ನವದೆಹಲಿ: ಉತ್ತಮ ಸಂಬಳದ ಕೆಲಸಕ್ಕಾಗಿ ಒಮಾನ್ಗೆ ತೆರಳಿದ ನಂತರ ಡಿಸೆಂಬರ್ 2022 ರಿಂದ ಒಮಾನ್‌ನಲ್ಲಿ ಸಿಲುಕಿಕೊಂಡಿದ್ದ ಪಂಜಾಬ್‌ನ ಮಹಿಳೆಯೊಬ್ಬರು ಅಲ್ಲಿನ ಟ್ರಾವೆಲ್ ಏಜೆಂಟ್-ಕಮ್-ಟ್ರಾಫಿಕರ್‌ನಿಂದ ಸಿಕ್ಕಿಬಿದ್ದಿದ್ದರು. ಅಂತಿಮವಾಗಿ ಅವರು ಅಲ್ಲಿಂದ ಪಾರಾಗಿ ಮಂಗಳವಾರ ಭಾರತಕ್ಕೆ ಬಂದಿಳಿದರು. ಈ ಸಂದರ್ಭ ರಾಜ್ಯಸಭಾ ಸದಸ್ಯ ಸಂತ ಬಲ್ಬೀರ್ ಸಿಂಗ್ ಸೀಚೆವಾಲ್ ಮಾಡಿದ ಪ್ರಯತ್ನಗಳಿಗೆ ಧನ್ಯವಾದ ತಿಳಿಸಿದರು.
ದೆಹಲಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸೀಚೆವಾಲ್ ಅವರನ್ನು ಸ್ವೀಕರಿಸಿದ ನಲವತ್ತೊಂದು ವರ್ಷದ ಸ್ವರಂಜಿತ್ ಕೌರ್, ತನ್ನ ಏಜೆಂಟರಿಂದ ತಾನು ಓಮನ್‌ನಲ್ಲಿ 80,000 ರೂ.ಗೆ ಮಾರಾಟವಾಗಿದ್ದೆ ಎಂದು ತಿಳಿಸಿದರು. ಒಮಾನ್‌ನಲ್ಲಿ ತನ್ನಂತಹ ಹಲವಾರು ಅಸಹಾಯಕ ಮಹಿಳೆಯರು ಇನ್ನೂ ಅಲ್ಲಿ ಸಿಲುಕಿಕೊಂಡಿದ್ದಾರೆ ಎಂದು ಅವರು ಹೇಳಿದರು.
ಕೌರ್ ಅವರ ಪತಿ, ಕುಲದೀಪ್ ಸಿಂಗ್ ಎನ್ನುವ ಟ್ರಾವೆಲ್ ಏಜೆಂಟ್ ತನ್ನ ಪತ್ನಿಗೆ ದುಬೈನಲ್ಲಿ ಮನೆಕೆಲಸ ನೀಡುವ ನೆಪದಲ್ಲಿ ಮಸ್ಕತ್‌ಗೆ ಕರೆದೊಯ್ದಿದ್ದಾನೆ ಎಂದು ಹೇಳಿದರು. ಮನೆಯಲ್ಲಿ ಹಣಕಾಸಿನ ತೊಂದರೆಯಿಂದ ಮೂರು ತಿಂಗಳ ಹಿಂದೆ ಮಸ್ಕತ್‌ಗೆ ಹೋಗಿದ್ದೆ ಎಂದು ಕೌರ್ ಹೇಳಿದ್ದಾರೆ. ಅವರಿಗೆ ನಾಲ್ವರು ಪುತ್ರಿಯರು ಮತ್ತು ಒಬ್ಬ ಪುತ್ರ ಇದ್ದಾರೆ. ತನ್ನ ಪತಿ ದಿನಗೂಲಿ ಎಂದು ಹೇಳಿದಳು.
ಇದನ್ನೂ ಓದಿ: 30 ಲಕ್ಷ ರೂ. ಸಂಬಳದ ಕೆಲಸ ಬಿಟ್ಟು ಸಮೋಸಾ ಮಾರಾಟ ಮಾಡಿದ ದಂಪತಿ; ವಾರ್ಷಿಕ 45 ಕೋಟಿ ರೂ. ಗಳಿಸ್ತಿದಾರೆ!
“ಏಜೆಂಟ್ ನನ್ನನ್ನು ಮನೆಯ ಸೇವಕಿಯಾಗಿ ಮಾರಾಟ ಮಾಡಿದ ನಂತರ, ನನ್ನ ಮೇಲೆ ಹಲವಾರು ಗಂಟೆಗಳ ಕಾಲ ಮನೆಯ ಕೆಲಸವನ್ನು ಮಾಡುವಂತೆ ಒತ್ತಾಯಿಸಲಾಯಿತು. ಇದರ ಪರಿಣಾಮವಾಗಿ, ನಾನು ಅನಾರೋಗ್ಯಕ್ಕೆ ಒಳಗಾಗಿ ಪಂಜಾಬ್ಗೆ ಮರಳಲು ಬಯಸಿದ್ದೆ. ಆದರೆ ಟ್ರಾವೆಲ್ ಏಜೆಂಟ್ ನನ್ನ ದಾರಿಗೆ ಅಡ್ಡ ಬಂದ. ಅದಲ್ಲದೆ, ರಿಟರ್ನ್ ಟಿಕೆಟ್‌ಗೆ ಪಾವತಿಸಲು ನನ್ನ ಬಳಿ ಹಣವಿರಲಿಲ್ಲ” ಎಂದ ಕೌರ್, ಹೇಗೋ ಒಂದು ದಾರಿಯಲ್ಲಿ ಭಾರತೀಯ ರಾಯಭಾರ ಕಚೇರಿಯನ್ನು ತಲುಪುವಲ್ಲಿ ಯಶಸ್ವಿಯಾದರು ಎಂದು ಹೇಳಿದರು. ಸೀಚೆವಾಲ್ ಅವರನ್ನು ಚಂಡೀಗಢ ಮೂಲದ ವಕೀಲ ಗುರ್ಬೇಜ್ ಸಿಂಗ್ ಅವರ ಪತಿ ಸಂಪರ್ಕಿಸಿದ್ದಾರೆ .
