ವಿಜಯವಾಡ: ಗಂಡನ ಅನುಮಾನ ಎಂಬ ಭೂತಕ್ಕೆ ಪತ್ನಿ ಮತ್ತು ಇಬ್ಬರು ಮಕ್ಕಳು ದಾರುಣವಾಗಿ ಸಾವಿಗೀಡಾಗಿರುವ ಘಟನೆ ಆಂಧ್ರ ಪ್ರದೇಶದ ಚಿತ್ತೂರ್ನಲ್ಲಿ ನಡೆದಿದೆ.
ತಿರುಪತಿಯ ವಿದ್ಯುತ್ ಇಲಾಖೆಯಲ್ಲಿ ಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡುತ್ತಿದ್ದ ಕಿಶೋರ್ಗೆ ಸ್ವಿಮ್ಸ್ ಆಸ್ಪತ್ರೆಯಲ್ಲಿ ನರ್ಸ್ ಆಗಿ ಕೆಲಸ ಮಾಡುತ್ತಿದ್ದ ನೀರಜ (32) ಎಂಬಾಕೆಯ ಪರಿಚಯವಾಗಿತ್ತು. ನೀರಜ ಆರಂಭಿಕ ವಯಸ್ಸಿನಲ್ಲೇ ತನ್ನ ಪಾಲಕರನ್ನು ಕಳೆಕೊಂಡಿದ್ದಳು. ತಿರುಪತಿಯ ಅಂಕಲ್ ಮನೆಯಲ್ಲಿ ಉಳಿದುಕೊಂಡು ವಿದ್ಯಾಭ್ಯಾಸ ಮುಗಿಸಿ ಸ್ವಿಮ್ಸ್ ಆಸ್ಪತ್ರೆಯಲ್ಲಿ ನರ್ಸ್ ಆಗಿ ಕೆಲಸಕ್ಕೆ ಸೇರಿದ್ದಳು. ಈ ಸಂದರ್ಭದಲ್ಲಿ ಆದ ಇಬ್ಬರ ಪರಿಚಯ ಪ್ರೀತಿಗೆ ತಿರುಗಿ ಹಿರಿಯರ ಒಪ್ಪಿಗೆ ಮೇರೆಗೆ 9 ವರ್ಷಗಳ ಹಿಂದೆ ಮದುವೆ ಆಗಿದ್ದರು. ಇಬ್ಬರು ತಿರುಪತಿಯ ಕಪುರಮ್ನಲ್ಲಿ ವಾಸವಿದ್ದರು.
ಇಬ್ಬರ ವೈವಾಹಿಕ ಜೀವನಕ್ಕೆ ಸಾಕ್ಷಿಯಾಗಿ ಚಂದು (8) ಮತ್ತು ಚೈತ್ರ (2) ಹೆಸರಿನ ಇಬ್ಬರು ಮಕ್ಕಳಿದ್ದರು. ಕರೊನಾ ಹಿನ್ನೆಲೆಯಲ್ಲಿ ಕಳೆದ ವರ್ಷವೇ ದಂಪತಿ ಗುಡ್ಯಾನಮ್ಪಲ್ಲೆಗೆ ಬಂದು ನೆಲೆಸಿದ್ದರು. ಈ ನಡುವೆ ಕಿಶೋರ್ ತನ್ನ ಕೆಲಸ ಬಿಟ್ಟು ಪೆನುಮುರು ವಲಯದಲ್ಲಿ ಕೋಳಿ ಫಾರ್ಮ್ ಇಟ್ಟುಕೊಂಡಿದ್ದ.
