ಮುಂಬೈ: ಖ್ಯಾತ ಗಾಯಕ ಅದ್ನಾನ್ ಸಾಮಿ ಸಾಮಾಜಿಕ ಜಾಲತಾಣದಲ್ಲಿ ಸದ್ಯಕ್ಕೆ ಭಾರೀ ಚರ್ಚೆಯಲ್ಲಿದ್ದಾರೆ. ಅದಕ್ಕೆ ಕಾರಣವೂ ಇದೆ. ಮಾಲ್ಡೀವ್ಸ್ ಪ್ರವಾಸದಲ್ಲಿರುವ ಗಾಯಕ ಅದ್ನಾನ್ ತಮ್ಮ ಹಳೆಯ ಫೋಟೋ ಹಾಗೂ ಈಗಿನ ಫೋಟೋವನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೇ ಶಾಕ್ ನೀಡಿದ್ದಾರೆ.
ಬರೋಬ್ಬರಿ 200 ಕೆಜಿಗೂ ಅಧಿಕ ತೂಕವಿದ್ದ ಅದ್ನಾನ್ ಕಳೆದ ಕೆಲವು ವರ್ಷಗಳಿಂದಲೇ ದೇಹವನ್ನು ಕರಗಿಸಿಕೊಂಡಿದ್ದರು. ಇದೀಗ ಹಂಚಿಕೊಂಡಿರುವ ಫೋಟೋದಲ್ಲಿ ನಾಯಕನಿಗೂ ಮೀರಿಸುವ ಫಿಟ್ನೆಸ್ ಹೊಂದಿದ್ದಾರೆ. ಇದನ್ನು ನೋಡಿದ ಅಭಿಮಾನಿಗಳೇ ಶಾಕ್ ಆಗಿದ್ದಾರೆ.ನಿಜಕ್ಕೂ ಇದು ನೀವೇ ನಾ ಎಂದು ಕೆಲವರು ಪ್ರಶ್ನಿಸಿದರೆ, ಇನ್ನೂ ಕೆಲವರು ಅವರನ್ನು ಹೊಗಳಿದ್ದಾರೆ. ಇನ್ನು ಸ್ಥೂಲಕಾಯ ಜನರಿಗೆ ಅದ್ನಾನ್ ಮಾದರಿಯಾಗಿದ್ದಾರೆ.
ಸದ್ಯ ಈಗ ನಾನು ಸಂಪೂರ್ಣವಾಗಿ ಫಿಟ್ ಆಗಿದ್ದೇನೆ. ಸ್ಥೂಲಕಾಯದಿಂದ ದೇಹ ಕರಗಿಸಿಕೊಳ್ಳಲು ಪಟ್ಟ ಶ್ರಮ ಒಂದಿಷ್ಟಲ್ಲ ಎಂದಿರುವ ಅದ್ನಾನ್, ಸದ್ಯ ತಮ್ಮ ಈಗಿನ ಚಿತ್ರವನ್ನೂ ಸಹ ಹಂಚಿಕೊಂಡಿದ್ದಾರೆ. 50 ವರ್ಷದ ಅದ್ನಾನ್ ಬರೋಬ್ಬರಿ 230 ಕೆಜಿ ತೂಕವಿದ್ದರು. ಸದ್ಯ ಈಗ 75ಕೆಜಿಗೆ ಇಳಿಸಿಕೊಂಡಿದ್ದಾರೆ. ಇದಕ್ಕಾಗಿ ನಾನು ಯಾವುದೇ ಶಸ್ತ್ರಚಿಕಿತ್ಸೆ ಮೊರೆ ಹೋಗಿಲ್ಲ, ಉತ್ತಮ ಡಯಟ್ ತೆಗೆದುಕೊಂಡು ದೇಹ ದಂಡಿಸಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)
ಭಾರತ ಕ್ರಿಕೆಟ್ ತಂಡದ ನಾಯಕ ರೋಹಿತ್ ಶರ್ಮಾಗೆ ಕರೊನಾ ಪಾಸಿಟಿವ್: ಬಿಸಿಸಿಐ ಸ್ಪಷ್ಟನೆ