ಮುಂಬೈ: ರೇಲ್ ವಿಕಾಸ್ ನಿಗಮ್ ಲಿಮಿಟೆಡ್ ಕಂಪನಿಯು 24.01.2003 ರಂದು ಸ್ಥಾಪಿತವಾಯಿತು. ಮಾರ್ಚ್ 2005 ರಲ್ಲಿ ಮಂಡಳಿಯ ಎಲ್ಲಾ ನಿರ್ದೇಶಕರ ನೇಮಕಾತಿಯ ನಂತರ ಸಂಪೂರ್ಣವಾಗಿ ಕಾರ್ಯನಿರ್ವಹಿಸಲು ಆರಂಭಿಸಿತು. ರೇಲ್ ವಿಕಾಸ್ ನಿಗಮ್ ಲಿಮಿಟೆಡ್ ಕೇಂದ್ರ ಸರ್ಕಾರದ ಸಾರ್ವಜನಿಕ ವಲಯದ ಉದ್ಯಮವಾಗಿದೆ. ಯೋಜನೆಯ ಅನುಷ್ಠಾನ ಮತ್ತು ಸಾರಿಗೆ ಮೂಲಸೌಕರ್ಯ ಅಭಿವೃದ್ಧಿಗಾಗಿ ರೈಲ್ವೆ ಸಚಿವಾಲಯದ ನಿರ್ಮಾಣ ವಿಭಾಗವಾಗಿ ಕಾರ್ಯನಿರ್ವಹಿಸುತ್ತದೆ.
ರೈಲ್ ವಿಕಾಸ್ ನಿಗಮ ಲಿಮಿಟೆಡ್ ಷೇರುಗಳು ಹೊಸ ವರ್ಷದಲ್ಲಿ ಅದ್ಭುತ ಆರಂಭವನ್ನು ಕಂಡಿವೆ. ಈ ರೈಲ್ವೆಯ ಷೇರು ಬುಲೆಟ್ ರೈಲಿನಂತೆ ಓಡುತ್ತಿದೆ. ಜನವರಿ ತಿಂಗಳಲ್ಲಿ ಇದುವರೆಗೆ ಶೇಕಡಾ 7 ರಷ್ಟು ಹೆಚ್ಚಳ ಕಂಡಿದೆ.
ಬುಧವಾರದಂದು ಈ ಷೇರು ಬೆಲೆ ಶೇ.6.29ಕ್ಕೆ ಹೆಚ್ಚಿದೆ. ಗುರುವಾರ ಕೂಡ 2.50 ರೂಪಾಯಿ ಹೆಚ್ಚಳವಾಗಿ 52 ವಾರಗಳ ಗರಿಷ್ಠ ಮಟ್ಟವನ್ನು ಮುಟ್ಟಿದೆ.
ನಾಲ್ಕು ವರ್ಷಗಳ ಈ ಕಂಪನಿಯ ಷೇರುಗಳಲ್ಲಿ 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿ ತಾಳ್ಮೆಯಿಂದ ಕಾದಿರುವವರು ಈಗ ಗಳಿಸಿರುವ ಮೊತ್ತವು ಅಚ್ಚರಿ ಮೂಡಿಸುವಂತಿದೆ. ನಾಲ್ಕ ವರ್ಷಗಳ ಹಿಂದಿನ 1 ಲಕ್ಷ ರೂಪಾಯಿ ಹೂಡಿಕೆಯು ಈಗ 9.97 ಲಕ್ಷ ರೂಪಾಯಿ ಆಗಿದೆ. ಬಹುತೇಕ 10 ಪಟ್ಟು ಹೆಚ್ಚುವ ಮೂಲಕ ಹೂಡಿಕೆದಾರರನ್ನು ಸಂತಸಪಡುವಂತೆ ಮಾಡಿದೆ.
ಕಳೆದ ವರ್ಷದಲ್ಲಿ ಕೂಡ ಹೂಡಿಕೆ ಮಾಡಿದವರು ಕೂಡ ಉತ್ತಮ ಲಾಭವನ್ನು ಹೊಂದಿದ್ದಾರೆ. ಈ ಕಂಪನಿಯ ಷೇರು ಒಂದು ವರ್ಷದಲ್ಲಿ 172 ಪ್ರತಿಶತಕ್ಕಿಂತ ಹೆಚ್ಚಿನ ಆದಾಯವನ್ನು ನೀಡಿದೆ. ಕಳೆದ ಒಂದೂವರೆ ವರ್ಷದಲ್ಲಿ ಈ ಷೇರು ಬೆಲೆಯು 544.91% ಲಾಭ ತಂದುಕೊಟ್ಟಿದೆ.
ಯಾವುದೇ ರೀತಿಯ ಷೇರು ಖರೀದಿಸುವ ಮೊದಲು ಅದರ ಸಾಮರ್ಥ್ಯಗಳು, ದೌರ್ಬಲ್ಯಗಳು, ಸಂಭಾವ್ಯ ರಿಸ್ಕ್ಗಳನ್ನು ಪರಿಗಣಿಸಬೇಕು. ಸೂಕ್ತ ಲೆಕ್ಕಾಚಾರ, ಸಮಯದಲ್ಲಿ ಹೂಡಿಕೆ ನಿರ್ಧಾರ ಕೈಗೊಳ್ಳಬೇಕು.