ಬೀಜಿಂಗ್: ಮಹಾಮಾರಿ ಕರೊನಾ ವೈರಸ್ ರೋಗಿಗಳಿಗೆ ಚಿಕಿತ್ಸೆ ನೀಡುವಾಗಲೇ ಸೋಂಕಿಗೆ ಒಳಗಾಗಿ ಚರ್ಮದ ಬಣ್ಣವೇ ಕಪ್ಪಾಗುವಷ್ಟು ಗಂಭೀರತರವಾದ ರೋಗಕ್ಕೀಡಾಗಿದ್ದ ಚೀನಾ ವೈದ್ಯರೊಬ್ಬರು 5 ತಿಂಗಳ ನಿರಂತರ ಹೋರಾಟದ ಬಳಿಕ ಅಸುನೀಗಿದ್ದಾರೆ.
ಡಾ. ಹು ವೈಫೆಂಗ್ (42) ಮೃತ ವೈದ್ಯ. ಕಾರ್ಯನಿರ್ವಹಿಸುತ್ತಿದ್ದಾಗಲೇ ಜನವರಿಯಲ್ಲಿ ವೈಫೆಂಗ್ ಅವರಿಗೆ ಸೋಂಕು ತಗುಲಿತ್ತು. ಕರೊನಾ ಸ್ಪೋಟಗೊಂಡ ಚೀನಾದ ವುಹಾನ್ ನಗರದ ಆಸ್ಪತ್ರೆಯಲ್ಲಿ ವೈಫೆಂಗ್ ನಿನ್ನೆ (ಮಂಗಳವಾರ) ಕೊನೆಯುಸಿರೆಳೆದಿದ್ದಾರೆ.
ಇದನ್ನೂ ಓದಿ: 12 ಲಕ್ಷ ರೂಪಾಯಿ ಬೆಲೆಯ ಸೈಕಲ್!
ಒಂದು ತಿಂಗಳಿಗೂ ಹೆಚ್ಚು ಕಾಲ ವೈಫೆಂಗ್ ಅವರನ್ನು ಐಸಿಯುನಲ್ಲಿಟ್ಟು ಚಿಕಿತ್ಸೆ ನೀಡಲಾಗಿತ್ತು. ಆದರೆ, ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಯುರೋಲಜಿಸ್ಟ್ (ಮೂತ್ರಶಾಸ್ತ್ರಜ್ಞ) ಆಗಿದ್ದ ವೈಫೆಂಗ್, ವೈರಸ್ ಹರಡುವ ಆರಂಭದಲ್ಲೇ ಎಚ್ಚರಿಕೆ ನೀಡಿ ಚೀನಾ ಸರ್ಕಾರದ ದುರಾಡಳಿತದಿಂದ ಸೋಂಕಿಗೆ ಒಳಗಾಗಿ ಮೃತಪಟ್ಟಿದ್ದ ಡಾ. ಲಿ ವೆನ್ಲಿಯಾಂಗ್ ಅವರ ಸಹೋದ್ಯೋಗಿಯಾಗಿದ್ದರು. ಇಬ್ಬರು ವುಹಾನ್ ಕೇಂದ್ರ ಆಸ್ಪತ್ರೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದರು.
ಇದೇ ಆಸ್ಪತ್ರೆಯಲ್ಲಿ ಕರೊನಾದಿಂದಾಗಿ ಐವರು ಪ್ರಮುಖ ವೈದ್ಯರು ಮೃತಪಟ್ಟಿದ್ದಾರೆ. ವೈಫೆಂಗ್ನ ಅವರ ಚರ್ಮದ ಬಣ್ಣ ದಿಢೀರನೇ ಕಪ್ಪು ಬಣ್ಣಕ್ಕೆ ತಿರುಗಿ ಎಲ್ಲರನ್ನೂ ದಿಗ್ಭ್ರಮೆಗೊಳಿಸಿತ್ತು. ಈ ಬಗ್ಗೆ ಮಾತನಾಡಿದ್ದ ಆಸ್ಪತ್ರೆಯ ವಕ್ತಾರ ಚಿಕಿತ್ಸೆ ವೇಳೆ ನೀಡಲಾದ ಆ್ಯಂಟಿಬಯೋಟಿಕ್ನಿಂದಾಗಿ ವೈಫೆಂಗ್ ಚರ್ಮದ ಬಣ್ಣ ಬದಲಾಗಿದೆ ಎಂದು ಹೇಳಿದ್ದರು.
ಇದನ್ನೂ ಓದಿ: ಮೊಬೈಲ್ ಕಳ್ಳನ ಹೊಡೆದು ಕೊಂದ ಜನ!
ವೈಫೆಂಗ್ ಅವರ ಮತ್ತೊಬ್ಬ ಸಹೋದ್ಯೋಗಿ ಡಾ. ಯಿ ಫ್ಯಾನ್ ಅವರ ಚರ್ಮದ ಬಣ್ಣವು ಕಪ್ಪಾಗಿ ಬದಲಾಗಿದೆ. ಆದರೆ ಫ್ಯಾನ್ ಪೂರ್ತಿಯಾಗಿ ಗುಣಮುಖರಾಗಿದ್ದಾರೆ. ಒಂದೇ ಸಮಯದಲ್ಲಿ ಇಬ್ಬರು ಅನಾರೋಗ್ಯಕ್ಕೀಡಾಗಿದ್ದರು. ವುಹಾನ್ ಸೆಂಟ್ರಲ್ ಆಸ್ಪತ್ರೆಯಲ್ಲಿ ಕರೊನಾ ರೋಗಿಗಳಿಗೆ ಚಿಕಿತ್ಸೆ ನೀಡುವಾಗ ಮಧ್ಯ ಜನವರಿಯಲ್ಲಿ ಇಬ್ಬರು ಸೋಂಕಿಗೆ ಒಳಗಾಗಿದ್ದರು. (ಏಜೆನ್ಸೀಸ್)
ಚೀನಾದಲ್ಲಿ ಉದ್ಯೋಗಿಗಳಿಗೆ ಜೀವಂತ ಹುಳು ತಿನ್ನುವ ಶಿಕ್ಷೆ: ಕಾರಣ ಕೇಳಿದ್ರೆ ಬೆರಗಾಗ್ತೀರಾ!