VIDEO| ಆನ್​ಲೈನ್​ ಗೇಮಿಂಗ್​ ಗೀಳಿಗೆ ಮಾನಸಿಕ ಸ್ಥಿಮಿತ ಕಳೆದುಕೊಂಡ ಬಾಲಕ

ಜೈಪುರ: ಆಘಾತಕಾರಿ ಘಟನೆಯೊಂದರಲ್ಲಿ ಬಾಲಕನೋರ್ವ ಆನ್​ಲೈನ್​ ಗೇಮಿಂಗ್​ ಗೀಳಿಗೆ ಬಿದ್ದು, 15 ವರ್ಷದ ಬಾಲಕನೊಬ್ಬನಿಗೆ ಡಿಸಾರ್ಡರ್​ ಆಗಿರುವ ಘಟನೆ ರಾಜಸ್ಥಾನದ ಅಲ್ವಾರ್​ನಲ್ಲಿ ನಡೆದಿದೆ.

ಬಾಲಕ ಪ್ರತಿನಿತ್ಯ 15 ಘಂಟೆಗೂ ಹೆಚ್ಚಿನ ಕಾಲ ಪಬ್​-ಜಿ ಆಡುತ್ತಿದ್ದ ಎಂದು ಪೋಷಕರು ತಿಳಿಸಿದ್ದು, ಇದರ ಪರಿಣಾಮವಾಗಿ ಆತ ರಾತ್ರಿ ಮಲಗಿದ್ದ ವೇಳೆ ಫೈರ್​ ಫೈರ್​ ಎಂದು ಚೀರುತ್ತಾನೆ. ಇತ್ತೀಚಿನ ದಿನಗಳಲ್ಲಿ ಆತನಿಗೆ ಗೇಮ್​ ಆಡಲು ಮೊಬೈಲ್​ ಕೊಡದ ಪರಿಣಾಮ ಆತನ ಕೈ ನಡುಗಲು ಶುರು ಮಾಡಿದೆ ಎಂದು ಪೋಷಕರು ತಿಳಿಸಿದ್ದಾರೆ.

ಈ ಕುರಿತು ಪ್ರತಿಕ್ರಿಯಿಸಿರುವ ಆಪ್ತ ಸಮಾಲೋಚಕ ಭವಾನಿ ಸಿಂಗ್​ ಬಾಲಕ ಕಳೆದ ಆರು ತಿಂಗಳುಗಳ ಕಾಲ ನಿರಂತರವಾಗಿ ಫ್ರೀ ಫೈರ್​, ಪಬ್​-ಜಿ ಆಡಿದ ಪರಿಣಾಮ ಆತನ ಸಂಪೂರ್ಣವಾಗಿ ಆಟದಲ್ಲಿ ತ್ಲಲೀನನಾಗಿದ್ದಾನೆ. ಆಟದಲ್ಲಿ ಸೋತಾಗ ಕೆಲವರು ಹತಾಶೆಯಿಂದ ಪ್ರಾಣ ಕಳೆದುಕೊಳ್ಳುತ್ತಾರೆ. ಆದರೆ, ಈ ಮಗುವಿನ ಪ್ರಕರಣವನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ಆತ ಮಾನಸಿಕ ಸಮತೋಲನವನ್ನು ಕಳೆದುಕೊಂಡಿದ್ದಾನೆ.

ಇದನ್ನೂ ಓದಿ: 61ನೇ ವಸಂತಕ್ಕೆ ಕಾಲಿಟ್ಟ ನಟ ಡಾ. ಶಿವರಾಜ್​ಕುಮಾರ್​; ಸಿಎಂ ಸೇರಿದಂತೆ ಹಲವು ಗಣ್ಯರಿಂದ ಶುಭ ಹಾರೈಕೆ

ಅದರಂತೆ ಓಈ ಮಗವೂ ಆಟದಲ್ಲಿ ತಲ್ಲೀನನಾಗಿ ಉಟವನ್ನು ತ್ಯಜಿಸಿದ್ದು, ರಾತ್ರಿ ಮಲಗಿದ್ದ ವೇಳೆ ಫೈರ್​ ಫೈರ್​ ಎಂದು ಚೀರುತ್ತಾನೆ. ಕೆಲವು ದಿನಗಳಿಂದ ಆಟವಾಡಲು ಮೊಬೈಲ್​ ಕೊಡದ ಕಾರಣ ಆತ ಕೈಗಳು ನಡುಗಲು ಶುರುವಾಗಿದ್ದು ನಿಗಾ ವಹಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. ಈತನಿಗಾಗಿ ವಿಶೇಷ ಚಟುವಟಿಕೆಗಳನ್ನು ಏರ್ಪಡಿಸಲಾಗುತ್ತಿದ್ದು, ಆತ ಸೋಲಿನ ಆಘಾತದಿಂದ ಹೊರಬಂದು ಮಾನಸಿಕ ಸಮತೋಲನವನ್ನು ಕಂಡುಕೊಳ್ಳಲು ಚಿಕತ್ಸೆ ನೀಡಲಾಗುತ್ತಿದೆ.

ಇತ್ತೀಚಿನ ದಿನಗಳಲ್ಲಿ ಆನ್​ಲೈನ್​ ಗೇಮಿಂಗ್​ ಚಟಕ್ಕೆ ಮಕ್ಕಳು ವ್ಯಸನಿಯಾಗುತ್ತಿದ್ದು, ಇದಕ್ಕೆ ಅನೇಕರು ಬಲಿಯಾಗಿದ್ದಾರೆ. ಎಚ್ಚರಿಕೆಯ ಹೊರತ್ಗಿಯೂ ಈ ರೀತಿ ಆಗುತ್ತಿರುವುದು ಚಿಂತಿಸಬೇಕಾಗಿರುವ ವಿಚಾರ ಎಂದು ಆಪ್ತ ಸಮಾಲೋಚಕ ಭವಾನಿ ಸಿಂಗ್ ತಿಳಿಸಿದ್ದಾರೆ.

https://www.vijayavani.net/30-children-injured-1-person-killed-as-school-bus-overturns

https://www.vijayavani.net/woman-gets-husband-arrested-7-times-in-less-than-10-years