ಅಕಾಪುಲ್ಕೋ (ಮೆಕ್ಸಿಕೋ): ಚೇರ್ ಅಂಪೈರ್ ಮೇಲೆ ರ್ಯಾಕೆಟ್ನಿಂದ ಹಲ್ಲೆ ಮಾಡಲು ಯತ್ನಿಸಿದ ಜರ್ಮನಿಯ ಸ್ಟಾರ್ ಆಟಗಾರ ಅಲೆಕ್ಸಾಂಡರ್ ಜ್ವೆರೇವ್, ಮೆಕ್ಸಿಕನ್ ಓಪನ್ ಟೆನಿಸ್ ಟೂರ್ನಿಯಿಂದ ಅಮಾನತುಗೊಂಡು ಹೊರಬಿದ್ದಿದ್ದಾರೆ.
ಬ್ರೆಜಿಲ್ನ ಜತೆಗಾರ ಮಾರ್ಷೆಲೊ ಮೆಲೋ ಜತೆಗಿನ ಡಬಲ್ಸ್ ವಿಭಾಗದ ಪಂದ್ಯದ ವೇಳೆ ಈ ಘಟನೆ ನಡೆದಿದ್ದು, ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಬ್ರಿಟನ್ನ ಲಾಯ್ಡ ಗ್ಲಾಸ್ಪೂಲ್ ಮತ್ತು ಫಿನ್ಲ್ಯಾಂಡ್ನ ಹ್ಯಾರಿ ಹೆಲಿಯೊವಾರ ವಿರುದ್ಧದ 2-6, 6-4, 6-10ರಿಂದ ಸೋತ ಬಳಿಕ ಜ್ವೆರೇವ್ ಅಂಪೈರ್ ಬಳಿ ತೆರಳಿ ಅವರು ಕುಳಿತಿದ್ದ ಚೇರ್ಗೆ ರ್ಯಾಕೆಟ್ನಿಂದ ಹೊಡೆದಿದ್ದಾರೆ.
ಈ ವೇಳೆ ಅಂಪೈರ್ ಕಾಲಿಗೆ ಪೆಟ್ಟು ಬೀಳುವುದನ್ನು ತಪ್ಪಿಸಿಕೊಂಡಿದ್ದಾರೆ. ಇದರಿಂದಾಗಿ 24 ವರ್ಷದ ಜ್ವೆರೇವ್ ಸಿಂಗಲ್ಸ್ ವಿಭಾಗದ 16ರ ಘಟ್ಟದ ಪಂದ್ಯದಿಂದ ಅಮಾನತುಗೊಂಡಿದ್ದಾರೆ. ಎಟಿಪಿಯಿಂದ ಅವರಿಗೆ ದಂಡ ಶಿಕ್ಷೆಯ ಜತೆಗೆ ಒಂದು ವರ್ಷದವರೆಗೆ ನಿಷೇಧವೂ ಎದುರಾಗುವ ಸಾಧ್ಯತೆ ಇದೆ.
Alexander Zverev has been THROWN OUT of the Mexican Open for attacking the umpire's chair at the end of his doubles match 😮😮😮 pic.twitter.com/CWhQ1r6kwj
— Amazon Prime Video Sport (@primevideosport) February 23, 2022