ಹಾಂಗ್ರೆೌ: ಭಾರತದ ಕ್ರಿಕೆಟಿಗರು ಇತ್ತ ವಿಶ್ವಕಪ್ಗೆ ಸಜ್ಜಾಗುತ್ತಿರುವ ನಡುವೆ ಅತ್ತ ಏಷ್ಯಾಡ್ನಲ್ಲಿ ಭಾರತ ಭರ್ಜರಿ ಪದಕ ಬೇಟೆಯಾಡುತ್ತಿದೆ. ಈ ಪೈಕಿ ಇಬ್ಬರು ಕ್ರಿಕೆಟಿಗರ ಪತ್ನಿಯರೂ ಪದಕ ಗೆಲುವಿನ ಸಾಧನೆ ಮೆರೆದಿರುವುದು ವಿಶೇಷವಾಗಿದೆ. ಟೀಮ್ ಇಂಡಿಯಾದ ವಿಕೆಟ್ ಕೀಪರ್-ಬ್ಯಾಟರ್ ದಿನೇಶ್ ಕಾರ್ತಿಕ್ ಅವರ ಪತ್ನಿ ದೀಪಿಕಾ ಪಲ್ಲಿಕಲ್ ಮಹಿಳೆಯರ ಸ್ಕ್ವಾಷ್ ತಂಡ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದುಕೊಂಡಿದ್ದರೆ, 2021ರಲ್ಲಿ ಟೀಮ್ ಇಂಡಿಯಾ ಪರ ಏಕೈಕ ಟಿ20 ಪಂದ್ಯ ಆಡಿರುವ ವೇಗಿ ಸಂದೀಪ್ ವಾರಿಯರ್ ಪತ್ನಿ ಆರತಿ ಕಸ್ತೂರಿರಾಜ್ ಸ್ಕೇಟಿಂಗ್ ಸ್ಪರ್ಧೆಯಲ್ಲಿ ಕಂಚಿನ ಪದಕ ಜಯಿಸಿದ್ದಾರೆ.
ಅವಳಿ ಮಕ್ಕಳ ತಾಯಿಯಾಗಿರುವ ದೀಪಿಕಾ ಪಲ್ಲಿಕಲ್ ಈ ಹಿಂದೆ 2014ರ ಏಷ್ಯಾಡ್ನಲ್ಲಿ ಬೆಳ್ಳಿ, ಕಂಚು ಮತ್ತು 2010, 2018ರ ಏಷ್ಯಾಡ್ನಲ್ಲೂ ಕಂಚು ಗೆದ್ದಿದ್ದರು. ಕಾಮನ್ವೆಲ್ತ್ ಗೇಮ್ಸ್ನಲ್ಲೂ ಅವರು 1 ಚಿನ್ನ, 2 ಬೆಳ್ಳಿ, 1 ಕಂಚು ಜಯಿಸಿದ್ದಾರೆ. ಏಷ್ಯಾಡ್ನಲ್ಲಿ ಇನ್ನು ಅವರು ಮಿಶ್ರ ಡಬಲ್ಸ್ ವಿಭಾಗದಲ್ಲೂ ಸ್ಪರ್ಧಿಸಲಿದ್ದಾರೆ.
29 ವರ್ಷದ ಆರತಿ ಈ ಹಿಂದೆಯೂ ಅಂತಾರಾಷ್ಟ್ರೀಯ ಸ್ಕೇಟಿಂಗ್ನಲ್ಲಿ ಹಲವು ಪದಕ ಗೆದ್ದಿದ್ದು, ವೃತ್ತಿಯಲ್ಲಿ ವೈದ್ಯೆ ಕೂಡ ಆಗಿದ್ದಾರೆ. ಕಳೆದ ಮೇನಲ್ಲಿ ಸ್ಕೇಟಿಂಗ್ ವೇಳೆ ಬಿದ್ದು, 20 ಗಾಯಗಳಿಗೆ 26 ಸ್ಟಿಚ್ ಹಾಕಿಸಿಕೊಂಡಿದ್ದ ಆರತಿ, ವೈದ್ಯೆಯಾಗಿರುವ ತಾಯಿಯ ಆರೈಕೆಯಿಂದ ಬೇಗನೆ ಚೇತರಿಸಿಕೊಂಡು ಏಷ್ಯಾಡ್ಗೆ ಸಿದ್ಧಗೊಂಡಿದ್ದರು. 32 ವರ್ಷದ ಸಂದೀಪ್ ವಾರಿಯರ್ ದೇಶೀಯ ಕ್ರಿಕೆಟ್ನಲ್ಲಿ ಕೇರಳ-ತಮಿಳುನಾಡು ಮತ್ತು ಐಪಿಎಲ್ನಲ್ಲಿ ಆರ್ಸಿಬಿ, ಕೆಕೆಆರ್ ತಂಡಗಳ ಪರ ಆಡಿದ್ದಾರೆ.
VIDEO: ಇಶ್ ಸೋಧಿ ರನೌಟ್ ಮಾಡಿ ವಾಪಸ್ ಕರೆದ ಬಾಂಗ್ಲಾ; ಹೃದಯ ಗೆದ್ದ ಕ್ರೀಡಾಸ್ಫೂರ್ತಿ!