ನವದೆಹಲಿ: ಆಗಾಗ ಏನಾದರೊಂದು ವಿಷಯವಾಗಿ ಸುದ್ದಿಯಾಗುತ್ತಲೇ ಇರುವ ಬಾಲಿವುಡ್ ಬೆಡಗಿ ಪ್ರಿಯಾಂಕಾ ಚೋಪ್ರಾ, ಇದೀಗ ‘ಧರ್ಮ’ದ ಮಾತಿಗೆ ಟ್ರೋಲ್ ಆಗಿದ್ದಾರೆ. ತಂದೆಯ ವಿಚಾರವಾಗಿ ಮಾತನಾಡಿ ಟ್ವಿಟ್ಟಿಗರಿಂದ ಕಾಲೆಳೆತಕ್ಕೂ ಒಳಗಾಗಿದ್ದಾರೆ. ಓಪ್ರಾ ವಿನ್ಫ್ರೆ ಅವರ ಟಾಕ್ ಶೋ ‘ಸೂಪರ್ ಸೌಲ್’ನಲ್ಲಿ ಸಂದರ್ಶನ ನೀಡಿದ್ದ ನಟಿ ಪ್ರಿಯಾಂಕಾ ಚೋಪ್ರಾ ಅಲ್ಲಿ ಬಹಳಷ್ಟು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಆ ಪೈಕಿ ಅವರ ಧರ್ಮದ ಮಾತು ಎಡವಟ್ಟಿಗೆ ಮೂಲವಾಗಿದೆ. ಧರ್ಮಗಳ ವಿಚಾರವಾಗಿ ಮಾತನಾಡಲು ಹೋಗಿ ಪ್ರಿಯಾಂಕಾ ವಿವಾದಕ್ಕೆ ಒಳಗಾಗಿದ್ದಾರೆ.
ತಮ್ಮ ಮೇಲೆ ಮೂರೂ ಧರ್ಮಗಳು ಪ್ರಭಾವ ಬೀರಿವೆ ಎಂಬುದಾಗಿ ಹೇಳಿದ ಪ್ರಿಯಾಂಕಾ, ಆ ಬಗ್ಗೆ ಒಂದಷ್ಟು ವಿವರಣೆಯನ್ನೂ ಕೊಟ್ಟಿದ್ದಾರೆ. ಹಿಂದೂ, ಕ್ರೈಸ್ತ, ಇಸ್ಲಾಂ ಮೂರೂ ಧರ್ಮಗಳ ಬಗ್ಗೆ ನನಗೆ ಅರಿವಿದೆ ಹಾಗೂ ಅವುಗಳಿಂದ ಪ್ರಭಾವಿತಳಾಗಿದ್ದೇನೆ. ನಾನು ಹಿಂದೂ ಕುಟುಂಬದಲ್ಲಿ ಬೆಳೆದಿರುವುದರಿಂದ ಹಿಂದುತ್ವದ ಬಗ್ಗೆ ಗೊತ್ತು. ಇನ್ನು ಕಾನ್ವೆಂಟ್ನಲ್ಲಿ ಓದಿರುವುದರಿಂದ ಕ್ರೈಸ್ತ ಧರ್ಮದ ಅರಿವೂ ಇದೆ. ಅಲ್ಲದೆ ನನ್ನ ತಂದೆ ಮಸೀದಿಯಲ್ಲಿ ಹಾಡುತ್ತಿದ್ದುದರಿಂದ ಇಸ್ಲಾಂ ಧರ್ಮದ ಬಗ್ಗೆಯೂ ತಿಳಿದಿದೆ ಎಂದಿದ್ದಾರೆ.
ಇದನ್ನೂ ಓದಿ: 10 ಲಕ್ಷ ಜನರಿಗೆ ಒಟ್ಟು 1,500 ಕೋಟಿ ರೂ. ಮೋಸ; ಬೆಂಗಳೂರಿನ ಕಂಪನಿಯ 24 ಜನರನ್ನು ಬಂಧಿಸಿದ ಸೈಬರಾಬಾದ್ ಪೊಲೀಸರು
ಆದರೆ ಪ್ರಿಯಾಂಕಾ ಹೀಗೆ ಹೇಳುತ್ತಿದ್ದಂತೆ ಟ್ವಿಟರ್ನಲ್ಲಿ ಹಲವರು ಅವರ ಕಾಲೆಳೆದಿದ್ದಾರೆ. ಒಬ್ಬರು ನನ್ನ ತಂದೆ ಕ್ರಿಸ್ಮಸ್ ಟ್ರೀಯಿಂದ ಅಲಂಕಾರ ಮಾಡುತ್ತಿದ್ದರು, ಹಾಗಾಗಿ ನನಗೆ ಕ್ರಿಶ್ಚಿಯಾನಿಟಿ ಬಗ್ಗೆ ಗೊತ್ತು ಎಂದು ವ್ಯಂಗ್ಯವಾಡಿದ್ದಾರೆ. ಇನ್ನು ಕೆಲವರು ಪ್ರಿಯಾಂಕಾ ತಮ್ಮ ಫ್ಯಾನ್ಸ್ ಸಂಖ್ಯೆ ಹೆಚ್ಚಿಸಿಕೊಳ್ಳಲು ಹೀಗೆ ಎಲ್ಲ ಧರ್ಮದ ವಿಷಯವಾಗಿ ಮಾತನಾಡಿದ್ದಾರೆ ಎಂದಿದ್ದಾರೆ. ಇಸ್ಲಾಂ ಧರ್ಮದ ಕುರಿತು ಪ್ರಾಥಮಿಕ ವಿಷಯವೂ ತಿಳಿಯದೆ ಮುಸ್ಲಿಂ ಅಭಿಮಾನಿಗಳನ್ನು ಗಳಿಸಲು ಹೋದಾಗ ಹೀಗೆ ಎಡವಟ್ಟಾಗುತ್ತದೆ ಎಂದೂ ಕೆಲವರು ಟೀಕಿಸಿದ್ದಾರೆ.
ಎಲ್ಲೆಲ್ಲೋ ಹೋಗಿ ಬಟ್ಟೆ ಬಿಚ್ತಿರೋರಿಗೆ ದಾನ ಮಾಡ್ತೇನೆ- ಇನ್ನೂ 19 ಸಿಡಿ ಇವೆಯಂತೆ…ಜೋಕೆ!