ಕ್ರೈಸ್ಟ್ಚರ್ಚ್: ಭರ್ಜರಿ ಫಾರ್ಮ್ನಲ್ಲಿರುವ ಹಾಲಿ ವಿಶ್ವ ನಂ. 1 ಟೆಸ್ಟ್ ಬ್ಯಾಟ್ಸ್ಮನ್ ಹಾಗೂ ನಾಯಕ ಕೇನ್ ವಿಲಿಯಮ್ಸನ್ (112*ರನ್, 175 ಎಸೆತ, 16 ಬೌಂಡರಿ) ಅಮೋಘ ಶತಕದಾಟದ ನೆರವಿನಿಂದ ನ್ಯೂಜಿಲೆಂಡ್ ತಂಡ ಪ್ರವಾಸಿ ಪಾಕಿಸ್ತಾನ ವಿರುದ್ಧದ 2ನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಇನಿಂಗ್ಸ್ ಮುನ್ನಡೆಯತ್ತ ಸಾಗಿದೆ. ಈ ಪಂದ್ಯವನ್ನು ಗೆದ್ದರೆ ಕಿವೀಸ್ ತಂಡ 2-0ಯಿಂದ ಸರಣಿ ವಶಪಡಿಸಿಕೊಳ್ಳುವ ಜತೆಗೆ ಐಸಿಸಿ ಟೆಸ್ಟ್ ರ್ಯಾಂಕಿಂಗ್ನಲ್ಲಿ ಮೊಟ್ಟಮೊದಲ ಬಾರಿಗೆ ನಂ. 1 ಪಟ್ಟಕ್ಕೇರಲಿದೆ ಮತ್ತು ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಪ್ರವೇಶವನ್ನು ಬಹುತೇಕ ಖಚಿತಪಡಿಸಿಕೊಳ್ಳಲಿದೆ.
ಹ್ಯಾಗ್ಲೆ ಓವಲ್ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಪಾಕಿಸ್ತಾನದ 297 ರನ್ಗೆ ಪ್ರತಿಯಾಗಿ ಸೋಮವಾರ 2ನೇ ದಿನದಾಟ ಆರಂಭಿಸಿದ ನ್ಯೂಜಿಲೆಂಡ್ ತಂಡ ದಿನದಂತ್ಯಕ್ಕೆ 3 ವಿಕೆಟ್ಗೆ 286 ರನ್ ಪೇರಿಸಿದೆ. ಕಿವೀಸ್ ತಂಡ ಸದ್ಯ ಕೇವಲ 11 ರನ್ ಹಿನ್ನಡೆಯಲ್ಲಿದೆ.
ಇದನ್ನೂ ಓದಿ: ಸೌರವ್ ಗಂಗೂಲಿಗೆ ಕರೆ ಮಾಡಿ ಆರೋಗ್ಯ ವಿಚಾರಿಸಿದ ಪ್ರಧಾನಿ ನರೇಂದ್ರ ಮೋದಿ
ಕಿವೀಸ್ ತಂಡ ಒಂದು ಹಂತದಲ್ಲಿ 71 ರನ್ಗೆ 3 ವಿಕೆಟ್ ಕಳೆದುಕೊಂಡು ಇಕ್ಕಟ್ಟಿಗೆ ಸಿಲುಕಿತ್ತು. ಆಗ ಜತೆಗೂಡಿದ ಕೇನ್ ವಿಲಿಯಮ್ಸನ್ ಮತ್ತು ಹೆನ್ರಿ ನಿಕೋಲ್ಸ್ (89*) ಜೋಡಿ ಮುರಿಯದ 4ನೇ ವಿಕೆಟ್ಗೆ 215 ರನ್ ಜತೆಯಾಟವಾಡಿ ತಂಡವನ್ನು ಸುರಕ್ಷಿತ ಸ್ಥಿತಿಗೆ ಕೊಂಡೊಯ್ದಿತು.
STUMPS!
An incredible effort from Kane Williamson and Henry Nicholls, who have put New Zealand in a position of strength after day two.#NZvPAK SCORECARD ▶️ https://t.co/eVFtwym5wg pic.twitter.com/vPOu1msJHx
— ICC (@ICC) January 4, 2021
ಅರ್ಧಶತಕ ಪೂರೈಸಲು 105 ಎಸೆತ ಎದುರಿಸಿದ್ದ ಕೇನ್ ವಿಲಿಯಮ್ಸ್, ಮುಂದಿನ 50 ರನ್ಗಳನ್ನು ಕೇವಲ 35 ಎಸೆತಗಳಲ್ಲಿ ಸಿಡಿಸಿದರು. ಈ ಮೂಲಕ 140 ಎಸೆತಗಳಲ್ಲೇ ಟೆಸ್ಟ್ ಕ್ರಿಕೆಟ್ನಲ್ಲಿ ತನ್ನ 24ನೇ ಶತಕ ಬಾರಿಸಿದರು. ಇದರೊಂದಿಗೆ ಸತತ 3ನೇ ಟೆಸ್ಟ್ನಲ್ಲಿ ಶತಕ ಸಿಡಿಸಿದ ಸಾಧನೆ ಮಾಡಿದರು. 2021ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಮೊದಲ ಶತಕದ ಸಾಧನೆಯನ್ನೂ ದಾಖಲಿಸಿದರು.
ಇದನ್ನೂ ಓದಿ: ಮಗುವಿನ ಆಟಿಕೆ ಖರೀದಿಗಾಗಿ ಬಯೋ-ಬಬಲ್ ಬ್ರೇಕ್ ಮಾಡಿದ್ದರೇ ಕೊಹ್ಲಿ, ಪಾಂಡ್ಯ?
ಪಾಕಿಸ್ತಾನ: 297, ನ್ಯೂಜಿಲೆಂಡ್: 85 ಓವರ್ಗಳಲ್ಲಿ 3 ವಿಕೆಟ್ಗೆ 286 (ಲಾಥಮ್ 33, ಬ್ಲಂಡೆಲ್ 16, ಕೇನ್ ವಿಲಿಯಮ್ಸನ್ 112*, ರಾಸ್ ಟೇಲರ್ 12, ಹೆನ್ರಿ ನಿಕೋಲ್ಸ್ 89*, ಶಹೀನ್ ಅಫ್ರಿದಿ 45ಕ್ಕೆ 1, ಅಬ್ಬಾಸ್ 37ಕ್ಕೆ 1, ಅಶ್ರಫ್ 55ಕ್ಕೆ 1).
ಬಯೋ-ಬಬಲ್ ಉಲ್ಲಂಘನೆ ಆರೋಪ, ರೋಹಿತ್ ಸಹಿತ ಐವರು ಕ್ರಿಕೆಟಿಗರ ಐಸೋಲೇಷನ್