ನವದೆಹಲಿ: ಪಾಕಿಸ್ತಾನದ ಮುಸ್ಲಿಮರು ತಮ್ಮದೇ ಸರ್ಕಾರದಿಂದ ಯಾವ ಲಾಭ ಪಡೆಯುತ್ತಿದ್ದಾರೆ? ಅವರನ್ನು ಕಲ್ಮಷದಂತೆ ವಿಲೇವಾರಿ ಮಾಡಲಾಗುತ್ತಿದೆ. ಇದು ನಾಚಿಕೆಗೇಡಿನ ಸಂಗತಿ ಎಂದು ಗಾಯಕ ಅದ್ನಾನ್ ಸಾಮಿ ವ್ಯಂಗ್ಯವಾಡಿದ್ದಾರೆ.
ಚೀನಾದ ವೂಹಾನ್ನಲ್ಲಿ ಮಾರಕ ವೈರಸ್ ಕೊರೊನಾ ಭೀತಿಯಲ್ಲಿರುವ ಪಾಕಿಸ್ತಾನದ ಯುವಕನೊಬ್ಬನ ವಿಡಿಯೋಗೆ ಪ್ರತಿಕ್ರಿಯಿಸಿ ಈ ಮಾತುಗಳನ್ನು ಹೇಳಿದ್ದಾರೆ.
ಪಾಕಿಸ್ತಾನ ದೇಶವು ಚೀನಾದಲ್ಲಿ ಕೊರೊನಾ ವೈರಸ್ ಭೀತಿಯಲ್ಲಿ ಸಿಕ್ಕಿ ಹಾಕಿಕೊಂಡಿರುವ ಪ್ರಜೆಗಳನ್ನು ಸ್ಥಳಾಂತರಿಸಲು ನಿರಾಕರಿಸಿದ ನಂತರ ಅವರು ಹಲವು ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ.
ಮುಸ್ಲಿಮರು ತಮ್ಮ ಇಡೀ ಜೀವನವನ್ನು ಭಾರತಕ್ಕೆ ತಮ್ಮ ನಿಷ್ಠೆಯನ್ನು ಸಾಬೀತುಪಡಿಸಲು ಹೆಣಗಾಡುತ್ತಾರೆ. ಆದರೆ ಪಾಕಿಸ್ತಾನದ ಮುಸ್ಲಿಮರು ತಮ್ಮದೇ ಸರ್ಕಾರದಿಂದ ಯಾವ ಲಾಭ ಪಡೆಯುತ್ತಿದ್ದಾರೆ. ಅವರನ್ನು ಕಲ್ಮಷದಂತೆ ವಿಲೇವಾರಿ ಮಾಡಲಾಗುತ್ತಿದೆ ಎಂದು ಅದ್ನಾನ್ ಸಾಮಿ ಟಾಂಗ್ ನೀಡಿದ್ದಾರೆ. (ಏಜೆನ್ಸೀಸ್)