ನವದೆಹಲಿ: ಟಾಟಾ ಕನ್ಸ್ಯೂಮರ್ಸ್ ಅಂದಾಜು 6,000-7,000 ಕೋಟಿ ರೂ. ಬೆಲೆ ಬಾಳುವ ಭಾರತದ ಅತಿದೊಡ್ಡ ಕುಡಿಯುವ ನೀರಿನ ಕಂಪನಿ ಬಿಸ್ಲೇರಿಯನ್ನು ಖರೀದಿಸಿಕೊಳ್ಳಲು ಮುಂದಾಗಿದೆ. ಈ ಹಿಂದೆ ಬಿಸ್ಲೆರಿ ಸಂಸ್ಥೆಯ ಅಧ್ಯಕ್ಷ ರಮೇಶ್ ಚೌಹಾಣ್ ತಂಪು ಪಾನೀಯ ಬ್ರಾಂಡ್‌ಗಳಾದ ಥಮ್ಸ್ಅಪ್, ಗೋಲ್ಡ್ಸ್ಪಾಟ್ ಮತ್ತು ಲಿಮ್ಕಾವನ್ನು ಬ್ರ್ಯಾಂಡ್ಗಳನ್ನು ಕೋಕಾ-ಕೋಲಾಗೆ ಮಾರಾಟ ಮಾಡಿದ್ದರು. ಇದಾದ ಮೂರು ದಶಕಗಳ ನಂತರ ಬಿಸ್ಲೆರಿ ಸಂಸ್ಥೆಯನ್ನು ಟಾಟಾ ಕನ್ಸ್ಯೂಮರ್ಸ್ಗೆ ಮಾರಲಿದ್ದಾರೆ.
ಸದ್ಯಕ್ಕೆ ಒಪ್ಪಂದದ ಭಾಗವಾಗಿ ಎರಡು ವರ್ಷಗಳ ಕಾಲ ರಮೇಶ್ ಚೌಹಾಣ್ ನೇತೃತ್ವದ ಮ್ಯಾನೇಜ್ಮೆಂಟ್ ಮುಂದುವರಿಯಲಿದೆ. ರಮೇಶ್ ಚೌಹಾಣ್ಗೆ ಆರೋಗ್ಯ ಸಮಸ್ಯೆಗಳೂ ಇವೆ. ಹೀಗಾಗಿ ಅವರಿಂದಲೂ ಕಂಪೆನಿಯನ್ನು ನಿರ್ವಹಿಸಲು ಸಾಧ್ಯವಾಗುತ್ತಿಲ್ಲ. ವಿಚಿತ್ರದ ಸಂಗತಿ ಏನೆಂದರೆ ಅವರ ಮಗಳು ಜಯಂತಿಗೆ ವ್ಯಾಪಾರದಲ್ಲಿ ಆಸಕ್ತಿ ಇಲ್ಲವಂತೆ! ಸುಮಾರು 7000 ಕೋಟಿ ರೂ. ಬೆಲೆ ಬಾಳುವ ಕಂಪೆನಿಗೆ ಉತ್ತರಾಧಿಕಾರಿ ಇಲ್ಲದ ಕಾರಣ ರಮೇಶ್ ಚೌಹಾಣ್ ಬಿಸ್ಲೆರಿಯನ್ನು ಮಾರಾಟ ಮಾಡಲು ಮುಂದಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.
‘ಬಿಸ್ಲೆರಿ ಕಂಪೆನಿಯ ಮಾರಾಟ ಕಷ್ಟಕರ ನಿರ್ಧಾರವಾಗಿದೆ’ ಎಂದು ಅವರು ಹೇಳಿದ್ದರು. ಆದರೆ ಅವರ ದೃಷ್ಟಿಯಲ್ಲಿ ಬಿಸ್ಲರಿ ಕಂಪೆನಿ ಟಾಟಾ ಗ್ರೂಪ್ನ ಅಡಿಯಲ್ಲಿ ಉತ್ತಮ ಭವಿಷ್ಯ ಹೊಂದಿದೆ, ಹೀಗಾಗಿ ಟಾಟಾ ಕನ್ಸ್ಯೂಮರ್ಸ್ಗೆ ಮಾರಾಟ ಮಾಡಲು ನಿರ್ಧರಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.