ಬೆಂಗಳೂರು: ಕಳೆದ ಏಳು ತಿಂಗಳಿಂದ ಸಿನಿಮಾ ಮಂದಿರಗಳು ಸ್ಥಗಿತಗೊಂಡಿದ್ದವು. ಕಳೆದೊಂದು ತಿಂಗಳಿಂದ ಸೀಮಿತ ಸೀಟುಗಳ ಆಧಾರದ ಮೇಲೆ ಸಿನಿಮಾ ಪ್ರದರ್ಶನಕ್ಕೆ ಸರ್ಕಾರ ಅನುವು ಮಾಡಿಕೊಟ್ಟಿತ್ತು. ಅದರಂತೆ ಅಂದಿನಿಂದ ಇಂದಿನವರೆಗೂ ಒಂದೇ ಒಂದು ಹೊಸ ಸಿನಿಮಾ ಚಿತ್ರಮಂದಿರದಲ್ಲಿ ತೆರೆಕಂಡಿಲ್ಲ. ಕೇವಲ ಮರುಬಿಡುಗಡೆ ಚಿತ್ರಗಳೇ ಪ್ರೇಕ್ಷಕರನ್ನು ಸೆಳೆಯುವ ಸಾಹಸಕ್ಕಿಳಿದ್ದಿದ್ದವು. ಆದರೆ, ಪ್ರೇಕ್ಷಕ ಮಾತ್ರ ಹೊಸ ಸಿನಿಮಾಗಳ ನಿರೀಕ್ಷೆಯಲ್ಲಿದ್ದ. ಅದರಂತೆ ಇದೀಗ ಕನ್ನಡದಲ್ಲಿ ಮಂಸೋರೆ ನಿರ್ದೇಶನದ ಆ್ಯಕ್ಟ್ 1978 ಸಿನಿಮಾ ಆ ಸ್ಥಾನವನ್ನು ತುಂಬಲು ಆಗಮಿಸುತ್ತಿದೆ.
ಇದನ್ನೂ ಓದಿ: ಮಜಾಭಾರತ ಮತ್ತೆ ಶುರು: ನವೆಂಬರ್ 7ರಿಂದ ಕಲರ್ಸ್ ಕನ್ನಡದಲ್ಲಿ ಪ್ರಸಾರ
ಹೌದು, ಮಂಸೋರೆ ನಿರ್ದೇಶನದ ಆ್ಯಕ್ಟ್ 1978 ಚಿತ್ರ ಇತ್ತೀಚೆಗಷ್ಟೇ ಪುನೀತ್ ರಾಜ್ಕುಮಾರ್ ನೇತೃತ್ವದಲ್ಲಿ ಚಿತ್ರದ ಟ್ರೇಲರ್ ಲಾಂಚ್ ಮಾಡಿಕೊಂಡಿತು. ಟ್ರೇಲರ್ನಿಂದಲೇ ಮೆಚ್ಚುಗೆಯನ್ನೂ ಗಿಟ್ಟಿಸಿಕೊಂಡಿರುವ ಚಿತ್ರ, ಆವತ್ತೇ ಬಿಡುಗಡೆ ದಿನಾಂಕವನ್ನೂ ಘೋಷಣೆ ಮಾಡಿಕೊಳ್ಳುವ ಭರದಲ್ಲಿತ್ತು. ಆದರೆ, ಕಾರಣಾಂತರಗಳಿಂದ ಅದು ಮುಂದಕ್ಕೆ ಹೋಯಿತು. ಇದೀಗ ಬಿಡುಗಡೆ ದಿನಾಂಕ ಪ್ರಕಟವಾಗಿದೆ. ನ. 20ರ ಶುಕ್ರವಾರ ರಾಜ್ಯಾದ್ಯಂತ ಹಲವು ಚಿತ್ರಮಂದಿರ ಮತ್ತು ಮಲ್ಟಿಫ್ಲೆಕ್ಸ್ಗಳಲ್ಲಿ ಚಿತ್ರ ತೆರೆಕಾಣಲಿದೆ.
20-11-2020 ರಂದು ನಿಮ್ಮ ಮುಂದೆ, ನಮ್ಮ ಸಿನೆಮಾ.
Our movie release 20-11-2020First new kannada movie in theatre after pandemic. @Act1978Film #ACT1978 @taran_adarsh @PuneethRajkumar @NimmaShivanna #newkannadamovie#newtheatrerelease pic.twitter.com/5Qurqc1NYe
— mansore (@mansore25) November 6, 2020
ಒಟ್ಟು 30 ದಿನಗಳ ಅವಧಿಯಲ್ಲಿ ಒಂದೇ ಶೆಡ್ಯೂಕ್ನಲ್ಲಿ ಚಿತ್ರೀಕರಣ ಮುಗಿಸಿಕೊಂಡಿರುವ ಆ್ಯಕ್ಟ್ 1978 ಚಿತ್ರ, ಮಾರ್ಚ್ನಲ್ಲಿಯೇ ಬಿಡುಗಡೆ ಆಗಬೇಕಿತ್ತು. ಲಾಕ್ಡೌನ್ ಹಿನ್ನೆಲೆಯಲ್ಲಿ ತಡವಾಗಿತ್ತು. ಇದೀಗ ಲಾಕ್ಡೌನ್ ಬಳಿಕ ಚಿತ್ರದ ನಿರ್ಮಾಪಕರಾದ ದೇವರಾಜ್ ಬಿಡುಗಡೆಯ ಸಾಹಸಕ್ಕಿಳಿದಿದ್ದಾರೆ.
ಇದನ್ನೂ ಓದಿ: ಹೊಸ ಆಕ್ಷನ್ ಥ್ರಿಲ್ಲರ್ನಲ್ಲಿ ಕ್ಯಾಬ್ ಡ್ರೈವರ್ ಆಗಿ ಪ್ರಜ್ವಲ್
ಶ್ರುತಿ, ಸಂಚಾರಿ ವಿಜಯ್, ಪ್ರಮೋದ್ ಶೆಟ್ಟಿ ಸೇರಿ 52ಕ್ಕೂ ಅಧಿಕ ಮುಖ್ಯ ಕಲಾವಿದರಿದ್ದಾರೆ. ಕಥೆ, ನಿರ್ದೇಶನವನ್ನು ಮಂಸೋರೆ ಮಾಡಿದರೆ, ಸತ್ಯ ಹೆಗಡೆ ಛಾಯಾಗ್ರಹಣ, ಚಿತ್ರಕಥೆ- ಸಂಭಾಷಣೆ ಟಿ.ಕೆ ದಯಾನಂದ್, ವೀರಣ್ಣ ಮಲ್ಲಣ್ಣ, ಸಂಕಲನ ನಾಗೇಂದ್ರ, ಸಾಹಿತ್ಯ ಜಯಂತ್ ಕಾಯ್ಕಿಣಿ, ಸಂಗೀತ ರೋನಾಡ ಬಕ್ಕೇಶ್ ರಾಹುಲ್ ಶಿವಕುಮಾರ್ ಮಾಡಿದ್ದಾರೆ.