ಅಹಮದಾಬಾದ್: ಕಳೆದ ಆವೃತ್ತಿಯ ಟೂರ್ನಿ ಸ್ವರೂಪವನ್ನೇ ಈ ಬಾರಿಯೂ ಏಕದಿನ ವಿಶ್ವಕಪ್ನಲ್ಲಿ ಮುಂದುವರಿಸಲಾಗುತ್ತಿದೆ. ಇದರನ್ವಯ, ಯಾವುದೇ ಗುಂಪುಗಳು ಇರದೆ ಎಲ್ಲ 10 ತಂಡಗಳು ರೌಂಡ್ ರಾಬಿನ್ ಲೀಗ್ ಮಾದರಿಯಲ್ಲಿ ಆಡಲಿದ್ದು, ಲೀಗ್ ಹಂತದಲ್ಲಿ ತಲಾ 9 ಪಂದ್ಯಗಳನ್ನು ಆಡಲಿವೆ. 45 ಪಂದ್ಯಗಳ ಲೀಗ್ ಹಂತದ ಬಳಿಕ ಅಗ್ರ 4 ತಂಡಗಳು ಸೆಮಿಫೈನಲ್ಗೇರಲಿದ್ದು, ಅಲ್ಲಿ ಗೆದ್ದ ತಂಡಗಳು ಫೈನಲ್ನಲ್ಲಿ ಎದುರಾಗಲಿವೆ. ಲೀಗ್ನಲ್ಲಿ 7 ಪಂದ್ಯ ಗೆದ್ದ ತಂಡಕ್ಕೆ ಅಗ್ರ 2ರೊಳಗೆ ಸ್ಥಾನ ಲಭಿಸಿದರೆ, 6 ಪಂದ್ಯ ಗೆದ್ದರೆ ಸೆಮಿಫೈನಲ್ ಟಿಕೆಟ್ ನಿರೀಸಬಹುದು. ಇಲ್ಲದಿದ್ದರೆ, ಕೆಲ ಪಂದ್ಯಗಳಿಗೆ ಮಳೆ ಕಾಡುವ ಭೀತಿಯೂ ಇರುವುದರಿಂದ ರನ್ರೇಟ್ ಲೆಕ್ಕಾಚಾರವೂ ನಾಕೌಟ್ಗೇರುವ ತಂಡವನ್ನು ನಿರ್ಧರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಬಹುದು.
ಕಾಡಲಿದೆ ಮಳೆ, ಇಬ್ಬನಿ ಭೀತಿ
ಭಾರತದಲ್ಲಿ ಈ ಮುನ್ನ 1996 ಮತ್ತು 2011ರಲ್ಲಿ ಮಾರ್ಚ್-ಏಪ್ರಿಲ್ನಲ್ಲಿ ವಿಶ್ವಕಪ್ ಟೂರ್ನಿ ಆಯೋಜನೆಗೊಂಡಿದ್ದರೆ, ಈ ಬಾರಿ ನವರಾತ್ರಿ-ದೀಪಾವಳಿ ಹಬ್ಬದ ಸಮಯ ಅಂದರೆ ಅಕ್ಟೋಬರ್-ನವೆಂಬರ್ನಲ್ಲಿ ನಡೆಯುತ್ತಿದೆ. ಇದು ದೇಶದ ಹೆಚ್ಚಿನ ಭಾಗದಲ್ಲಿ ಮಳೆಗಾಲ ಕಳೆದ ಚಳಿಗಾಲ ಬರುವ ಸಮಯ. ಈ ಬಾರಿ ಹೆಚ್ಚಿನ ಕಡೆ ಬರ ಇದ್ದರೂ, ವಿಶ್ವಕಪ್ ಪಂದ್ಯಗಳಿಗೆ, ಅದರಲ್ಲೂ ದಣ ಭಾರತದಲ್ಲಿ ಮಳೆ ಕಾಡುವ ಭೀತಿ ಇದ್ದೇ ಇದೆ. ಚೆನ್ನೈನಲ್ಲಿ ಅಕ್ಟೋಬರ್ನಲ್ಲಿ ಕ್ರಿಕೆಟ್ ಪಂದ್ಯಕ್ಕೆ ಮಳೆ ಅಡಚಣೆ ತಪ್ಪಿದ್ದಲ್ಲ ಎನ್ನಲಾಗುತ್ತಿದೆ. ಇನ್ನು ಚಳಿ ಶುರುವಾಗುವ ಸಮಯವಾಗಿರುವುದರಿಂದ ಅಹರ್ನಿಶಿ ಪಂದ್ಯಗಳಿಗೆ ಇಬ್ಬನಿಯೂ ದೊಡ್ಡ ತಲೆನೋವಾಗುವ ಅಪಾಯವಿದೆ. ಇಬ್ಬನಿ ನಿಯಂತ್ರಣಕ್ಕಾಗಿ ಸಂಘಟಕರು ಕ್ರಮಗಳನ್ನು ತೆಗೆದುಕೊಂಡಿದ್ದರೂ, ಟೂರ್ನಿಯುದ್ದಕ್ಕೂ 2ನೇ ಸರದಿಯಲ್ಲಿ ಬ್ಯಾಟಿಂಗ್ ಮಾಡುವ ತಂಡಗಳಿಗೆ ಹೆಚ್ಚಿನ ಲಾಭ ನಿರೀಕ್ಷಿಸಬಹುದು.