ಅದಾನಿ ಪೋರ್ಟ್ಸ್ ಷೇರಿನ ಟಾರ್ಗೆಟ್​ ಪ್ರೈಸ್​ ಹೆಚ್ಚಳ: 1300ರಿಂದ 1,560 ರೂಪಾಯಿಗೆ ಏರಲಿದೆ ಎನ್ನುತ್ತವೆ ಬ್ರೋಕರೇಜ್​ ಸಂಸ್ಥೆಗಳು

ಮುಂಬೈ: ಅದಾನಿ ಪೋರ್ಟ್ಸ್ ತನ್ನ ಲಾಜಿಸ್ಟಿಕ್ಸ್ ವ್ಯವಹಾರಕ್ಕಾಗಿ ಮೂಲಸೌಕರ್ಯಗಳನ್ನು ನಿರ್ಮಿಸುವಲ್ಲಿ ನಿರಂತರವಾಗಿ ಹೂಡಿಕೆ ಮಾಡುತ್ತಿದೆ. ಇದು ಕಂಪನಿಯ ದೀರ್ಘಾವಧಿಯ ನಗದು ಹರಿವು ಮತ್ತು ಗಳಿಕೆಯನ್ನು ಸುಧಾರಿಸುವ ನಿರೀಕ್ಷೆಯಿದೆ ಎಂದು ಬ್ರೋಕರೇಜ್​ ಸಂಸ್ಥೆ ಮೋತಿಲಾಲ್ ಓಸ್ವಾಲ್ ಸೆಕ್ಯುರಿಟೀಸ್‌ ಹೇಳಿದೆ.

ಅದಾನಿ ಪೋರ್ಟ್ಸ್ & ಸ್ಪೆಷಲ್ ಎಕನಾಮಿಕ್ ಝೋನ್ ಲಿಮಿಟೆಡ್ (Adani Ports & Special Economic Zone Ltd -APSEZ) ಷೇರಿನ ಗುರಿ ಬೆಲೆಯನ್ನು (ಟಾರ್ಗೆಟ್​ ಪ್ರೈಸ್​) ಮೋತಿಲಾಲ್ ಓಸ್ವಾಲ್ ಸೆಕ್ಯುರಿಟೀಸ್‌ ಪರಿಷ್ಕರಿಸಿದೆ, ಏಕೆಂದರೆ ಬ್ರೋಕರೇಜ್ ತನ್ನ 'ಖರೀದಿ' ರೇಟಿಂಗ್ ಅನ್ನು ಸ್ಟಾಕ್‌ನಲ್ಲಿ ಉಳಿಸಿಕೊಂಡಿದೆ, ಇದು ಮುಂದೆ 21 ರಷ್ಟು ಏರಿಕೆಯಾಗಬಹುದು ಎಂದು ಸೂಚಿಸುತ್ತದೆ.

2023-24 ಹಣಕಾಸು ವರ್ಷದಲ್ಲಿ APSEZ ತನ್ನ ಪರಿಷ್ಕೃತ ಸರಕು ಸಾಗಣೆ ಪ್ರಮಾಣವನ್ನು 400 mmt (ಮೆಟ್ರಿಕ್​ ಮಿಲಿಯನ್​ ಟನ್​) ದಾಟುವ ಹಾದಿಯಲ್ಲಿದೆ ಎಂದು ಬ್ರೋಕರೇಜ್ ಸಂಸ್ಥೆ ಹೇಳಿದೆ.

ಹಣಕಾಸು ವರ್ಷ 24-26 ರಲ್ಲಿ ಕಂಪನಿಯು ಶೇಕಡಾ 10 ರಷ್ಟು ಗಾತ್ರದಲ್ಲಿ ಬೆಳವಣಿಗೆಯನ್ನು ಮತ್ತು ಮಾರಾಟದಲ್ಲಿ ಶೇಕಡಾ 15ರಷ್ಟು ಬೆಳವಣಿಗೆಯನ್ನು ಮತ್ತು ತೆರಿಗೆಯ ನಂತರದ ಲಾಭದಲ್ಲಿ ಶೇಕಡಾ 18ರಷ್ಟು ಹೆಚ್ಚಳವನ್ನು ಕಾಣಲಿದೆ ಎಂದು ಬ್ರೋಕರೇಜ್​ ಸಂಸ್ಥೆ ಅಂದಾಜಿಸಿದೆ.

"1,600 ರೂಪಾಯಿಗಳ ಪರಿಷ್ಕೃತ ಗುರಿ ಬೆಲೆಯೊಂದಿಗೆ ನಮ್ಮ BUY ರೇಟಿಂಗ್ ಅನ್ನು ಈ ಸ್ಟಾಕ್​ನಲ್ಲಿ ಪುನರುಚ್ಚರಿಸುತ್ತೇವೆ" ಎಂದು ಅದು ಹೇಳಿದೆ. ಮೋತಿಲಾಲ್ ಓಸ್ವಾಲ್ ಬ್ರೋಕರೇಜ್​ ಸಂಸ್ಥೆಯು ಅದಾನಿ ಪೋರ್ಟ್ಸ್ ಷೇರುಗಳ ಗುರಿ ಬೆಲೆಯನ್ನು 1,600 ರೂಪಾಯಿಗೆ ನಿಗದಿಪಡಿಸಿದೆ. ಇದು ಪ್ರಸ್ತುತ ಮಾರುಕಟ್ಟೆ ಬೆಲೆಗಿಂತ ಅಂದಾಜು 21 ಪ್ರತಿಶತದಷ್ಟು ಏರಿಕೆಯಾಗಿದೆ.

ಇನ್ನೊಂದು ಬ್ರೋಕರೇಜ್​ ಸಂಸ್ಥೆಯಾದ HSBC ಕೂಡ ತನ್ನ ಬೆಲೆಯ ಗುರಿಯನ್ನು 1,370 ರೂ.ನಿಂದ 1,560 ರೂ.ಗೆ ಏರಿಸಿದೆ. ಇದು ಪ್ರಸ್ತುತ ಸ್ಟಾಕ್​ ಬೆಲೆಗಿಂತ 18 ಪ್ರತಿಶತ ಹೆಚ್ಚಳವಾಗಿದೆ.

ಕಳೆದ ಮೂರು ತಿಂಗಳುಗಳಲ್ಲಿ ಈ ಕಂಪನಿಯ ಷೇರು ಬೆಲೆ 25 ಪ್ರತಿಶತದಷ್ಟು ಜಿಗಿದಿದೆ. ಅಂತೆಯೇ, ಕಳೆದ ಆರು ತಿಂಗಳುಗಳಲ್ಲಿ, ಈ ಷೇರಿನ ಬೆಲೆ ಅಂದಾಜು 52 ರಷ್ಟು ಹೆಚ್ಚಳವಾಗಿದೆ. ಕಳೆದ ವಾರ ಮಾರ್ಚ್ 4 ರಂದು ಈ ಷೇರಿನ ಬೆಲೆಯು ಅದರ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 1,356.55 ತಲುಪಿತ್ತು.

https://www.vijayavani.net/5-stocks-which-have-registered-a-rise-in-the-market-on-tuesday-and-have-raised-expectations-of-profit-on-wednesday-also

https://www.vijayavani.net/heavy-demand-for-adani-company-shares-which-had-fallen-from-rs-156-to-100-why-has-it-increased-by-10-now

https://www.vijayavani.net/heavy-decline-in-mid-cap-small-caps-the-benchmark-index-rose-slightly