ನವದೆಹಲಿ: ಜಗತ್ತಿನಾದ್ಯಂತ ಕೋವಿಡ್-19 ವೈರಸ್‌ ಹಾವಳಿ ಇಟ್ಟಿದ್ದು, ಜನರು ಸೋಂಕಿಗೆ ಒಳಗಾಗಿ ಸಂಕಷ್ಟ ಪಡುತ್ತಿರುವುದಷ್ಟೇ ಅಲ್ಲದೆ ಹಲವಾರು ಮಂದಿ ಸೋಂಕಿನಿಂದಾಗಿ ಪ್ರಾಣವನ್ನೂ ಕಳೆದುಕೊಳ್ಳುತ್ತಿದ್ದಾರೆ. ಸೋಂಕಿನೊಂದಿಗೆ ಸೋಂಕಿನಿಂದಾದ ಸಾವಿನ ಪ್ರಮಾಣ ಕೂಡ ತೀವ್ರಗತಿಯಲ್ಲಿ ಏರುತ್ತಿದೆ. ಈ ಮಧ್ಯೆ ಕಳೆದ ವಾರದ ಮಟ್ಟಿಗೆ ಜಗತ್ತಿನಲ್ಲಿ ಸಂಭವಿಸಿದ ಕೋವಿಡ್ ಸಾವುಗಳ ಪೈಕಿ ಕಾಲುಭಾಗದಷ್ಟು ಸಾವಿನ ಪ್ರಕರಣಗಳು ಈ ದೇಶವೊಂದರಲ್ಲೇ ಆಗಿವೆ!
ಪ್ಯಾನ್‌ ಅಮೆರಿಕನ್‌ ಹೆಲ್ತ್‌ ಆರ್ಗನೈಸೇಷನ್‌ (ಪಿಎಎಚ್‌ಒ) ಎಂಬ ಸಂಸ್ಥೆ ಈ ಸಮೀಕ್ಷೆಯನ್ನು ನಡೆಸಿದ್ದ, ಅದರಲ್ಲಿ ಕಂಡುಬಂದಿರುವ ಈ ಅಂಶವನ್ನು ಪಿಎಎಚ್‌ಒ ನಿರ್ದೇಶಕಿ ಕ್ಯಾರಿಸಾ ಇಟಿಯನ್ನೆ ತಿಳಿಸಿದ್ದಾರೆ. ಅಮೆರಿಕದಲ್ಲಿ ಕಳೆದ ಕೆಲವು ದಿನಗಳಲ್ಲಿ ಕೋವಿಡ್-19 ಕಗ್ಗಂಟಿನ ಪರಿಸ್ಥಿತಿ ಕೈಮೀರಿ ಹೋಗಿದ್ದು, ದೊಡ್ಡ ಪ್ರಮಾಣದಲ್ಲೇ ಸೋಂಕಿತರ ಸಾವು ಸಂಭವಿಸಿದೆ. ಅದರಲ್ಲೂ ಕಳೆದೊಂದು ವಾರದಲ್ಲಿ ಜಗತ್ತಿನಲ್ಲಿ ಸಂಭವಿಸಿದ ಕೋವಿಡ್-19 ಸಾವುಗಳ ಪೈಕಿ ಕಾಲುಭಾಗದಷ್ಟು ಸಾವಿನ ಪ್ರಕರಣಗಳು ಅಮೆರಿಕದಲ್ಲೇ ಸಂಭವಿಸಿವೆ. ಅಂದರೆ ಜಾಗತಿಕ ಪ್ರತಿ ನಾಲ್ಕು ಸಾವುಗಳ ಪೈಕಿ ಒಂದು ಅಮೆರಿಕದಲ್ಲಿ ಸಂಭವಿಸಿದೆ ಎಂದು ಈ ಸಮೀಕ್ಷೆ ತಿಳಿಸಿದೆ.
ಕರೊನಾ ಎರಡನೇ ಅಲೆಯ ತೀವ್ರತೆ ಲಸಿಕೆ ಕೊರತೆಯಾಗುವಂತೆಯೂ ಮಾಡಿದೆ. ಅಲ್ಲದೆ ಉತ್ತರ ಹಾಗೂ ಕೇಂದ್ರ ಅಮೆರಿಕದ ಹಲವಾರು ಆರೋಗ್ಯ ವ್ಯವಸ್ಥೆಗಳು ಪರಿಸ್ಥಿತಿ ನಿಯಂತ್ರಿಸಲು ಪರದಾಡುತ್ತಿವೆ. ಜತೆಗೆ ಸೋಂಕಿತರಿಗೆ ಆಸ್ಪತ್ರೆಯ ಅಗತ್ಯವೂ ಅತಿಯಾಗಿದೆ ಎಂದು ಪಿಎಎಚ್‌ಒ ನಿರ್ದೇಶಕಿ ಕ್ಯಾರಿಸಾ ತಿಳಿಸಿದ್ದಾರೆ.
ಸೂಕ್ತ ತೀರ್ಪು ಕೊಡಲೆಂದೇ ಕೌನ್ಸೆಲಿಂಗ್‌ ಪಡೆಯಲು ನ್ಯಾಯಾಧೀಶರ ನಿರ್ಧಾರ; ಇದಕ್ಕೆಲ್ಲ ಕಾರಣ ಆ ಸಲಿಂಗಕಾಮಿ ಜೋಡಿ!
ಬೆಡ್ ಮ್ಯಾನೇಜ್‌ಮೆಂಟ್‌ ಪೋರ್ಟಲ್ ಬಿಡುಗಡೆ: ಕರೊನಾ ಸೋಂಕಿತರಿಗೆ ಬೆಡ್ ಸಮಸ್ಯೆ ಆಗದಂತೆ ಕ್ರಮ