ಮುಂಬೈ: ಟಾಲಿವುಡ್ನಲ್ಲಿ ಮೋಡಿ ಮಾಡಿ, ಬಾಲಿವುಡ್ನಲ್ಲಿಯೂ ಹೆಸರು ಮಾಡಿರುವ ನಟ ಪ್ರಭಾಸ್, ಪ್ಯಾನ್ ಇಂಡಿಯಾ ಹೀರೋ ಆಗಿ ಗುರುತಿಸಿಕೊಂಡಿದ್ದಾರೆ. ಈಗಾಗಲೇ ಅವರ ಸಾಲು ಸಾಲು ಸಿನಿಮಾಗಳು ಶೂಟಿಂಗ್ ಹಂತದಲ್ಲಿದ್ದರೆ, ಇನ್ನೇನು ಸೆಟ್ಟೇರುವ ಚಿತ್ರಗಳೂ ಹಲವಾರಿವೆ. ಇದೀಗ ಹೊಸ ಸುದ್ದಿ ಏನೆಂದರೆ, ಪ್ರಭಾಸ್ ಅವರ ಮುಂದಿನ ಸಿನಿಮಾದಲ್ಲಿ 10ಕ್ಕೂ ಅಧಿಕ ಬಾಲಿವುಡ್ ಕಲಾವಿದರು ನಟಿಸಲಿದ್ದಾರೆ ಎಂಬುದು!
ಇದನ್ನೂ ಓದಿ: ವಿಜಯ್ ಚಿತ್ರಕ್ಕೆ ಕೀರ್ತಿ; ಹ್ಯಾಟ್ರಿಕ್ ಬಾರಿಸುತ್ತಾರಾ ಮಹಾನಟಿ?
ಹೌದು, ಟಾಲಿವುಡ್ನಲ್ಲಿ ವೈಜಯಂತಿ ಮೂವೀಸ್ ಬ್ಯಾನರ್ನಲ್ಲಿ ಸಿದ್ಧವಾಗುತ್ತಿರುವ ಈ ಚಿತ್ರದಲ್ಲಿ ಅಮಿತಾಬ್ ಬಚ್ಚನ್ ಮತ್ತು ದೀಪಿಕಾ ಪಡುಕೋಣೆ ನಟಿಸಲಿದ್ದಾರೆ ಎಂಬ ವಿಚಾರವನ್ನು ಸ್ವತಃ ನಿರ್ಮಾಣ ಸಂಸ್ಥೆ ಘೋಷಿಸಿಕೊಂಡಿದೆ. ಇದೀಗ ಈ ಇಬ್ಬರು ಬಿಗ್ ಸ್ಟಾರ್ಗಳ ಜತೆಗೆ ಇನ್ನೂ 10ಕ್ಕೂ ಅಧಿಕ ಬಾಲಿವುಡ್ನ ಘಟಾನುಘಟಿಗಳು ಈ ಸಿನಿಮಾದಲ್ಲಿ ನಟಿಸಲಿದ್ದಾರಂತೆ.
ಇನ್ನೊಂದು ವಿಶೇಷತೆ ಇನ್ನೊಂದು ಈ ಸಿನಿಮಾದಲ್ಲಿ ನಟಿಸಲಿರುವ ಎಲ್ಲ ಕಲಾವಿದರ ಸಂಭಾವನೆಯೇ 200 ಕೋಟಿ ರೂಪಾಯಿಯಂತೆ! ಹೀಗೊಂದು ಸುದ್ದಿಯೂ ಈಗಾಗಲೇ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದ್ದು, ಯಾವೆಲ್ಲ ಕಲಾವಿದರನ್ನು ತಂಡ ಬರಮಾಡಿಕೊಳ್ಳಲಿದೆ ಎಂಬುದು ಸದ್ಯದ ಕುತೂಹಲದ ವಿಚಾರ.
ಇದನ್ನೂ ಓದಿ: ರೆಬೆಲ್ಸ್ಟಾರ್ ಅಂಬರೀಷ್ ಸರಳ ಜನ್ಮದಿನಾಚರಣೆ
ಒಂದಲ್ಲ ಎರಡಲ್ಲ ಹಲವು ಭಾಷೆಗಳಲ್ಲಿ ಸಿದ್ಧಗೊಳ್ಳಲಿರುವ ಈ ಚಿತ್ರ ಸದ್ಯ ಪ್ರೀ ಪ್ರೊಡಕ್ಷನ್ ಕೆಲಸಗಳನ್ನು ಬಹುತೇಕ ಮುಗಿಸಿಕೊಂಡಿದ್ದು, ಕಲಾವಿದರ ಪಟ್ಟಿಯನ್ನೂ ಸಿದ್ಧಪಡಿಸಿದೆ. ಒಬ್ಬೊಬ್ಬರನ್ನೇ ಆಯ್ದುಕೊಳ್ಳುವ ಕೆಲಸವನ್ನೂ ಮಾಡುತ್ತಿದೆ. ಆದರೆ, ಆ ಆಯ್ಕೆ ಮಟ್ಟಿಯ ಅಧಿಕೃತ ಘೋಷಣೆ ಮುಂದಿನ ದಿನಗಳಲ್ಲಿ ಮಾಡಿಲಿದೆಯಂತೆ ನಿರ್ಮಾಣ ಸಂಸ್ಥೆ. ಮಹಾನಟಿ ಸಿನಿಮಾ ಖ್ಯಾತಿಯ ನಾಗ್ ಅಶ್ವಿನ್ ಈ ಚಿತ್ರ ನಿರ್ದೇಶಿಸಲಿದ್ದಾರೆ.