ವಾಷಿಂಗ್ಟನ್ : ಚೀನಾದಲ್ಲಿ ಕರೊನಾ ವೈರಸ್ ಹುಟ್ಟಿದ ಬಗ್ಗೆ ಹೆಚ್ಚು ತನಿಖೆಯಾಗಬೇಕು ಎಂದು ಆಗ್ರಹಿಸುತ್ತಿರುವ ಜೊತೆಗೇ ಚೀನಾದ ಮೀನುಗಾರಿಕೆ ಕಂಪೆನಿಯೊಂದರ 30 ಕ್ಕೂ ಹೆಚ್ಚು ಹಡಗುಗಳಿಂದ ಬರುವ ಸೀಫುಡ್ ಆಮದನ್ನು ಅಮೆರಿಕ ಸರ್ಕಾರ ಏಕಾಏಕಿ ನಿರ್ಬಂಧಿಸಿದೆ. ಈ ನೌಕೆಗಳಲ್ಲಿ ಸಿಬ್ಬಂದಿಯನ್ನು ಗುಲಾಮರಂತೆ ಬಲವಂತವಾಗಿ ದುಡಿಸಿಕೊಳ್ಳಲಾಗುತ್ತಿದೆ ಎಂದು ಅಮೆರಿಕ ಅಧಿಕಾರಿಗಳು ಆರೋಪಿಸಿದ್ದಾರೆ.
ಅಮೆರಿಕದ ಕಸ್ಟಮ್ಸ್ ಅಂಡ್ ಬಾರ್ಡರ್ ಪ್ರೊಟೆಕ್ಷನ್ (ಸಿಬಿಪಿ) ಇಲಾಖೆಯು ಚೀನಾದ ಡಾಲಿಯನ್ ಓಷನ್ ಫಿಶಿಂಗ್ನ ನೌಕೆಗಳಿಂದ ಬರುವ ಸೀಫುಡ್ ಆಮದಿನ ಮೇಲೆ ತಕ್ಷಣವೇ ತಡೆ ವಿಧಿಸಿದೆ. ಬಲವಂತದ ದುಡಿಮೆಯೊಂದಿಗೆ ಉತ್ಪಾದಿಸಲಾಗಿದೆಯೆಂದು ಶಂಕಿಸಲಾಗಿರುವ ಸರಕುಗಳನ್ನು ನಿಷೇಧಿಸುವ ಅಮೆರಿಕದ ಕಾನೂನಿನಡಿ ಈ ಕ್ರಮ ಕೈಗೊಳ್ಳಲಾಗಿದೆ. ಕಳೆದ ವರ್ಷ ಈ ಕಂಪೆನಿಯ ನೌಕೆಗಳಲ್ಲಿ ಕೆಲಸ ಮಾಡುತ್ತಿದ್ದ ಇಂಡೋನೇಷ್ಯಾದ ಹಲವಾರು ಮೀನುಗಾರರ ಸಾವು ಸಂಭವಿಸಿತ್ತು ಎನ್ನಲಾಗಿದೆ.
ಇದನ್ನೂ ಓದಿ: ಭಾರಿ ಮಳೆಗೆ ಪಂಪ್ವೆಲ್ ಜಂಕ್ಷನ್ ಜಲಾವೃತ !
ಹೆಚ್ಚಾಗಿ ಉನ್ನತ ಮಟ್ಟದ ಟೂನಾ ಮೀನಿನ ಆಮದನ್ನು ಒಳಗೊಂಡ ಡಾಲಿಯನ್ ಕಂಪನಿಯೊಂದಿಗಿನ ಅಮೆರಿಕ ವಹಿವಾಟು 2018 ರಲ್ಲಿ 20 ಮಿಲಿಯನ್ ಡಾಲರ್ಗಳನ್ನು ಮೀರಿತ್ತು. ಈ ಕಂಪೆನಿಯು 2019 ರಲ್ಲಿ 1.8 ಮಿಲಿಯನ್ ಡಾಲರ್ಗಳಷ್ಟು ಸರಕನ್ನು, 2020ರಲ್ಲಿ 321,000 ಡಾಲರ್ ಸರಕನ್ನು, ಮತ್ತು ಈ ವರ್ಷ ಏಪ್ರಿಲ್ 30 ರವರೆಗೆ 763,000 ಡಾಲರ್ ಸರಕನ್ನು ಅಮೆರಿಕಕ್ಕೆ ಕಳುಹಿಸಿತ್ತು ಎನ್ನಲಾಗಿದೆ.
ಆದರೆ ಇದೀಗ ಅಮೆರಿಕದ ಸಿಬಿಪಿ, ಡಾಲಿಯನ್ ಮೀನುಗಾರಿಕೆ ಕಾರ್ಯದಲ್ಲಿ ಕಾರ್ಮಿಕರ ಶೋಷಣೆ ನಡೆಯುತ್ತಿದೆ ಎಂಬ ಕಾರಣವೊಡ್ಡಿ ಆಮದು ನಿಲ್ಲಿಸುತ್ತಿದೆ. ಕೂಲಿ ಹಣವನ್ನು ತಡೆಹಿಡಿಯುವುದು ಮತ್ತು ಶಾರೀರಿಕವಾಗಿ ಬೆದರಿಕೆ ಒಡ್ಡುವುದೂ ಸೇರಿದಂತೆ ಅಮಾನವೀಯ ಪರಿಸ್ಥಿತಿಗಳಲ್ಲಿ ವಿದೇಶೀಯ ನೌಕರರನ್ನು ಚೀನಾದ ಈ ಕಂಪೆನಿ ದುಡಿಸಿಕೊಳ್ಳುತ್ತಿದೆ ಎಂಬುದಕ್ಕೆ ಪುರಾವೆಗಳು ಲಭಿಸಿವೆ ಎಂದು ಆಫೀಸ್ ಆಫ್ ಟ್ರೇಡ್ನ ಅಧಿಕಾರಿ ಜಾನ್ ಲಿಯೊನಾರ್ಡ್ ಹೇಳಿದ್ದಾರೆ. (ಏಜೆನ್ಸೀಸ್)
6 ವಾರಗಳ ನಂತರ ಇಳಿದ ಸೋಂಕು ಸಂಖ್ಯೆ ; 1.73 ಲಕ್ಷ ಹೊಸ ಪ್ರಕರಣ
ಚಿನ್ನ-ಬೆಳ್ಳಿ ವ್ಯಾಪಾರ : ಹಾಲ್ಮಾರ್ಕ್ ಇಲ್ಲದಿದ್ದರೆ ಬೀಳುತ್ತೆ ಕ್ರಿಮಿನಲ್ ಕೇಸ್!
‘ಫ್ರೆಂಡ್ಸ್’ ಪುನರ್ಮಿಲನ ! 17 ವರ್ಷಗಳ ನಂತರ ಅದೇ ಸೆಟ್ನಲ್ಲಿ ತಾರೆಗಳು !