ಬೇಸಿಗೆ ಇನ್ನೇನು ಮುಗಿಯುತ್ತ ಬಂತು. ಆದರೆ, ಬೇಸಿಗೆ ವೇಳೆ ಬೀಚ್ನಲ್ಲಿ ಕಾಲ ಕಳೆಯುತ್ತಿದ್ದ ಅದೆಷ್ಟೋ ಸೆಲೆಬ್ರಿಟಿಗಳು ಈ ವರ್ಷ ಅದೆಲ್ಲವನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಅದ್ಯಾವ ಮಟ್ಟಿಗೆ ಅಂದರೆ, ಸೋಷಿಯಲ್ ಮೀಡಿಯಾದಲ್ಲಿ ಬೀಚ್ನಲ್ಲಿ ಕಳೆದ ಕ್ಷಣಗಳನ್ನು ಫೋಟೋ ಮೂಲಕ ಮತ್ತೆ ಶೇರ್ ಮಾಡಿಕೊಂಡು ಮಿಸ್ಸಿಂಗ್ ಎಂಬ ಅಡಿಬರಹದೊಂದಿಗೆ ಹಂಚಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ: ಕ್ರೇಜಿಸ್ಟಾರ್ ರವಿಚಂದ್ರನ್ ಹೆಸರಿನಲ್ಲಿ ನಕಲಿ ಟ್ವಿಟರ್ ಖಾತೆ!
ಹೌದು, ಈ ಹೊತ್ತಲ್ಲಿ ಸಹಜವಾಗಿ ಬಹುತೇಕ ಬಾಲಿವುಡ್ ಸೆಲೆಬ್ರಿಟಿಗಳು ವಿದೇಶಗಳಲ್ಲಿ ಪ್ರವಾಸದ ಮೂಡ್ನಲ್ಲಿರುತ್ತಿದ್ದರು. ಬಿಕಿನಿ ಧರಿಸಿ ಬಗೆಬಗೆ ಫೋಟೋಗಳಿಗೆ ಪೋಸ್ ನೀಡಿ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿ, ಅಭಿಮಾನಿಗಳ ಮನ ತಣಿಸುತ್ತಿದ್ದರು. ಆದರೆ, ಈ ವರ್ಷ ಆ ಎಂಜಾಯ್ಮೆಂಟ್ಗೆ ಕರೊನಾ ಅಡ್ಡಗಾಲು ಹಾಕಿದೆ. ಹೊರಗೆ ಕಾಲಿಡದಂತೆ ಮಾಡಿದೆ.
ಇದನ್ನೂ ಓದಿ: ಟಿಕ್‌ಟಾಕ್‌ನಲ್ಲಿ ನಕಲಿ ಕರಿಷ್ಮಾ ಕಪೂರ್ ಹವಾ!
ಬಾಲಿವುಡ್ ನಟಿ ದಿಶಾ ಪಟಾಣಿ, ಬೀಚ್ನಲ್ಲಿ ಬಿಕಿನಿಯಲ್ಲಿ ಕುಳಿತ ಭಂಗಿಯ ಹಳೇ ಫೋಟೋವೊಂದನ್ನು ಶೇರ್ ಮಾಡಿ, ಬೀಚ್ ಮಿಸ್ ಮಾಡಿಕೊಳ್ಳುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಅದೇ ರೀತಿ ಇಲಿಯಾನ ಸಹ ಐ ಮಿಸ್ ದಿ ಬೀಚ್ ಎಂದಿದ್ದಾರೆ. ಸ್ಟೂಡೆಂಟ್ ಆಫ್ ಇಯರ್ 2 ಸಿನಿಮಾ ಖ್ಯಾತಿಯ ತಾರಾ ಸುತಾರಿಯಾ ಬೀಚ್ ಮೇಲೆ ಫೋಟೋ ಶೂಟ್ ಮಾಡುತ್ತಿರುವ ಕಳೆದ ವರ್ಷದ ಫೋಟೋ ಹಂಚಿಕೊಂಡು ಮಿಸ್ಸಿಂಗ್ ಎಂದಿದ್ದಾರೆ. ಇನ್ನು ನಟಿ ಹೀನಾ ಖಾನ್ ನಾಲ್ಕೈದು ಫೋಟೋಗಳನ್ನು ಪೋಸ್ಟ್ ಮಾಡಿ, ‘ಬೀಚ್ಗೆ ತೆರಳಲು ನನಗೆ ನನ್ನ ಲೈಸನ್ಸ್ ಮರಳಿ ನೀಡಿ’ ಎಂದಿದ್ದಾರೆ. ಅದೇ ರೀತಿ ರವೀನಾ ಟಂಡನ್ ಸಹ ಬೀಚ್ ನೆನಪಾಗುತ್ತಿದೆ ಎಂದು ಇತ್ತೀಚೆಗಷ್ಟೇ ಹೇಳಿಕೊಂಡಿದ್ದರು. ಒಟ್ಟಿನಲ್ಲಿ ಕರೊನಾ ಹಿನ್ನೆಲೆಯಲ್ಲಿ ಸಿನಿಮಾ ಮಂದಿಗೆ ಕೆಲಸದ ಜತೆಗೆ ಅವರ ವೈಯಕ್ತಿಕ ಮನರಂಜನೆಗೂ ದೊಡ್ಡ ಹೊಡೆತ ಬಿದ್ದಿದೆ. (ಏಜೆನ್ಸೀಸ್)
ಪತಿ ಬದಲಿಗೆ ಬಾಯ್ಫ್ರೆಂಡ್ ನೆನಪಲ್ಲಿ ದೀಪಿಕಾ ಪಡುಕೋಣೆ!