ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಅವರ ಅಸಹಜ ಸಾವಿನ ತನಿಖೆ ಮಾಡುತ್ತಿರುವ ಸಿಬಿಐ, ಸುಶಾಂತ್ ಅವರ ಹಣವನ್ನು ಅವರ ಗೆಳತಿ ರಿಯಾ ಚಕ್ರವರ್ತಿ ದುರ್ಬಳಕೆ ಮಾಡಿಕೊಂಡಿದ್ದಿಕ್ಕೆ ಯಾವುದೇ ಸಾಕ್ಷ್ಯವಿಲ್ಲ ಎಂದು ಹೇಳಿಲ್ಲ.
ಇದನ್ನೂ ಓದಿ: ಬಾಲಿವುಡ್ ನಟನ ಬಂಗಲೆಯನ್ನು ಮ್ಯೂಸಿಯಂ ಮಾಡುತ್ತಿದೆ ಪಾಕಿಸ್ತಾನ ಸರ್ಕಾರ
ಈ ಹಿಂದೆ, ಸುಶಾಂತ್ ಅವರ ತಂದೆ ಕೆಕೆ ಸಿಂಗ್ ಅವರು ರಿಯಾ ಚಕ್ರವರ್ತಿ ಮತ್ತು ಇತರರ ವಿರುದ್ಧ ಸುಶಾಂತ್ ಹಣವನ್ನು ದುರ್ಬಳಕೆ ಮಾಡಿಕೊಂಡಿದ್ದರ ಕುರಿತಾ ಆರೋಪ ಮಾಡಿದ್ದರು. ಈ ವಿಷಯವಾಗಿ ಅವರು ಜುಲಥ 25ರಂದು ಬಿಹಾರ ಪೊಲೀಸರಿಗೆ ದೂರು ನೀಡಿದ್ದರು.
ತಮ್ಮ ದೂರಿನಲ್ಲಿ ರಿಯಾ ಚಕ್ರವರ್ತಿ, ಸುಶಾಂತ್ ಬ್ಯಾಂಕ್ ಖಾತೆಗಳಿಗೆ 15 ಕೋಟಿಯಷ್ಟು ಹಣವನ್ನು ಬೇರೆಬೇರೆ ಖಾತೆಗಳಿಗೆ ವರ್ಗಾಯಿಸುವುದರ ಜತೆಗೆ, ಆ ಹಣವನ್ನು ದುರ್ಬಳಕೆ ಮಾಡಿದ್ದಾರೆ ಮತ್ತು ಸುಶಾಂತ್ ಆತ್ಮಹತ್ಯೆ ಪ್ರಚೋದನೆ ನೀಡಿದ್ದಾರೆ ಎಂದು ಆರೋಪಿಸಿದ್ದರು.
ಇದನ್ನೂ ಓದಿ: ಡ್ರಗ್ಸ್ ಕೇಸ್: ಮಗಳನ್ನು ದೂರ ಇಟ್ಟಿಲ್ಲ … ಸೈಫ್ ಅಲಿ ಖಾನ್ ಸ್ಪಷ್ಟನೆ
ಈ ಕುರಿತು ತನಿಖೆ ನಡೆಸಿದ ಸಿಬಿಐಗೆ ಹಣ ದುರ್ಬಳಕೆ ಮಾಡಿಕೊಂಡ ಯಾವುದೇ ಸಾಕ್ಷಿಗಳು ಸಿಕ್ಕಿಲ್ಲವಂತೆ. ಹಾಗೆಯೇ ಸುಶಾಂತ್ ಮತ್ತು ಅವರ ಮ್ಯಾನೇಜರ್ ದಿಶಾ ಸಾಲಿಯಾನ್ ಅವರ ಸಾವಿಗೆ ನಂಟಿತ್ತಿದೆಂದು ಸುದ್ದಿಯಾಗಿತ್ತು. ಆದರೆ, ಸಿಬಿಐ ಈ ವಿಷಯವನ್ನು ಸಹ ತಳ್ಳಿ ಹಾಕಿದ್ದು, ಸುಶಾಂತ್ ಸಾವು ಮತ್ತು ದಿಶಾ ಸಾಲಿಯಾನ್ ಅವರ ಸಾವಿಗೂ ಯಾವುದೇ ಸಂಬಂಧವಿಲ್ಲ ಎಂದು ಸ್ಪಷ್ಟಪಡಿಸಿದೆ.
ಇನ್ನು ಸುಶಾಂತ್ಗಿದ್ದ ಮಾನಸಿಕ ಖಾಯಿಲೆ, ಡ್ರಗ್ಸ್ ಚಟ ಮುಂತಾದ ವಿಷಯಗಳ ಕುರಿತು ಸಿಬಿಐ ಇದೀಗ ತನಿಖೆ ನಡೆಸುತ್ತಿದೆ.