ಮುಂಬೈ: ಬಾಲಿವುಡ್ನ ಟಾಪ್ ಲಿಸ್ಟ್ನಲ್ಲಿರುವ ನಟ ಅಕ್ಷಯ್ ಕುಮಾರ್ ಸದಾ ಒಂದಿಲ್ಲೊಂದು ಸಿನಿಮಾದಲ್ಲಿ ಬ್ಯುಸಿಯಾಗಿಯೇ ಇರುತ್ತಾರೆ. ಸಿನಿಮಾಗಳ ಜತೆ ಜತೆಗೆ ಕೆಲವು ಸಾಮಾಜಿಕ ಕೆಲಸಗಳಲ್ಲೂ ತೊಡಗಿಸಿಕೊಳ್ಳುವ ಅವರು ಇದೀಗ 5 ಕೆಜಿ ತೂಕ ಹೆಚ್ಚಿಸಿಕೊಂಡಿದ್ದಾರಂತೆ.
ಅಕ್ಷಯ್ಕುಮಾರ್ ಇದೀಗ ರಕ್ಷಾ ಬಂಧನ್ ಹೆಸರಿನ ಸಿನಿಮಾದಲ್ಲಿ ನಟಿಸಲು ಸಿದ್ಧವಾಗಿದ್ದಾರೆ. ಆ ಸಿನಿಮಾಕ್ಕಾಗಿ ಅವರ ತೂಕವನ್ನು ಹೆಚ್ಚಿಸಿಕೊಳ್ಳಬೇಕಿತ್ತಂತೆ. ಹಾಗಾಗಿ ನೈಸರ್ಗಿಕ ವಿಧದಲ್ಲಿ ತೂಕ ಹೆಚ್ಚಿಸಿಕೊಳ್ಳುತ್ತಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ ಅವರು. ಈ ರೀತಿ ತೂಕ ಹೆಚ್ಚಿಸಿಕೊಳ್ಳುವ ಅವಕಾಶ ಸಿಕ್ಕಿದ್ದರಿಂದಾಗಿ ನನಗೆ ಅಮ್ಮನ ಕೈನಲ್ಲಿ ತಯಾರಾದ ಹಲ್ವಾ ತಿನ್ನಲು ಆಯಿತು ಎಂದು ಅವರು ಹೇಳಿಕೊಂಡಿದ್ದಾರೆ. ಅದಷ್ಟೇ ಅಲ್ಲದೆ ಯಾವುದೇ ಸಿನಿಮಾಕ್ಕೆ ತೂಕ ಹೆಚ್ಚಿಸಿಕೊಳ್ಳುವುದು ಅಥವಾ ಇಳಿಸಿಕೊಳ್ಳುವುದು ಅವರಿಗೆ ಸಾಕಷ್ಟು ಇಷ್ಟವಾಗುತ್ತದೆಯಂತೆ.
ಅಕ್ಷಯ್ ಕುಮಾರ್ ಅವರು ರಕ್ಷಾ ಬಂಧನ್ ಸಿನಿಮಾದಲ್ಲಿ ನಟಿಸುವುದಾಗಿ ಕಳೆದ ವರ್ಷ ರಕ್ಷಾ ಬಂಧನ್ ದಿನವೇ ಹೇಳಿದ್ದರು. ಈ ಸಿನಿಮಾಕ್ಕೆ ಆನಂದ್ ಎಲ್ ರೈ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಈ ಚಿತ್ರವನ್ನು ನಟ ತಮ್ಮ ಸಹೋದರಿ ಅಲ್ಕಾ ಭಾಟಿಯಾ ಅವರಿಗೆ ಅರ್ಪಿಸಿದ್ದಾರೆ. (ಏಜೆನ್ಸೀಸ್)
ಕೋಣನಕುಂಟೆ ಕ್ರಾಸ್‌ನ ಗಾರ್ಮೆಂಟ್ಸ್ನಲ್ಲಿ ಅಗ್ನಿ ಅವಘಡ: ಬೆಲೆ ಬಾಳುವ ಯಂತ್ರಗಳು ಬೆಂಕಿಗೆ ಆಹುತಿ
ಬಾಲಿವುಡ್ ನಟಿ ತಾಪ್ಸಿ ಪನ್ನು ಬಾಯ್ಫ್ರೆಂಡ್ಗೆ ಇಂದು ಜನ್ಮದಿನದ ಸಂಭ್ರಮ; ಹೇಗಿತ್ತು ಬರ್ತ್ಡೇ?