ನವದೆಹಲಿ: ಏರ್ ಇಂಡಿಯಾದ ಐವರು ಪೈಲಟ್ಗಳಿಗೆ ಕರೊನಾ ವೈರಸ್ ತಗುಲಿದ್ದು ದೃಢಪಟ್ಟಿದೆ.
ಆದರೆ ಪೈಲಟ್ಗಳಲ್ಲಿ ಕೊವಿಡ್ನ ಯಾವುದೇ ಲಕ್ಷಣಗಳೂ ಕಂಡುಬಂದಿರಲಿಲ್ಲ. ವಿಮಾನ ಕಾರ್ಯಾಚರಣೆ ಕರ್ತವ್ಯಕ್ಕೆ ಹೋಗುವ 72 ಗಂಟೆಗಳ ಮೊದಲು ಅವರನ್ನು ವಾಡಿಕೆಯಂತೆ ತಪಾಸಣೆಗೆ ಒಳಪಡಿಸಲಾಗಿತ್ತು. ಒಟ್ಟು 77 ಪೈಲಟ್ಗಳ ಗಂಟಲಿನ ಮಾದರಿಯನ್ನು ಕಳಿಸಲಾಗಿತ್ತು. ಅವರಲ್ಲೀಗ ಐವರಲ್ಲಿ ಸೋಂಕು ದೃಢಪಟ್ಟಿದೆ. ಸದ್ಯ ಅವರಿಗೆ ಹೋಂ ಕ್ವಾರಂಟೈನ್ನಲ್ಲಿ ಇರಲು ಸೂಚಿಸಲಾಗಿದೆ.
ಹಾಗೇ ಓರ್ವ ಇಂಜಿನಿಯರ್ ಮತ್ತು ಟೆಕ್ನಿಷಿಯನ್ಗೆ ಕೂಡ ಕರೊನಾ ತಗುಲಿದೆ. ಐವರು ಸೋಂಕಿರ ಪೈಲಟ್ಗಳು ಬೋಯಿಂಗ್ 787 ಡ್ರೀಮ್ ಲೈನರ್ ವಿಮಾನಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ಏ.20ರಂದು ಕೊನೇ ಬಾರಿಗೆ ಹಾರಾಟ ನಡೆಸಿದ್ದಾರೆ.
ಏರ್ ಇಂಡಿಯಾ ವಿಮಾನಗಳು ಲಾಕ್ಡೌನ್ ಸಂದರ್ಭದಲ್ಲಿ ಸತತವಾಗಿ ಕಾರ್ಯ ನಿರ್ವಹಿಸುತ್ತಿವೆ. ಕೊವಿಡ್ -19 ಪ್ರಾರಂಭದಲ್ಲಿ ಬೇರೆ ದೇಶಗಳಲ್ಲಿ ಇರುವ ಭಾರತೀಯರನ್ನು ನಮ್ಮ ದೇಶಕ್ಕೆ ಕರೆದುಕೊಂಡು ಬಂದಿವೆ. ಸದ್ಯ ವಿವಿಧ ದೇಶಗಳಲ್ಲಿ ಸಿಲುಕಿರುವ ಭಾರತೀಯರನ್ನು ದೇಶಕ್ಕೆ ಕರೆದುಕೊಂಡು ಬರುವ ಕೆಲಸವನ್ನೂ ಮಾಡುತ್ತಿವೆ. ಈ ಮಧ್ಯೆ ಭಾರತದಲ್ಲಿ ಸಿಲುಕಿದ್ದ ವಿವಿಧ ದೇಶಗಳ ಪ್ರಜೆಗಳನ್ನು ಅವರ ರಾಷ್ಟ್ರಕ್ಕೆ ತಲುಪಿಸಿವೆ.
ಈಗ ಸೋಂಕಿಗೆ ಒಳಗಾಗಿರುವ ಪೈಲಟ್ಗಳು ಏ.20ರನಂತರ ಯಾವುದೇ ವಿಮಾನದಲ್ಲಿ ಕಾರ್ಯ ನಿರ್ವಹಿಸಿಲ್ಲ. ಅದಕ್ಕೂ ಮೊದಲು ಚೀನಾಕ್ಕೆ ಹೋಗಿಬಂದವರಾಗಿದ್ದರು ಎಂದು ಏರ್ಇಂಡಿಯಾ ಅಧಿಕಾರಿಗಳು ತಿಳಿಸಿದ್ದಾರೆ. (ಏಜೆನ್ಸೀಸ್)