ಇತ್ತ ನೀರಜ ತಿರುಪತಿಯ ಸ್ವಿಮ್ಸ್ ಆಸ್ಪತ್ರೆಯಲ್ಲಿ ತನ್ನ ಕರ್ತವ್ಯ ನಿರ್ವಹಿಸುತ್ತಿದ್ದಳು. ಕಿಶೋರ್ ಕರೆ ಮಾಡಿದಾಗಲೆಲ್ಲ ಆಕೆ ಬಿಜಿ ಆಗಿರುತ್ತಿದ್ದನ್ನು ನೋಡಿ ಸಂಶಯ ಮೂಡಲು ಆರಂಭಿಸಿತು. ತಿರುಪತಿಗೆ ಬನ್ನಿ ಎಂದು ಆಕೆ ಗಂಡನನ್ನು ಒತ್ತಾಯಿಲು ಆರಂಭಿಸಿದಳು. ಆದರೆ, ಕಿಶೋರ್ಗೆ ಆತನ ತಾಯಿಗೂ ಇದು ಇಷ್ಟವಿರಲಿಲ್ಲ. ಇದೇ ವಿಚಾರವಾಗಿ ಕಳೆದ ಶನಿವಾರ ರಾತ್ರಿ ನೀರಜ ಮತ್ತು ಕಿಶೋರ್ ನಡುವೆ ಜಗಳವು ನಡೆದಿತ್ತು. ಮೊದಲೇ ಅನುಮಾನ ಹೊಂದಿದ್ದ ಕಿಶೋರ್, ನೀರಜಳನ್ನು ಮನಬಂದಂತೆ ಥಳಿಸಿ, ನಿಂದಿಸಿದ್ದ ಎನ್ನಲಾಗಿದೆ.
ಇದರಿಂದ ಮನನೊಂದ ನೀರಜಾ ಭಾನುವಾರ ಬೆಳಗ್ಗೆ ತನ್ನಿಬ್ಬರು ಮಕ್ಕಳನ್ನು ಸ್ಕೂಟಿಯಲ್ಲಿ ಕರೆದೊಯ್ದಿದ್ದಾಳೆ. ಇತ್ತ ಪೆನುಮುರು ಪೊಲೀಸ್ ಠಾಣೆಯಲ್ಲಿ ಕಿಶೋರ್, ಪತ್ನಿ ಮತ್ತು ಮಕ್ಕಳು ಕಾಣೆಯಾಗಿರುವುದಾಗಿ ದೂರು ದಾಖಲಿಸಿದ್ದಾನೆ. ಶೋಧ ಕಾರ್ಯಾಚರಣೆಗೆ ಕೈಗೊಂಡ ಪೊಲೀಸರಿಗೆ ಮಂಗಳವಾರ ಬೆಳಗ್ಗೆ ರಾಮಚಂದ್ರಪುರಂ ವಲಯದ ಕಲ್ಲು ಕ್ವಾರಿಯ ಬಳಿ ಸ್ಕೂಟಿ ಪಾರ್ಕ್ ಮಾಡಿರುವ ಮಾಹಿತಿಯನ್ನು ಮತ್ತು ನೀರಿನ ಹೊಂಡದಲ್ಲಿ ಮೃತದೇಹಗಳು ಪತ್ತೆಯಾಗಿದ್ದರ ಮಾಹಿತಿಯನ್ನು ನೀಡಿದ್ದಾರೆ. ತಕ್ಷಣ ಸ್ಥಳಕ್ಕೆ ಹೋದಾಗ ನೀರಜಾ ತನ್ನ ಮಕ್ಕಳೊಂದಿಗೆ ಆತ್ಮಹತ್ಯೆ ಮಾಡಿಕೊಂಡಿರುವ ವಿಚಾರ ಬೆಳಕಿಗೆ ಬಂದಿದೆ. (ಏಜೆನ್ಸೀಸ್)
ಹೀಗೂ ಇರ್ತಾರೆ! ತಲೆಬುರುಡೆ ಓಪನ್‌ ಮಾಡಿ ಕತ್ತರಿ ಹಾಕಿದರೂ ಜೋಕ್‌ ಮಾಡುತ್ತಿದ್ದ ರೋಗಿ…