ಮುಂಬೈ: ಭಾರತೀಯ ಸೇನೆಯ ಗೂರ್ಖಾ ರೆಜಿಮೆಂಟ್ನ ಹೆಮ್ಮೆಯ ಅಧಿಕಾರಿ ಮೇಜರ್ ಜನರಲ್ ಇಯಾನ್ ಕಾರ್ಡೋಜೋ ಅವರ ಜೀವನವನ್ನಾಧರಿಸಿ ‘ಗೂರ್ಖಾ’ ಎಂಬ ಚಿತ್ರದಲ್ಲಿ ಅಕ್ಷಯ್ ಕುಮಾರ್ ನಟಿಸುತ್ತಿರುವ ಸುದ್ದಿ ಗೊತ್ತಿರಬಹುದು. ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಈ ಮಾರ್ಚ್ನಿಂದ ಆ ಚಿತ್ರದ ಚಿತ್ರೀಕರಣ ಶುರುವಾಗಬೇಕಿತ್ತು. ಆದರೆ, ಈಗ ಆ ಚಿತ್ರದಿಂದ ಅಕ್ಷಯ್ ಹೊರಬಂದಿದ್ದಾರೆ ಎಂಬ ಸುದ್ದಿಯೊಂದು ಹೊರಬಿದ್ದಿದೆ.
ಇದನ್ನೂ ಓದಿ: ಡಾಲಿ ಗೆಳೆಯರ ಬಳಗದಿಂದ ‘ಆರ್ಕೆಸ್ಟ್ರಾ ಮೈಸೂರು’
ಹೌದು, ‘ಗೂರ್ಖಾ’ ಚಿತ್ರದಿಂದ ಅಕ್ಷಯ್ ಕುಮಾರ್ ಹೊರಬಂದಿದ್ದಾರಂತೆ. ಅದಕ್ಕೆ ಕಾರಣವೂ ಇದೆ. ಯಾವಾಗ ಚಿತ್ರದ ಘೋಷಣೆಯಾಯಿತೋ, ಆಗ ಸಾಕಷ್ಟು ವಿವಾದಗಳು ಎದ್ದವು. ಪ್ರಮುಖವಾಗಿ ಮೇಜರ್ ಜನರಲ್ ಕಾರ್ಡೋಜೋ ಮತ್ತು ಅವರ ಸಾಹಸಗಳ ಕುರಿತ ಸತ್ಯಾಸತ್ಯಗಳ ಬಗ್ಗೆ ಚರ್ಚೆಯಾಗಿದ್ದವು.
ಈ ಎಲ್ಲ ವಿವಾದಗಳಿಂದ ಅಕ್ಷಯ್ ಕುಮಾರ್ಗೆ ಸಾಕಷ್ಟು ಬೇಸರವಾಗಿದೆ ಎಂದು ಹೇಳಲಾಗುತ್ತಿದೆ. ಸೈನ್ಯದ ಬಗ್ಗೆ ಅಪಾರ ಗೌರವ ಇರುವ ಅಕ್ಷಯ್ ಕುಮಾರ್ಗೆ, ಈ ಗೊಂದಲ ಮತ್ತು ಗದ್ದಲಗಳ ನಡುವೆ ಚಿತ್ರ ಮಾಡುವುದಕ್ಕೆ ಇಷ್ಟ ಇರಲಿಲ್ಲವಂತೆ. ಹಾಗಾಗಿ, ಅವರು ಚಿತ್ರದಿಂದ ಹೊರಬಂದಿದ್ದಾರೆ ಎಂದು ಹೇಳಲಾಗುತ್ತಿದೆ. ಅವರು ಹೊರನಡೆದಿದ್ದರಿಂದ ಆ ಚಿತ್ರ ಮುಂದುವರೆಯುತ್ತದೋ ಅಥವಾ ಅದನ್ನು ಅಷ್ಟಕ್ಕೇ ನಿಲ್ಲಿಸಲಾಗುತ್ತದೋ ಎಂಬುದರ ಕುರಿತು ಇನ್ನೂ ಚಿತ್ರತಂಡ ಸ್ಪಷ್ಟಪಡಿಸಿಲ್ಲ.
ಇದನ್ನೂ ಓದಿ: ವಿನಯ್ ರಾಜಕುಮಾರ್ಗೊಂದು ಸಿಂಪಲ್ ಸಿನಿಮಾ ಮಾಡ್ತಿದ್ದಾರಂತೆ ಸುನಿ …
‘ಗೂರ್ಖಾ’ ಚಿತ್ರವು ಅಕ್ಷಯ್ ಕುಮಾರ್ ಅವರ ಫಿಲ್ಮಾಗ್ರಫಿಯಿಂದ ಮೈನಸ್ ಆದರೂ, ಇನ್ನೊಂದಿಷ್ಟು ಚಿತ್ರಗಳಲ್ಲಿ ಅವರು ನಟಿಸುತ್ತಿದ್ದಾರೆ. ಪ್ರಮುಖವಾಗಿ ‘ಸೆಲ್ಫಿ’, ‘ಓ ಮೈ ಗಾಡ್ 2’ ಹಾಗೂ ‘ಬಡೆ ಮಿಯಾ ಚೋಟೇ ಮಿಯಾ’ ಚಿತ್ರಗಳಲ್ಲಿ ಅವರು ನಟಿಸುತ್ತಿದ್ದು, ಆ ಮೂರು ಚಿತ್ರಗಳು ಈ ವರ್ಷ ಬಿಡುಗಡೆಯಾಗಲಿವೆ.