ಸಿಡ್ನಿ: ಹದಿನಾರು ವರ್ಷ ಮೇಲ್ಪಟ್ಟ ಶೇಕಡ 80 ರಷ್ಟು ನಾಗರೀಕರಿಗೆ ಕರೊನಾ ಲಸಿಕೆ ನೀಡುವ ಗುರಿಯನ್ನು ಆಸ್ಟ್ರೇಲಿಯಾ ಸಾಧಿಸಿದೆ ಎಂದು ದೇಶದ ಪ್ರಧಾನಿ ಸ್ಕಾಟ್ ಮಾರ್ರಿಸನ್ ಹೇಳಿದ್ದಾರೆ. ಇದೊಂದು ‘ಅತ್ಯದ್ಭುತ ಮೈಲಿಗಲ್ಲು’ ಎಂದಿರುವ ಮಾರ್ರಿಸನ್, ಜಗತ್ತಿನಲ್ಲಿ ಅತ್ಯಂತ ಹೆಚ್ಚು ಪ್ರಮಾಣದಲ್ಲಿ ಲಸಿಕೀಕೃತ ರಾಷ್ಟ್ರಗಳಲ್ಲಿ ಒಂದಾಗುವ ಪಥದಲ್ಲಿ ಆಸ್ಟ್ರೇಲಿಯಾ ಸಾಗಿದೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
70 ವರ್ಷ ಮೇಲ್ಪಟ್ಟ ಶೇಕಡ 99 ರಷ್ಟು ಆಸ್ಟ್ರೇಲಿಯನ್ನರಿಗೆ ಅದಾಗಲೇ ಮೊದಲನೇ ಡೋಸ್ ಕರೊನಾ ಲಸಿಕೆ ನೀಡಲಾಗಿದೆ ಹಾಗೂ ಈ ವಯೋಮಾನದ ಶೇ. 90 ರಷ್ಟು ಜನರಿಗೆ ಎರಡನೇ ಲಸಿಕೆಯನ್ನೂ ನೀಡಲಾಗಿದೆ ಎಂದು ಪ್ರಧಾನಿ ಮಾರ್ರಿಸನ್ ತಿಳಿಸಿದ್ದಾರೆ. ದೇಶದಲ್ಲಿ ಚಟುವಟಿಕೆಗಳನ್ನು ಸುರಕ್ಷಿತವಾಗಿ ತೆರೆದು ಬದುಕಲು ಸಹಕಾರಿಯಾದ ಕರೊನಾ ಲಸಿಕೆಯನ್ನು ಇಂದೇ ಪಡೆಯಿರಿ ಎಂದು ಲಸಿಕೆ ಪಡೆದಿಲ್ಲದ ಜನರಿಗೆ ಕರೆ ನೀಡಿದ್ದಾರೆ. (ಏಜೆನ್ಸೀಸ್)
ಬಾಕ್ಸ್ ಆಫೀಸಲ್ಲಿ ‘ಸೂರ್ಯವಂಶಿ’ಗೆ ಬಂಪರ್! ಮೊದಲನೇ ದಿನದ ಕಲೆಕ್ಷನ್ ಎಷ್ಟು ಗೊತ್ತಾ?