ಬೆಂಗಳೂರು: ಕರೊನಾ ವೈರಸ್ ಗಾಳಿಯಲ್ಲೂ ಹರಡುತ್ತಿದ್ದು, ಅದನ್ನು ತಡೆಯಲು ಅರ್ಥಾತ್ ಗಾಳಿಯಲ್ಲಿರುವ ಕರೊನಾ ವೈರಸ್ ನಿಷ್ಕ್ರಿಯಗೊಳಿಸಲು ಏರ್ ಡಕ್ಟ್ ಸಂಶೋಧನೆ ಮಾಡಲಾಗಿದ್ದು, ಇದನ್ನು ಒಳಾಂಗಣ ಸಭಾಂಗಣಗಳಲ್ಲಿ ಬಳಸಬಹುದಾಗಿದೆ. ಕೇಂದ್ರೀಯ ವೈಜ್ಞಾನಿಕ ಸಲಕರಣೆ ಸಂಸ್ಥೆ (ಸಿಎಸ್ಐಆರ್) ಸಾರ್ಸ್-ಕೋವಿ-2 ವೈರಾಣುವನ್ನು ಎದುರಿಸಲು ಈ ಯುವಿ (ನೇರಳಾತೀತ) ಸೋಂಕು ನಿವಾರಕ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದೆ. ಮಾತ್ರವಲ್ಲ 27 ದೇಶೀಯ ತಯಾರಕರಿಗೆ ಈ ತಂತ್ರಜ್ಞಾನವನ್ನು ವರ್ಗಾಯಿಸಿದೆ.
ಸಾರ್ಸ್-ಕೋವಿ-2 ವೈರಾಣು ಗಾಳಿಯಲ್ಲಿ ತೇಲಾಡುತ್ತಿರುವ ದ್ರವ ಕಣಗಳ ಮುಖಾಂತರ ವಾಯುಮಾರ್ಗದಲ್ಲೂ ಪ್ರಸರಣವಾಗುವ ಬಗ್ಗೆ ಇತ್ತೀಚೆಗೆ ಹೆಚ್ಚಿನ ಪುರಾವೆಗಳು ದೊರೆತಿದ್ದು, ಈ ಬೆಳವಣಿಗೆಯನ್ನು ಅಂತರರಾಷ್ಟ್ರೀಯ ಸಂಸ್ಥೆಗಳಾದ ವಿಶ್ವ ಆರೋಗ್ಯ ಸಂಸ್ಥೆ, ʻರೆಹ್ವಾʼ, ʻಆಶ್ರೇʼ ಮತ್ತು ವಿವಿಧ ದೇಶಗಳ ಆರೋಗ್ಯ ಇಲಾಖೆಗಳು ಅತ್ಯಂತ ಮಹತ್ವದ ವಿಚಾರವಾಗಿ ಪರಿಗಣಿಸಿವೆ. ಸಿಎಸ್ಐಆರ್ ಪ್ರಯೋಗಾಲಯಗಳು, ಸೆಲ್ಯುಲಾರ್ ಅಂಡ್ ಮಾಲಿಕ್ಯುಲಾರ್ ಬಯಾಲಜಿ ಕೇಂದ್ರ (ಸಿಎಸ್ಐಆರ್-ಸಿಸಿಎಂಬಿ) ಮತ್ತು ʻಸಿಎಸ್ಐಆರ್-ಸೂಕ್ಷ್ಮಾಣುವಿಜ್ಞಾನ ತಂತ್ರಜ್ಞಾನ ಸಂಸ್ಥೆ (ಸಿಎಸ್ಐಆರ್-ಐಎಂಟೆಕ್) ಸೆಪ್ಟೆಂಬರ್ 2020ರಲ್ಲಿ ನಡೆಸಿದ ಸಂಶೋಧನೆಯಲ್ಲಿ ವೈರಾಣು ವಾಯುಮಾರ್ಗದ ಮೂಲಕ ಪ್ರಸರಣವಾಗುವುದನ್ನು ಪ್ರಾಯೋಗಿಕವಾಗಿ ಪ್ರದರ್ಶಿಸಲಾಗಿದೆ. ಒಂದು ಕೋಣೆಯಿಂದ ಸೋಂಕಿತ ವ್ಯಕ್ತಿ ನಿರ್ಗಮಿಸಿದ ಬಳಿಕವೂ ಸುಮಾರು 2 ಗಂಟೆಗಳ ಕಾಲ ಸಾರ್ಸ್-ಕೋವಿ-2 ವೈರಾಣು ಕಣಗಳು ಗಾಳಿಯಲ್ಲಿ ಇರುವುದು ಸಂಶೋಧನೆ ವೇಳೆ ಪತ್ತೆಯಾಗಿದೆ. ವ್ಯಕ್ತಿಯಿಂದ ಕೆಲವು ಮೀಟರ್‌ ದೂರದಲ್ಲೂ ಇಂತಹ ವೈರಾಣು ಕಣಗಳು ಪತ್ತೆಯಾಗಿರುವುದು ಸಾರ್ಸ್-ಕೋವಿ-2 ಗಾಳಿಯಲ್ಲೂ ಪ್ರಸರಣವಾಗುತ್ತದೆ ಎಂಬ ವಾದವನ್ನು ಬಲಪಡಿಸಿದೆ.
