ಲಖನೌ: ಪ್ರೀತಿಸಿದ್ದ ಯುವತಿಯನ್ನು ಬರೋಬ್ಬರಿ 21 ವರ್ಷಗಳ ಕಾಲ ಪೀಡಿಸಿ, ಕೊನೆಗೂ ಕೊಲೆ ಮಾಡಿರುವ ಘಟನೆ ಉತ್ತರ ಪ್ರದೇಶದ ಫಿಲಿಭಿತ್ನಲ್ಲಿ ನಡೆದಿದೆ. ಮಹಿಳೆ ಮೃತಳಾಗಿ 9 ತಿಂಗಳ ನಂತರ ಆಕೆಯ ನೋವಿನ ಕಥೆ ಹೊರಬಿದ್ದಿದೆ.
ಇದನ್ನೂ ಓದಿ: ಲಗ್ನ ಪತ್ರಿಕೆ ಜತೆ ವೈನ್ ಬಾಟೆಲ್, ಸ್ನಾಕ್ಸ್ ಫ್ರೀ! ಮದುವೆ ಬೇಡ ಲಗ್ನ ಪತ್ರಿಕೆ ಬೇಕೆಂದ ಜನರು!
21 ವರ್ಷಗಳ ಹಿಂದೆ 21 ವರ್ಷದ ಯೌವನದಲ್ಲಿದ್ದ ಯುವತಿ ಕಾಲೇಜೊಂದರಲ್ಲಿ ವ್ಯಾಸಂಗ ಮಾಡುತ್ತಿದ್ದಳು. ಆಗ ಆಕೆಗೆ ಕಾಲೇಜಿನ ಕ್ಲರ್ಕ್ ರಮೇಶ್ ಸಿಂಗ್ ಜತೆ ಪ್ರೀತಿ ಹುಟ್ಟಿದೆ. ಇಬ್ಬರು ಕೆಲ ಕಾಲ ಪ್ರೀತಿಯ ಬದುಕನ್ನು ನಡೆಸಿದ್ದಾರೆ. ಕೆಲವೇ ತಿಂಗಳುಗಳಲ್ಲಿ ಯುವತಿಗೆ ರಮೇಶ್ನ ನಿಜ ಬಣ್ಣ ಗೊತ್ತಾಗಿದೆ. ಯುವತಿಯ ಖಾಸಗಿ ಕ್ಷಣಗಳ ಫೋಟೋಗಳನ್ನು ತೆಗೆದುಕೊಂಡು ರಮೇಶ್ ಅದನ್ನೇ ಇಟ್ಟುಕೊಂಡು ಬ್ಲಾಕ್ಮೇಲ್ ಮಾಡಲಾರಂಭಿಸಿದ್ದಾನೆ. ನಂತರ ಯುವತಿ ಆತನೊಂದಿಗೆ ಸಂಪರ್ಕ ಮುರಿಯುವ ಪ್ರಯತ್ನ ಮಾಡಿದ್ದಾಳಾದರೂ ಅದು ಸಾಧ್ಯವಾಗಿಲ್ಲ.
ಕೆಲ ವರ್ಷಗಳಲ್ಲಿ ಯುವತಿಗೆ ಮದುವೆ ಮಾಡಲಾಗಿದೆ. ಆದರೆ ಬೆನ್ನು ಬಿಡದ ರಮೇಶ್, ಯುವತಿಯ ಫೋಟೋಗಳನ್ನು ಆಕೆಯ ಗಂಡನಿಗೆ ತೋರಿಸಿ, ಅವರಿಬಬ್ಬರ ವಿಚ್ಛೇದನವಾಗುವಂತೆ ಮಾಡಿದ್ದಾನೆ. ಅದಾದ ನಂತರ ಯುವತಿ ಮತ್ತೆ ತನ್ನ ತಾಯಿ ಮನೆಯಲ್ಲೇ ಜೀವನ ಮುಂದುವರಿಸಿದ್ದಾಳೆ.
ಇದನ್ನೂ ಓದಿ: ಶಾಲೆಯ ಟಾಯ್ಲೆಟ್ನಲ್ಲೇ ಪಾರ್ಟಿ ಆಯೋಜಿಸಿದ ಬಾಲಕ! ವಿಚಾರ ತಿಳಿದ ಅಮ್ಮ ನಕ್ಕಿದ್ದೇಕೆ?
ಈ ಮಧ್ಯೆ ಆಕೆಯ ತಂದೆ ತೀರಿಕೊಂಡಿದ್ದಾರೆ. ಅದನ್ನೇ ದುರುಪಯೋಗ ಮಾಡಿಕೊಂಡ ರಮೇಶ್, ಸಂತ್ರಸ್ತೆಯ ಮನೆಗೇ ಬಂದು ಆಕೆಯ ಮೇಲೆ ಅತ್ಯಾಚಾರವೆಸಗಲಾರಂಭಿಸಿದ್ದಾನೆ. ತಾನೊಬ್ಬನೇ ಅಲ್ಲದೆ, ಸ್ನೇಹಿತರನ್ನೂ ಕರೆದುಕೊಂಡು ಬಂದು ಅತ್ಯಾಚಾರ ಮಾಡಲು ಆರಂಭಿಸಿದ್ದಾನೆ. ಒಂಬತ್ತು ತಿಂಗಳ ಹಿಂದೆ ಸಂತ್ರಸ್ತೆಯ ತಾಯಿ ಮನೆಯಲ್ಲಿಲ್ಲದ ಸಮಯ ನೋಡಿ ಬಂದ ರಮೇಶ್, ಆಕೆಯನ್ನು ಕೊಲೆ ಮಾಡಿ ಪರಾರಿಯಾಗಿದ್ದಾನೆ. ಕೊಲೆಯಾಗಿ 9 ತಿಂಗಳ ನಂತರ ಆಕೆಯ ತಾಯಿ ಸತ್ಯವನ್ನು ಬಾಯಿ ಬಿಟ್ಟಿದ್ದಾರೆ. ತನ್ನ ಮಗಳು ಜೀವನಪೂರ್ತಿ ಅನುಭವಿಸಿದ ನೋವಿನ ಕಥೆಯನ್ನು ಜನರ ಮುಂದೆ ತೆರೆದಿಟ್ಟಿದ್ದಾರೆ. ಇದೀಗ ರಮೇಶ್ ಮತ್ತು ಆತನ ಇಬ್ಬರು ಸ್ನೇಹಿತರ ವಿರುದ್ಧ ಪ್ರಕರಣ ದಾಖಲಾಗಿದೆ. (ಏಜೆನ್ಸೀಸ್)
ಪೊಲೀಸ್ ಪೇದೆ ಮತ್ತು ಹೆಂಡತಿಯ ಕೊಲೆ! ಅಪ್ಪ ಅಮ್ಮ ಚೀರಿಕೊಳ್ಳುತ್ತಿದ್ದರೆ ಏನೂ ಗೊತ್ತಿಲ್ಲದವಳಂತೆ ಸುತ್ತಾಡಿದ ಮಗಳು!
ಹಸೆಮಣೆ ಏರಬೇಕಾದವಳು ಆಸ್ಪತ್ರೆ ಸೇರಿದಳು! ಆಸ್ಪತ್ರೆಯ ಹಾಸಿಗೆಯಲ್ಲೇ ನಡೆಯಿತು ಮದುವೆ!