ಮುಂಬೈ: ಯಾವಾಗ ಶುರುವಾಯಿತೋ, ಎಲ್ಲಿಂದ ಶುರುವಾಯಿತೋ ಗೊತ್ತಿಲ್ಲ. ಒಟ್ಟಿನಲ್ಲಿ ಅಕ್ಷಯ್ ಕುಮಾರ್ ಅಭಿನಯದ ಎರಡು ಚಿತ್ರಗಳು ಒಂದೇ ದಿನ ಬಿಡುಗಡೆಯಾಗಲಿದೆ ಎಂಬ ಸುದ್ದಿಯೊಂದು ಎಲ್ಲೆಡೆ ಹರಡಿ, ಕೊನೆಗೆ ಅಕ್ಷಯ್ ಇದಕ್ಕೆ ಉತ್ತರ ಕೊಡುವಂತಾಗಿದೆ.
ಇದನ್ನೂ ಓದಿ: ಅಮೃತಮತಿಗೆ ಮತ್ತೊಂದು ಗರಿ; ಸನ್ ಅಂತಾರಾಷ್ಟ್ರೀಯ ಚಿತ್ರೋತ್ಸವಕ್ಕೆ ಆಯ್ಕೆ
ಅಕ್ಷಯ್ ಕುಮಾರ್ ಅಭಿನಯದ ‘ಸೂರ್ಯವಂಶಿ’ ಮತ್ತು ‘ಬೆಲ್ ಬಾಟಂ’ ಚಿತ್ರಗಳು ಬಿಡುಗಡೆಗೆ ಸಿದ್ಧವಿದೆ. ಈ ಪೈಕಿ, ‘ಸೂರ್ಯವಂಶಿ’ ಚಿತ್ರವು ಕಳೆದ ವರ್ಷ ಮಾರ್ಚ್ನಲ್ಲಿ ಬಿಡುಗಡೆಯಾಗಬೇಕಿತ್ತು. ಲಾಕ್ಡೌನ್ನಿಂದ ವಿಳಂಬವಾಗಿ ಈ ವರ್ಷ ಅಂತಾಯಿತು. ಲಾಕ್ಡೌನ್ ಇಲ್ಲದಿದ್ದರೆ ಇಷ್ಟರಲ್ಲಿ ಚಿತ್ರ ಬಿಡುಗಡೆಯಾಗಿರುತ್ತಿತ್ತೋ ಏನೋ?
ಇನ್ನು ‘ಬೆಲ್ ಬಾಟಂ’ ಚಿತ್ರವು ಶುರುವಾಗಿದ್ದೇ ಕಳೆದ ಆಗಸ್ಟ್ನಲ್ಲಿ. ಸ್ಕಾಟ್ಲ್ಯಾಂಡ್ನಲ್ಲಿ ಒಂದೇ ಹಂತದ 50 ದಿನಗಳ ಚಿತ್ರೀಕರಣ ಮುಗಿಸಿದ ಈ ಚಿತ್ರತಂಡ, ಈ ವರ್ಷ ಏಪ್ರಿಲ್ನಲ್ಲಿ ಚಿತ್ರವನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿತ್ತು. ಲಾಕ್ಡೌನ್ನಿಂದ ಆ ಚಿತ್ರದ ಬಿಡುಗಡೆಯೂ ಮುಂದಕ್ಕೆ ಹೋಯಿತು. ಇದೀಗ ಆ ಎರಡೂ ಚಿತ್ರಗಳು ಆಗಸ್ಟ್ 15ಕ್ಕೆ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ರಶ್ಮಿಕಾನಾ… ಆಲಿಯಾನಾ?; ಯಾರಾಗ್ತಾರೆ ರಾಮ್ಚರಣ್ ಚಿತ್ರದ ನಾಯಕಿ..!
ಆದರೆ, ಈ ಸುದ್ದಿಯನ್ನು ಅಕ್ಷಯ್ ನಿರಾಕರಿಸಿದ್ದಾರೆ. ಎರಡೂ ಚಿತ್ರಗಳ ಬಿಡುಗಡೆಯ ದಿನಾಂಕ ಇನ್ನಷ್ಟೇ ಫಿಕ್ಸ್ ಆಗಬೇಕಿದ್ದು, ಪರಿಸ್ಥಿತಿ ನೋಡಿಕೊಂಡು ಚಿತ್ರದ ನಿರ್ಮಾಪಕರು ಅಧಿಕೃತವಾಗಿ ಘೋಷಿಸಲಿದ್ದಾರೆ ಎಂದು ಹೇಳಿದ್ದಾರೆ.
ಖಾನ್ಗಳ ತರಹ ಸೂಪರ್ಸ್ಟಾರ್ ಆಗದಿದ್ದೇ ಓಳ್ಳೆಯದಾಯ್ತು ಅಂತ ಸೈಫ್ ಹೇಳಿದ್ದೇಕೆ?