ಸೆಂಚುರಿಯನ್: ಕರೊನಾ ವೈರಸ್ ಹೊಸ ತಳಿ ಒಮಿಕ್ರಾನ್ ಭೀತಿಯಿಂದಾಗಿ ಭಾರತ ಮತ್ತು ಆತಿಥೇಯ ದಕ್ಷಿಣ ಆಫ್ರಿಕಾ ತಂಡಗಳ ನಡುವಿನ ಟೆಸ್ಟ್ ಮತ್ತು ಏಕದಿನ ಸರಣಿಯ ಎಲ್ಲ ಪಂದ್ಯಗಳಿಗೆ ಪ್ರೇಕ್ಷಕರಿಗೆ ಪ್ರವೇಶ ನಿರ್ಬಂಧಿಸಲಾಗಿದೆ. ಎಲ್ಲ 6 ಪಂದ್ಯಗಳ ಟಿಕೆಟ್ಗಳನ್ನು ಮಾರಾಟ ಮಾಡುವುದಿಲ್ಲ ಎಂದು ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿ ಸೋಮವಾರ ತಿಳಿಸಿದೆ.
ದಕ್ಷಿಣ ಆಫ್ರಿಕಾ ಸರ್ಕಾರದ ಮಾರ್ಗಸೂಚಿಯಂತೆ ಪಂದ್ಯದ ಪ್ರತಿ ದಿನದಾಟಕ್ಕೆ ಗರಿಷ್ಠ 2 ಸಾವಿರ ಪ್ರೇಕ್ಷಕರಿಗೆ ಮಾತ್ರ ಪ್ರವೇಶ ನೀಡಲು ಈ ಮುನ್ನ ಚಿಂತಿಸಲಾಗಿತ್ತು. ಆದರೆ ದಕ್ಷಿಣ ಆಫ್ರಿಕಾದಲ್ಲಿ ಇತ್ತೀಚೆಗೆ ಪ್ರತಿದಿನ ಸರಾಸರಿ 20 ಸಾವಿರಕ್ಕೂ ಅಧಿಕ ಕರೊನಾ ಪ್ರಕರಣಗಳು ದಾಖಲಾಗುತ್ತಿವೆ. ಹೀಗಾಗಿ ಯಾವುದೇ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳದಿರಲು ಈ ಕ್ರಮ ತೆಗೆದುಕೊಳ್ಳಲಾಗಿದೆ.
ಒಮಿಕ್ರಾನ್ ಭೀತಿಯ ನಡುವೆಯೂ ವಿರಾಟ್ ಕೊಹ್ಲಿ ಸಾರಥ್ಯದ ಭಾರತ ತಂಡ ಹರಿಣಗಳ ನಾಡಿಗೆ ಬಯೋಬಬಲ್ ವಾತಾವರಣದಲ್ಲಿ ಪ್ರವಾಸ ಕೈಗೊಂಡಿದ್ದರೆ, ಇಲ್ಲಿನ ಕೆಲ ದೇಶೀಯ ಪಂದ್ಯಗಳನ್ನು ಮುನ್ನೆಚ್ಚರಿಕೆಯ ಕ್ರಮವಾಗಿ ಮುಂದೂಡಲಾಗಿದೆ.
ANNOUNCEMENT🚨
Tickets for the upcoming #SAvIND tour will not be made available after both cricket bodies took a joint decision to protect the players and the tour 😢
The matches will be broadcast live on SuperSport and SABC 📺
Full details ➡️ https://t.co/iTa8p4hRQf pic.twitter.com/VFBf2HYyNo
— Cricket South Africa (@OfficialCSA) December 20, 2021
ಅಡಿಲೇಡ್ನಲ್ಲೂ ಅಡಿಮೇಲಾದ ಇಂಗ್ಲೆಂಡ್, ಸತತ 9ನೇ ಅಹರ್ನಿಶಿ ಟೆಸ್ಟ್ ಗೆದ್ದ ಆಸೀಸ್