ನವದೆಹಲಿ: ವರ್ಷಗಳ ಹಿಂದೆ ಅಮೆರಿಕದ ಮೇಲೆ ನಡೆದಿದ್ದ 9/11 ಉಗ್ರರ ದಾಳಿಯ ಮಾಸ್ಟರ್ಮೈಂಡ್ ಆದ ಅಲ್ಖೈದಾ ಆತಂಕವಾದಿಗಳ ಸಂಘಟನೆಯು ಅಫ್ಘಾನಿಸ್ತಾನದ ‘ವಿಮುಕ್ತಿ’ಗಾಗಿ ತಾಲಿಬಾನ್ಗೆ ಶುಭಾಶಯ ಕೋರಿದೆ. ಜೊತೆಯಲ್ಲೇ, ಭಾರತದ ಕಾಶ್ಮೀರವನ್ನೂ ‘ಇಸ್ಲಾಂನ ಶತೃಗಳ ಹಿಡಿತದಿಂದ ಮುಕ್ತಗೊಳಿಸಿ’ ಎಂದು ಕರೆ ನೀಡಿದೆ.
ತಾಲಿಬಾನ್ ಆಕ್ರಮಿತ ಅಫ್ಘಾನಿಸ್ತಾನದಿಂದ ಅಮೆರಿಕದ ಸೇನಾ ಪಡೆಗಳು ಅಂತಿಮ ನಿರ್ಗಮನ ಮಾಡಿದ ನಂತರ, ಅಲ್ಖೈದಾ ಈ ಹೇಳಿಕೆ ನೀಡಿದೆ. “ಇಸ್ಲಾಂನ ಶತೃಗಳ ಹಿಡಿತದಿಂದ ಲೆವಂತ್, ಸೊಮಾಲಿಯ, ಯೆಮೆನ್, ಕಾಶ್ಮೀರ ಮತ್ತು ಉಳಿದ ಇಸ್ಲಾಮೀಯ ಭೂಪ್ರದೇಶಗಳನ್ನು ಮುಕ್ತಗೊಳಿಸಿ. ಓಹ್ ಅಲ್ಲಾ, ಜಗತ್ತಿನಾದ್ಯಂತದ ಮುಸಲ್ಮಾನ ಖೈದಿಗಳಿಗೆ ಸ್ವಾತಂತ್ರ್ಯ ಕರುಣಿಸು” ಎಂದು ಅಲ್ಖೈದಾ ಹೇಳಿರುವುದಾಗಿ ಇಂಡಿಯಾ ಟುಡೇ ವರದಿ ಮಾಡಿದೆ.
ಇದನ್ನೂ ಓದಿ: ಮನೆಯ ಬಳಿ ಆಡುತ್ತಿದ್ದ ಪುಟ್ಟ ಬಾಲಕಿಯ ಮೇಲೆ ಲೈಂಗಿಕ ಅತ್ಯಾಚಾರ!
ಆಗಸ್ಟ್ 30 ರಂದು ಮಧ್ಯರಾತ್ರಿ ಅಮೆರಿಕದ ಸೈನಿಕರನ್ನು ಹೊತ್ತ ಸಿ-17 ಕಾರ್ಗೋ ಏರ್ಕ್ರಾಫ್ಟ್ ಕಾಬುಲ್ನ ಹಮೀದ್ ಕರ್ಜಾಯಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಟಿತು. ತನ್ಮೂಲಕ ಅಫ್ಘಾನಿಸ್ತಾನದಲ್ಲಿ ಅಮೆರಿಕದ ಯುದ್ಧಕ್ಕೆ ಜೋ ಬಿಡೆನ್ ನೇತೃತ್ವದ ಸರ್ಕಾರ ಅಂತ್ಯ ಹಾಡಿತು. ಇದಾದ ನಂತರ ಅಫ್ಘಾನಿಸ್ತಾನ ಪೂರ್ಣವಾಗಿ ಸ್ವತಂತ್ರವಾಗಿದೆ ಎಂದು ತಾಲಿಬಾನ್ ಘೋಷಣೆ ಮಾಡಿದೆ. (ಏಜೆನ್ಸೀಸ್)
ಕಾಜಿರಂಗ ಉದ್ಯಾನ: ಪ್ರವಾಹಕ್ಕೆ ಸಿಲುಕಿದ್ದ ಪುಟ್ಟ ಘೇಂಡಾಮೃಗದ ರಕ್ಷಣೆ
ಮಹಿಳೆಯರೇ, ಸ್ತನ ಕ್ಯಾನ್ಸರ್ ಬಗ್ಗೆ ಎಚ್ಚರ ವಹಿಸಿ! ರೋಗಲಕ್ಷಣ, ತಪಾಸಣೆ, ಚಿಕಿತ್ಸೆ… ವಿವರಗಳು ಇಲ್ಲಿವೆ