ಇದನ್ನೂ ಓದಿ: ಹೆಂಡತಿಗೆ ಕಿರುಕುಳ ಕೊಟ್ಟು ಸಾವು ತಂದುಕೊಂಡ ಗಂಡ; ಆಕೆ ಹೊಡೆಯಿರಿ ಎಂದಳು, ಅವರಿಬ್ಬರು ಕೊಂದೇ ಬಿಟ್ಟರು…
ಈ ಅಧ್ಯಯನಗಳನ್ನು ಆಧರಿಸಿ ಮತ್ತು ವೈರಾಣು ಸೋಂಕು ನಿವಾರಣೆಗೆ ಅಗತ್ಯವೆಂದು ಗುರುತಿಸಲಾದ ಪರಿಣಾಮಕಾರಿ ಪರಿಹಾರಗಳ ಹಿನ್ನೆಲೆಯಲ್ಲಿ ʻಸಿಎಸ್ಐಆರ್-ಸಿಎಸ್ಐಒʼ ಸಂಸ್ಥೆಗಳು ʻಯುವಿ-ಸಿʼ ವಾಯುನಾಳ (ಏರ್ ಡಕ್ಟ್) ಸೋಂಕು ನಿವಾರಕ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿವೆ. ಈ ಸೋಂಕು ನಿವಾರಕ ವ್ಯವಸ್ಥೆಯನ್ನು ಸಭಾಂಗಣಗಳು, ದೊಡ್ಡ ಸಮಾವೇಶಗಳು ನಡೆಯುವ ಸಭಾಮಂದಿರಗಳು, ಶಾಲಾ ಕೊಠಡಿಗಳು, ಮಾಲ್‌ಗಳು ಮುಂತಾದೆಡೆ ಬಳಸಬಹುದು. ಪ್ರಸ್ತುತ ಸಾಂಕ್ರಾಮಿಕದ ಪರಿಸ್ಥಿತಿಯಲ್ಲಿ, ಈ ಸೋಂಕು ನಿವಾರಕ ವ್ಯವಸ್ಥೆಯು ಒಳಾಂಗಣ ಚಟುವಟಿಕೆಗಳಿಗೆ ತುಲನಾತ್ಮಕವಾಗಿ ಸುರಕ್ಷಿತ ವಾತಾವರಣ ಒದಗಿಸುತ್ತದೆ. ಗಾಳಿಯಲ್ಲಿರುವ ʻಸಾರ್ಸ್ ಕೋವ್‌-2’ ವೈರಾಣುವನ್ನು ನಿಷ್ಕ್ರಿಯಗೊಳಿಸುವ ಅಗತ್ಯಕ್ಕೆ ಅನುಗುಣವಾಗಿ ಈ ತಂತ್ರಜ್ಞಾನವನ್ನು ರೂಪಿಸಲಾಗಿದೆ. ಜೊತೆಗೆ ಗಾಳಿ-ಬೆಳಕಿಗೆ ಸೂಕ್ತ ವ್ಯವಸ್ಥೆ, ಬಳಸಲು ಸುರಕ್ಷಿತಾ ಸಲಹೆಗಳು, ಪರೀಕ್ಷಿತ ʻಜೈವಿಕ-ಸುರಕ್ಷತೆʼ ಮಾನದಂಡ ಅನುಸರಣೆ ಮುಂತಾದ ಅಗತ್ಯ ಸುರಕ್ಷತಾ ಕ್ರಮಗಳನ್ನು ಗಮನದಲ್ಲಿರಿಸಿಕೊಂಡು ಈ ತಂತ್ರಜ್ಞಾನ ಅಭಿವೃದ್ಧಿಪಡಿಸಲಾಗಿದೆ. ಸೂಕ್ತ ಡೋಸೇಜ್‌ನೊಂದಿಗೆ ಬಳಸಿದಲ್ಲಿ, ʻಯುವಿ-ಸಿʼ ಸಾಧನವು 254 ಎನ್‌ಎಂ ನೇರಳಾತೀತ ಬೆಳಕನ್ನು ಬಳಸಿ ಶೇ. 99ರಷ್ಟು ವೈರಾಣು, ಬ್ಯಾಕ್ಟೀರಿಯಾ, ಶಿಲೀಂಧ್ರ ಮತ್ತು ಇತರೆ ಜೈವಿಕ-ವಾಯು ಕಣಗಳನ್ನು ನಿಷ್ಕ್ರಿಯಗೊಳಿಸುತ್ತದೆ. ಕೋವಿಡ್‌ ಸಾಂಕ್ರಾಮಿಕದ ಎರಡನೇ ಅಲೆಯ ವೇಳೆ ಕಂಡು ಬರುತ್ತಿರುವ ಶಿಲೀಂಧ್ರ ಸೋಂಕನ್ನು ನಿಯಂತ್ರಿಸುವಲ್ಲೂ ʻಯುವಿ-ಸಿʼ ಬಳಕೆ ನೆರವಾಗುತ್ತದೆ ಎಂದು ಸಂಸ್ಥೆ ಹೇಳಿದೆ.
