಸರು ಬಂಧಿಸಿದ್ದಾರೆ. 15 ಲಕ್ಷ ರೂ. ಮೌಲ್ಯದ, 138 ಗ್ರಾಂ ಎಂಡಿಎಂಎ ಡ್ರಗ್ಸ್ ವಶಪಡಿಸಿಕೊಂಡಿದ್ದಾರೆ. ಮಾರಾಟ ಮಾಡುತ್ತಿದ್ದ ಪವೀಶ್, ಅಭಿಜಿತ್, ಶರ್ಫುದ್ದೀನ್ ಬಂಧಿತ ಆರೋಪಿಗಳಾಗಿದ್ದಾರೆ.