ಲಂಡನ್: ವೃದ್ಧನೋರ್ವ ಅಂಗಡಿಗೆ ಹೋಗಿ ಕೆಲವು ಅಗತ್ಯ ಸಾಮಗ್ರಿಗಳನ್ನು ಖರೀದಿಸಿ ಹೊರಗೆ ಬಂದ. ಸ್ವಲ್ಪ ದೂರ ಹೋಗಿದ್ದಷ್ಟೇ ಒಂದಷ್ಟು ಜನರ ಕಿಡಿಗೇಡಿಗಳ ಗುಂಪು ಆ ಅಜ್ಜನ ಮೇಲೆ ತೀವ್ರ ಹಲ್ಲೆ ನಡೆಸಿದೆ.
ಘಟನೆ ನಡೆದಿದ್ದು ಉತ್ತರ ಲಂಡನ್ನ ಹ್ಯಾರಿಂಗೇ ಎಂಬಲ್ಲಿ. 57 ವರ್ಷದ ವೃದ್ಧ ದಿನೇಂದ್ರ ಅವರು ಅಂಗಡಿಯಿಂದ ತಂದ ಅಮೂಲ್ಯ ವಸ್ತುವೇ ಈ ಹಲ್ಲೆಗೆ ಕಾರಣ.
ಕರೊನಾ ಕಾರಣದಿಂದ ಕೆಲವು ದೇಶಗಳಲ್ಲಿ ಹ್ಯಾಂಡ್ ಸ್ಯಾನಿಟೈಸರ್, ಟಾಯ್ಲೆಟ್ ಪೇಪರ್ಗಳಿಗೆ ತೀವ್ರ ಕೊರತೆ ಉಂಟಾಗಿದೆ. ಆಸ್ಟ್ರೇಲಿಯಾ, ಚೀನಾಗಳಲ್ಲಿ ಟಾಯ್ಲೆಟ್ ಪೇಪರ್ ಇಲ್ಲ ಎಂಬ ಕೂಗು ಸ್ವಲ್ಪ ದಿನಗಳ ಹಿಂದೆಯೇ ಕೇಳಿಬಂದಿದೆ. ಚೀನಾದಲ್ಲಿ ಟಾಯ್ಲೆಟ್ ಪೇಪರ್ಗಳು ಕಳವು ಆಗಿದ್ದೂ ಇದೆ. ಹಾಗೇ ಆಸ್ಟ್ರೇಲಿಯಾದಲ್ಲಿ ಮುದ್ರಣ ಮಾಧ್ಯಮವೊಂದು ಪತ್ರಿಕೆಯೊಂದಿಗೆ ಹೆಚ್ಚುವರಿ ಪುಟಗಳನ್ನು ನೀಡುವ ಮೂಲಕ ಜನರಿಗೆ ಟಾಯ್ಲೆಟ್ ಪೇಪರ್ ಕೊರತೆ ನೀಗಿಸಲು ಮುಂದಾಗಿತ್ತು. ಒಟ್ಟಾರೆ ಸದ್ಯದ ಪರಿಸ್ಥಿತಿಯಲ್ಲಿ ಈ ಟಾಯ್ಲೆಟ್ ಪೇಪರ್, ಹ್ಯಾಂಡ್ ಸ್ಯಾನಿಟೈಸರ್ಗಳು ಜನರ ಪಾಲಿಗೆ ಅತ್ಯಗತ್ಯ ಮತ್ತು ಅಮೂಲ್ಯ ವಸ್ತುಗಳಾಗಿವೆ.
ಈಗ ಇದೇ ಟಾಯ್ಲೆಟ್ ಪೇಪರ್ ಕಾರಣಕ್ಕೆ ವೃದ್ಧ ದಿನೇಂದ್ರ ಮೇಲೆ ತೀವ್ರ ಹಲ್ಲೆಯಾಗಿದೆ. ಬ್ಯಾಗ್ನಲ್ಲಿ ಟಾಯ್ಲೆಟ್ಪೇಪರ್ಗಳ ಎರಡು ಪ್ಯಾಕೆಟ್ಗಳನ್ನು ಇಟ್ಟುಕೊಂಡು ಬರುತ್ತಿದ್ದ ವೃದ್ಧನನ್ನು ಅಂಗಡಿಯಿಂದಲೇ ಹಿಂಬಾಲಿಸಿಕೊಂಡು ಬಂದ ಕಿಡಿಗೇಡಿಗಳು, ಅದರಲ್ಲಿ ಒಂದು ಪ್ಯಾಕ್ನ್ನು ಕದ್ದಿದ್ದಾರೆ.
ಈ ಬಗ್ಗೆ ಮಾಧ್ಯಮಗಳಿಗೆ ತಿಳಿಸಿರುವ ವೃದ್ಧ, ನನಗೆ ಒಂದು ಸಲ ಭಯ ಆಯಿತು. ಆದರೆ ಈಗ ಟಾಯ್ಲೆಟ್ ಪೇಪರ್ ಸಿಗುತ್ತಿಲ್ಲ. ಸಿಕ್ಕರೂ ದುಬಾರಿ ಬೆಲೆ ಕೊಡಬೇಕಾಗಿದೆ. ಹಣ ಕೊಡಲು ಕಷ್ಟವಾದವರು ಹೀಗೆ ಕದಿಯುತ್ತಾರೆ. ನಾನೊಬ್ಬ ಹಿರಿಯ ನಾಗರಿಕನಾಗಿ, ಅಂತಹ ದುರ್ಬಲ ವರ್ಗದ ಜನರ ಪರಿಸ್ಥಿತಿಯನ್ನು ಅರ್ಥ ಮಾಡಿಕೊಳ್ಳುತ್ತೇನೆ ಎಂದಿದ್ದಾರೆ.
ಲಂಡನ್ನಲ್ಲಿ ಕರೊನಾ ವೈರಸ್ನಿಂದ 21 ಮಂದಿ ಸಾವನ್ನಪ್ಪಿದ್ದಾರೆ. ಸದ್ಯ 1140 ಮಂದಿ ಸೋಂಕಿತರಿದ್ದಾರೆ. (ಏಜೆನ್ಸೀಸ್)
ಷೇರುಪೇಟೆಯಲ್ಲಿ ಮಹಾಪತನದ ಶಾಕ್ : ಸೆನ್ಸೆಕ್ಸ್ 2,713 ಅಂಶ ಕುಸಿತ, 9,200ರ ಕೆಳಕ್ಕೆ ಕುಸಿದ ನಿಫ್ಟಿ
ಪ್ರೇಯಸಿಗೆ ಹೊಡೆದ ಯುವಕನಿಗೆ ಕ್ಲಾಸ್ ತೆಗೆದುಕೊಂಡಿದ್ದ ನೇಹಾ ಧೂಪಿಯಾ ಪತಿಗಿದ್ದಾರಂತೆ ಐವರು ಗರ್ಲ್ಫ್ರೆಂಡ್ಸ್