ಬೆಂಗಳೂರು: ಪಿಜಿಯಲ್ಲಿರುವ ಹುಡುಗಿಯರೇ ಎಚ್ಚರ ಎಚ್ಚರ..! ನೀವು ಸ್ನಾನಕ್ಕೆ ಹೋಗುವಾಗ ಒಮ್ಮೆ ಬಾತ್ರೂಮ್ ಕಿಟಕಿ ಕ್ಲೋಸ್ ಆಗಿದೆಯಾ ಅಂತ ಚೆಕ್ ಮಾಡಿಕೊಳ್ಳಿ. ಕೊಂಚ ಎಚ್ಚರ ತಪ್ಪಿದ್ರೂ ನಿಮ್ಮ ಖಾಸಗಿ ವಿಡಿಯೋಗಳು ರೆಕಾರ್ಡ್, ಆಗಿ ಬ್ಲ್ಯಾಕ್ಮೇಲ್ಗೆ ಒಳಗಾಗಬಹುದು..!
ಹೌದು, ಪಿಜಿಗಳಲ್ಲಿ ಹುಡುಗೀಯರು ಸ್ನಾನ ಮಾಡುತ್ತಿರುವ ವಿಡಿಯೋ ರೆಕಾರ್ಡ್ ಮಾಡಿಕೊಳ್ಳುತ್ತಿದ್ದ ಯುವಕನೊಬ್ಬನನ್ನು ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಆರೋಪಿ ಓದಿದ್ದು ಇಂಜಿನಿಯರಿಂಗ್, ಆದ್ರೆ ಮಾಡುತ್ತಿದ್ದದ್ದು ಮಾತ್ರ ಹುಡ್ಗೀರ ಅಶ್ಲೀಲ ವಿಡಿಯೋ ಸೆರೆಹಿಡಿಯುವ ಕೆಲಸ.
ಒಂದೇ ಕಾಂಪ್ಲೆಕ್ಸ್ನಲ್ಲಿ ಹುಡುಗಿಯರ ಮತ್ತು ಹುಡುಗರ ಪಿಜಿ ಇವೆ. ನಾಲ್ಕು ವರ್ಷದಿಂದ ಈತ ಆ ಕಾಂಪ್ಲೆಕ್ಸ್ ನಲ್ಲಿರೋ ತನ್ನ ಪಿಜಿಯಲ್ಲಿದ್ದುಕೊಂಡೇ ಹುಡುಗಿಯರ ಸ್ನಾನದ ವಿಡಿಯೋ ಮಾಡುತ್ತಿದ್ದ. ನಂತರ ಬ್ಲ್ಯಾಕ್ಮೇಲ್ ಮಾಡುತ್ತಿದ್ದ. ಟಾಪ್ ಫ್ಲೋರ್ ಮೇಲೆ ಹತ್ತಿ, ಬ್ಲಾಕ್ಗಳ ನಡುವೆ ರಿಸ್ಕ್ ತೆಗೆದುಕೊಂಡು ಈ ಕೆಲಸ ಮಾಡುತ್ತಿದ್ದ. ನಂತರ ವಿಡಿಯೋ ಇಟ್ಟುಕೊಂಡು ಸೆಕ್ಷ್ಯೂಯಲ್ ಫೇವರ್ಗೆ ಬಳಸಿಕೊಳ್ತಿದ್ದ.
ಮೊದಲು ಒಬ್ಬ ಹುಡುಗಿ ನೀಡಿದ್ದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡಿದ್ದ ಪೊಲೀಸರು, ಹುಡುಗಿಯ ಮೊಬೈಲ್ನಿಂದ ಈತನಿಗೆ ಮೆಸೇಜ್ ಮಾಡಿಸಿ ಕರೆಸಿಕೊಂಡಿದ್ದಾರೆ. ನಂತರ ಇವನೇ ಅನ್ನೋದು ಕನ್ಫರ್ಮ್ ಆಗಿದ್ದೇ ತಡ ಎಲ್ಲ ವಿಷಯ ಬಾಯಿ ಬಿಡಿಸಿದ್ದಾರೆ. ಆತನ ಮೊಬೈಲ್, ಲ್ಯಾಪ್ ಟ್ಯಾಪ್ ವಶಕ್ಕೆ ಪಡೆದಾಗ ಅವುಗಳಲ್ಲಿ ಸಾಕಷ್ಟು ಹುಡುಗಿಯರ ವಿಡಿಯೋ ಪತ್ತೆಯಾಗಿವೆ.