ಸೀಚೆವಾಲ್ ಅವರು ಈ ವಿಷಯವನ್ನು ಕುರಿತು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದೊಂದಿಗೆ (MEA) ಮಾತುಕತೆ ನಡೆಸಿದರು. ಮಸ್ಕತ್‌ನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಯ ಸಿಬ್ಬಂದಿಯ ವೃತ್ತಿಪರವಲ್ಲದ ವರ್ತನೆಯನ್ನು ಉಲ್ಲೇಖಿಸಿ ಅವರು MEA ಗೆ ಪತ್ರ ಬರೆದಿದ್ದಾರೆ.
ಸೀಚೆವಾಲ್ ಅವರು ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಅವರೊಂದಿಗೆ ವಿಷಯವನ್ನು ಪ್ರಸ್ತಾಪಿಸಿದಾಗ, ಅವರು ತಕ್ಷಣವೇ ಅದರ ಬಗ್ಗೆ ಕ್ರಮ ಕೈಗೊಂಡು ಸ್ವರಂಜಿತ್ ಕೌರ್ ಅವರನ್ನು ಕರೆತರಲು ವ್ಯವಸ್ಥೆ ಮಾಡಿದರು.
ಇದನ್ನೂ ಓದಿ: ಭಾರತೀಯ ನೌಕಾಪಡೆಗೆ ಸೇರಿದ್ರು ಮೊಟ್ಟಮೊದಲ ಬ್ಯಾಚ್ನ ಮಹಿಳಾ ನಾವಿಕರು!
ಪಂಜಾಬ್‌ನ ಬಡ ಕುಟುಂಬಗಳು ಅರಬ್ ದೇಶಗಳಲ್ಲಿ ತಮ್ಮ ಕಳಪೆ ಆರ್ಥಿಕ ಪರಿಸ್ಥಿತಿಗಳ ಅನಗತ್ಯ ಲಾಭವನ್ನು ಪಡೆಯುವ ಮೂಲಕ ವಂಚನೆಗೊಳಗಾಗುತ್ತವೆ ಎಂದು ಸೀಚೆವಾಲ್ ಹೇಳಿದರು. ಹೆಚ್ಚಿನ ಸಂಬಳದ ಉದ್ಯೋಗದ ಆಮಿಷವೊಡ್ಡುವ ಮೂಲಕ ಈ ಕುಟುಂಬಗಳನ್ನು ಬಳಸಿಕೊಳ್ಳಲಾಗುತ್ತದೆ. ಅರಬ್ ದೇಶಗಳಿಗೆ ತೆರಳುವ ಮುನ್ನ ಪಂಜಾಬ್ ಜನತೆ ಜಾಗೃತರಾಗಿ ಅಲ್ಲಿನ ಎಲ್ಲಾ ಸ್ಥಿತಿಗತಿಗಳ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳುವಂತೆ ಮನವಿ ಮಾಡಿದ್ದಾರೆ. ಮಾನ್ಯವಾದ ಪರವಾನಗಿ ಇಲ್ಲದೆ ಅಕ್ರಮ ವಲಸೆಯ ವ್ಯವಹಾರವನ್ನು ನಡೆಸುತ್ತಿರುವ ಟ್ರಾವೆಲ್ ಏಜೆಂಟ್‌ಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಪಂಜಾಬ್ ಸರ್ಕಾರಕ್ಕೆ ಆರ್ಎಸ್ ಸದಸ್ಯರು ಮನವಿ ಮಾಡಿದರು.
ಟ್ರಾವೆಲ್ ಏಜೆಂಟ್‌ಗಳು ನೀಡಿದ ಸುಳ್ಳು ಭರವಸೆಗಳಿಂದಾಗಿ ಜಲಂಧರ್ , ಹೋಶಿಯಾರ್‌ಪುರ ಮತ್ತು ಅಮೃತಸರ ಸೇರಿದಂತೆ ಪಂಜಾಬ್‌ನ ಅನೇಕ ಹುಡುಗಿಯರು ಒಮಾನ್‌ನ ವಿವಿಧ ನಗರಗಳಲ್ಲಿ ನರಕಯಾತನೆಯ ಜೀವನವನ್ನು ನಡೆಸುತ್ತಿದ್ದಾರೆ ಎಂದು ಸ್ವರಂಜಿತ್ ಕೌರ್ ತಿಳಿಸಿದರು . ತನ್ನಂತೆಯೇ, ಹಿಂದಿರುಗುವ ವಿಮಾನದಲ್ಲಿ ಸುಮಾರು 12 ಭಾರತೀಯ ಹುಡುಗಿಯರು ಸುರಕ್ಷಿತವಾಗಿ ಮನೆಗೆ ಮರಳಿದರು ಎಂದು ಅವರು ಹೇಳಿದರು.(ಏಜೆನ್ಸೀಸ್)