ಗಾಂಧಿನಗರ: ಯಾವುದೇ ಸಂಸ್ಥೆಯಲ್ಲಿ ಕೆಲಸಕ್ಕೆ ಸೇರಬೇಕೆಂದರೆ ಸಂಸ್ಥೆಯ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿದುಕೊಂಡಿರಬೇಕು. ಇಲ್ಲವಾದರೆ ಮುಂದೆ ಕೆಲಸ ಮಾಡುವಾಗ ಹಲವು ಕಷ್ಟಗಳು ನಮ್ಮನ್ನಾವರಿಸಬಹುದು. ಆದರೆ ಸಂಸ್ಥೆಯ ಬಗ್ಗೆ ತಿಳಿದುಕೊಳ್ಳದ ಯುವತಿಯರು ಕೆಲಸಕ್ಕೆ ಸೇರಿ, ಪೋರ್ನ್ ನಟಿಯರಾಗಿ ಬದಲಾದ ಘಟನೆ ಗುಜರಾತ್ನಲ್ಲಿ ನಡೆದಿದೆ.
ಇದನ್ನೂ ಓದಿ: ಟ್ರೋಫಿ ಮೇಲೆ ಮೂತ್ರ ಮಾಡಿ ಅವಮಾನಿಸಿದ್ದ ವ್ಯಕ್ತಿಗೇ ಸಿಕ್ಕಿತು ಗ್ರ್ಯಾಮಿ ಅವಾರ್ಡ್ಸ್ಗೆ ನಾಮಿನೇಶನ್ ಭಾಗ್ಯ
ರಾಜ್ಯದ ಅಕೋಟಾ ಏರಿಯಾದಲ್ಲಿ ಆರ್ಕಿಟೆಕ್ ಸಂಸ್ಥೆಯೊಂದಿತ್ತು. ನಿಲೇಶ್ ಗುಪ್ತಾ ಒಡೆತನದ ಆ ಸಂಸ್ಥೆಯಲ್ಲಿ ಯುವತಿಯರನ್ನು ಆರ್ಕಿಟೆಕ್ ಕೆಲಸ ಮಾಡಲು ಸೇರಿಸಿಕೊಳ್ಳಲಾಗುತ್ತಿತ್ತು. ಕೆಲಸದ ಸಂದರ್ಶನ ಮಾಡುವ ಸಮಯದಲ್ಲಿ, ‘ನೀವು ಕ್ಲೈಂಟ್ಗಳೊಂದಿಗೆ ಚಾಟ್ ಮಾಡಬೇಕಾಗುತ್ತದೆ’ ಎಂದು ಹೇಳಿ ಕೆಲಸಕ್ಕೆ ಸೇರಿಸಿಕೊಳ್ಳಲಾಗುತ್ತಿತ್ತು. ನಂತರ ಅವರನ್ನು ಕ್ಲೈಂಟ್ ಚಾಟ್ ಬದಲಾಗಿ ಸೆಕ್ಸ್ ಚಾಟ್ ಮತ್ತು ವಿಡಿಯೋ ಕಾಲ್ ಪೋರ್ನೋಗ್ರಫಿಗೆ ಬಳಸಿಕೊಳ್ಳಲಾಗುತ್ತಿತ್ತು.