ಇದನ್ನೂ ಓದಿ: ಮಗ ಮಾಡಿದ ಆ ಒಂದು ಕೆಲಸ ಅಮ್ಮನನ್ನೂ ಬಲಿ ಪಡೆಯಿತಾ?; ಪತಿ ಸತ್ತ ಕೆಲವೇ ಕ್ಷಣಗಳಲ್ಲಿ ಪತ್ನಿಗೂ ಸಾವು!
ʻಸಿಎಸ್ಐಆರ್-ಸಿಏಸ್‌ಐಒʼ ಅಭಿವೃದ್ಧಿಪಡಿಸಿದ ಉತ್ಪನ್ನ ಶೇ.99ರಷ್ಟು ಸೋಂಕು ನಿವಾರಿಸುವುದು ಸಾಬೀತಾಗಿದ್ದು, ಅದನ್ನು ಪ್ರಸ್ತುತ ಕಟ್ಟಡಗಳಲ್ಲಿ ಇರುವಂಥ ʻವಾಯು ನಿರ್ವಹಣೆ ಘಟಕಗಳಲ್ಲಿ (ಎಎಚ್‌ಚ್‌ಯು), ಸರಕು-ಸಾಗಣೆ ವಾಹನಗಳು ಮತ್ತು ಇತರೆ ಉಪೋತ್ಪನ್ನಗಳಲ್ಲಿ ಬಳಸಬಹುದು. ʻಯುವಿ-ಸಿʼಯು ಇಂಧನ ದಕ್ಷ ವ್ಯವಸ್ಥೆ ಒಳಗೊಂಡಿದ್ದು, ಕಾಯಿಲ್‌ (ಸುರುಳಿ) ಮೂಲಕ ಗಾಳಿಯ ಹರಿವನ್ನು ಸುಧಾರಿಸುತ್ತದೆ, ಒಳಾಂಗಣದ ವಾಯು ಗುಣಮಟ್ಟವನ್ನು ಹೆಚ್ಚಿಸುತ್ತದೆ. ಇದಕ್ಕೆ ಹೆಚ್ಚಿನ ನಿರ್ವಹಣೆ ಅಗತ್ಯವಿಲ್ಲ. ಪ್ರಸ್ತುತ ಇರುವಂತಹ ಗಾಳಿ-ಬೆಳಕು ವ್ಯವಸ್ಥೆಯ (ಎಎಚ್‌ಯು) ವಾಯು ನಾಳಕ್ಕೆ (ಡಕ್ಟ್) ಇದನ್ನು ಅಳವಡಿಸಬಹುದು. ಇದರ ಆರಂಭಿಕ ಹೂಡಿಕೆಯೂ ಕಡಿಮೆ. ಈ ವ್ಯವಸ್ಥೆ ವಾಣಿಜ್ಯ ಮಾನದಂಡ ಮತ್ತು ಪ್ರಮಾಣಪತ್ರಗಳನ್ನು ಹೊಂದಿದೆ ಎಂದು ಸಂಸ್ಥೆ ತಿಳಿಸಿದೆ. ಡಾ. ಹ್ಯಾರಿ ಗಾರ್ಗಿಸ್ ನೇತೃತ್ವದ ಫ್ಯಾಬ್ರಿಯೋನಿಕ್ಸ್ ವಿಭಾಗ ಅಭಿವೃದ್ಧಿಪಡಿಸಿದ ಈ ತಂತ್ರಜ್ಞಾನ ದೇಶದ 27 ಕಂಪನಿಗಳ ಮೂಲಕ ವ್ಯಾಪಕವಾಗಿ ನಿಯೋಜನೆಗೆ ಲಭ್ಯ ಇರಲಿವೆ ಎಂದು ʻಸಿಎಸ್ಐಆರ್-ಸಿಎಸ್ಐಒʼ ನಿರ್ದೇಶಕ ಪ್ರೊ. ಎಸ್. ಅನಂತ ರಾಮಕೃಷ್ಣ ಹೇಳಿದ್ದಾರೆ.
ಇದನ್ನೂ ಓದಿ: ಸೋಂಕಿತ ತಾಯಿ ತೀರಿಹೋದ ಮೂರೇ ದಿನಕ್ಕೆ ಅಣ್ಣ-ತಮ್ಮನೂ ಕರೊನಾಗೆ ಬಲಿ; ಅಮ್ಮಂದಿರ ದಿನವೇ ಇಬ್ಬರೂ ಏಕಕಾಲಕ್ಕೇ ನಿಧನ!
‘ನಾನು ಉಪೇಂದ್ರ, ಮುಖ್ಯಮಂತ್ರಿ ಆಗ್ಬೇಕು, ನೀವು ಗೆಲ್ಲಿಸ್ತೀರಾ? ಎಲ್ಲಾ ಕೆಲ್ಸ ಪಾರದರ್ಶಕತೆಯಿಂದ ಮಾಡ್ತೇನೆ’