ಮಾಸ್ಕೋ: ಬಾಡಿ ಬಿಲ್ಡರ್ಗಳ ಕಥೆ ಕೇಳತೀರದು. ದೇಹದ ಬಗ್ಗೆ ಅತಿ ಹೆಚ್ಚು ಆಸಕ್ತಿ ಕೊಡಲು ಹೋಗಿ ಏನೇನೋ ಸಮಸ್ಯೆಗಳಿಗೆ ಸಿಲುಕಿಕೊಳ್ಳುವುದನ್ನು ನೋಡಿದ್ದೇವೆ. ಅದೇ ರೀತಿಯಲ್ಲಿ ರಷ್ಯಾದ ಬಾಡಿ ಬಿಲ್ಡರ್ ಒಬ್ಬ ಪಚೀತಿಗೆ ಸಿಲುಕಿರುವ ಕಥೆ ಇದು.
ರಷ್ಯಾದ ಕಿರಿಲ್ ತೆರೆಶಿನ್(24) ಬಾಡಿ ಬಿಲ್ಡಿಂಗ್ನಲ್ಲಿ ಹೆಚ್ಚು ಆಸಕ್ತಿ ಹೊಂದಿದ್ದ. ತನ್ನ ದೇಹವನ್ನು ಹೆಚ್ಚು ಸದೃಢ ಮಾಡಿಕೊಳ್ಳಬೇಕು ಎನ್ನುವ ಆಸೆಯಿಂದ ಆತ ಪ್ರತಿದಿನ ಬೈಸೆಪ್ಸ್ಗೆ ಪೆಟ್ರೋಲಿಯಂ ಜೆಲ್ಲಿ ಇಂಜೆಕ್ಷನ್ ತೆಗೆದುಕೊಳ್ಳಲಾರಂಭಿಸಿದ್ದಾನೆ. ಆ ಪೆಟ್ರೋಲಿಯಂ ಜೆಲ್ಲಿಯಿಂದಾಗಿ ಬರುಬರುತ್ತಾ ಆತನ ತೋಳುಗಳು ಊದಿಕೊಳ್ಳಲಾರಂಭಿಸಿವೆ. ಅದೇ ಕಾರಣದಿಂದಾಗಿ ಆತನನ್ನು ಹಲವು ಕಡೆಗಳಲ್ಲಿ ಯಾವುದೋ ವಿಚಿತ್ರ ಪ್ರಾಣಿಯಂತೆ ನೋಡಲು ಜನರು ಆರಂಭಿಸಿದ್ದಾರೆ.
ಆನೆ ಕಾಲು ರೋಗ ಬಂದವರಿಗೆ ಕಾಲುಗಳು ಊದಿಕೊಳ್ಳುವಂತೆ ಕಿರಿಲ್ನ ತೋಳುಗಳು ಊದಿಕೊಂಡಿವೆ. ಈಗಾಗಲೇ ಒಂದು ಆಪರೇಷನ್ ಮಾಡಿ ಅದರಲ್ಲಿದ್ದ ಡೆಡ್ ಸೆಲ್ಗಳು ಮತ್ತು ಕೊಬ್ಬಿನಾಂಶವನ್ನು ತೆಗೆಯಲಾಗಿದೆ. ಆದರೆ ಇನ್ನೂ ಆಪರೇಷನ್ಗಳನ್ನು ಮಾಡುವುದು ಬಾಕಿಯಿದೆ. ಕರೊನಾ ಹಿನ್ನೆಲೆಯಲ್ಲಿ ಆಪರೇಷನ್ ಮಾಡಲು ಹಿಂಜರಿಯಲಾಗುತ್ತಿದೆ. ಆಪರೇಷನ್ ಮಾಡದೆ ಹಾಗೇ ಬಿಟ್ಟರೆ ಆತ ಸಾಯಲೂಬಹುದು ಎನ್ನಲಾಗಿದೆ. ಕಿರಿಲ್ನ ಕಷ್ಟಕ್ಕೆ ಕೆಲ ಸೆಲೆಬ್ರಿಟಿಗಳೂ ಮುಂದೆ ಬಂದು ಸಹಾಯ ಮಾಡಿದ್ದಾರೆ. (ಏಜೆನ್ಸೀಸ್)
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಕಿಚ್ಚ-ದಚ್ಚು ಅಭಿಮಾನಿಗಳಿಗೆ ಭಾರಿ ಆಘಾತ ನೀಡಿದ ದಿನವಿದು: ಎಲ್ಲವೂ ಮೊದಲಿನಂತಾಗುವುದೇ?
ದೀದಿಯಿಂದ ‘ಮಾ’ಗೆ ಬಡ್ತಿ ಪಡೆದ ಮಮತಾ: ಪಶ್ಚಿಮ ಬಂಗಾಳದ ತುಂಬಾ ಸಾಂಬಾರ್, ಮೊಟ್ಟೆ ಕರಿ ಘಮಲು…