ನಿಲೇಶ್ ಗುಪ್ತಾ ಆಗ್ರ ಮೂಲದವನು. 44 ವರ್ಷದ ಆತನಿಗೆ 2012ರಲ್ಲಿ ಮೊದಲನೇ ಪತ್ನಿಯಿಂದ ವಿಚ್ಛೇದನವಾಗಿದೆ. ಅದಾದ ನಂತರ ರಷ್ಯಾ ಮೂಲದ ಮಹಿಳೆಯನ್ನು ಮದುವೆಯಾದ ಆತ ಈ ಆರ್ಕಿಟೆಕ್ ಸಂಸ್ಥೆಯನ್ನು ತೆರೆದು ಕೆಲಸ ಆರಂಭಿಸಿದ್ದಾನೆ. ಕಳೆದ ವರ್ಷ ರಷ್ಯಾಕ್ಕೆ ತೆರಳಿದ್ದ ಆತನ ಪತ್ನಿ ಲಾಕ್ಡೌನ್ ಹಿನ್ನೆಲೆಯಲ್ಲಿ ಮರಳಿ ವಾಪಾಸು ಭಾರತಕ್ಕೆ ಬರಲು ಸಾಧ್ಯವಾಗಿಲ್ಲ. ಇತ್ತೀಚೆಗೆ ಆ ಪ್ರದೇಶದಲ್ಲಿ ಕಾನೂನು ಬಾಹಿರ ಕೆಲಸಗಳು ನಡೆಯುತ್ತಿರುವುದಾಗಿ ಪೊಲೀಸ್ ಪ್ರಕರಣ ದಾಖಲಾಗಿತ್ತು. ಆ ಹಿನ್ನೆಲೆಯಲ್ಲಿ ಹದ್ದಿನ ಕಣ್ಣಿಟ್ಟ ಪೊಲೀಸರು ಇದೀಗ ಸಂಸ್ಥೆಯ ನಿಜ ಬಣ್ಣವನ್ನು ಬೆಳಕಿಗೆ ತಂದಿದ್ದಾರೆ.
ಇದನ್ನೂ ಓದಿ: 25 ವರ್ಷ ಹಿಂದೆ ಕೊಲೆ ಮಾಡಿದ್ದ ವ್ಯಕ್ತಿ ಈಗ ಸಿಕ್ಕಿಬಿದ್ದ; ಕೇಸ್ ಸಾಲ್ವ್ ಆದ ಬಗೆಯೇ ರೋಚಕ
ಈ ಸಂಸ್ಥೆಯು ಯುರೋಪ್ನ ಪೋರ್ನ್ ವೆಬ್ಸೈಟ್ ಒಂದಕ್ಕೆ ವಿಡಿಯೋಗಳನ್ನು ನೀಡುತ್ತಿತ್ತು ಎನ್ನಲಾಗಿದೆ. ಗ್ರಾಹಕರ ಗುರುತನ್ನು ಮರೆಮಾಡಲು ವೆಬ್ಸೈಟ್ ಟೋಕನ್ಗಳ ಮೂಲಕ ಕಾರ್ಯನಿರ್ವಹಿಸುತ್ತಿತ್ತು. ನಂತರ ಟೋಕನ್ಗಳನ್ನು ಬಿಟ್ಕಾಯಿನ್ಗಳಾಗಿ ಪರಿವರ್ತಿಸಲಾಗುತ್ತಿತ್ತು ಎನ್ನಲಾಗಿದೆ.
ಸಂಸ್ಥೆಯ ಮೇಲೆ ದಾಳಿ ನಡೆಸಿರುವ ಪೊಲೀಸರು ಎರಡು ಸೆಕ್ಟ್ ಟಾಯ್, 11 ಲ್ಯಾಪ್ಟಾಪ್, 2 ವೆಬ್ಕಾಮ್, 2 ರೂಟರ್, 2 ಟಿವಿ, 1 ಮೊಬೈಲ್ ಮತ್ತು ಆರೋಪಿಯ ಕಾರನ್ನು ವಶಕ್ಕೆ ಪಡೆದಿದ್ದಾರೆ. ಕಚೇರಿಯಲ್ಲಿ 19 ಯುವತಿಯರಿಗೆ ಸೇರಿರುವ 19 ಪಾಸ್ಪೋರ್ಟ್ಗಳು ಸಿಕ್ಕಿವೆ ಎನ್ನಲಾಗಿದೆ. (ಏಜೆನ್ಸೀಸ್)
ಕ್ರಷ್ಗೆ ಮದುವೆಯಾಗಿತ್ತು ಆದರೂ ಸಂಬಂಧ ಬೆಳೆಸಲು ಒತ್ತಾಯಿಸಿದ ಯುವಕ; ಒಪ್ಪದಿದ್ದಾಗ ಏನು ಮಾಡಿದ ಗೊತ್ತಾ?
VIDEO| ರಸ್ತೆ ಮೇಲೆ ರಾಜಾರೋಷವಾಗಿ ಓಡಾಡಿದ ಚಿರತೆ; ಸಿಸಿಟಿವಿಯಲ್ಲಿ ಸೆರೆಯಾಯ್ತು ಚಿರತೆಯ ಓಡಾಟ