ಲಂಡನ್: ಪ್ರೀತಿಸಿ ಮದುವೆಯಾಗಿ ಗಂಡನೊಂದಿಗೆ ಹನಿಮೂನ್ಗೆ ತೆರಳಿದ್ದ ಯುವತಿಗೆ ತನ್ನ ಪತಿ ಗಂಡಸಲ್ಲ ಬದಲಾಗಿ ಟ್ರಾನ್ಸ್ಜೆಂಡರ್ ಎನ್ನುವ ವಿಚಾರ ತಿಳಿದುಬಂದಿರುವ ಘಟನೆ ಬ್ರಿಟನ್ನಲ್ಲಿ ನಡೆದಿದೆ. ಇದೀಗ ಆ ಯುವತಿ ತನ್ನ ಗಂಡನ ಸ್ತ್ರೀ ರೂಪವನ್ನು ಮತ್ತೊಮ್ಮೆ ಮದುವೆಯಾಗಲು ಸಿದ್ಧಳಾಗಿರುವುದಾಗಿ ಹೇಳಲಾಗಿದೆ.
ಬ್ರಿಟನ್ನ ಜೆಕ್(33) ಅಮೆರಿಕದ ಹಾರ್ವಿ (30) ಜತೆ 2007ರಲ್ಲಿ ಪರಿಚಯ ಮಾಡಿಕೊಂಡಿದ್ದ. 2010ರಿಂದ ಪ್ರೀತಿಯಲ್ಲಿದ್ದ ಜೋಡಿ 2018ರಲ್ಲಿ ಮದುವೆಯಾಗಿತ್ತು. ಮದುವೆಯಾಗಿ ಮೂರು ತಿಂಗಳ ನಂತರ ಈ ಜೋಡಿ ಬ್ರಿಟನ್ನ ದ್ವೀಪವೊಂದಕ್ಕೆ ಹನಿಮೂನ್ಗೆಂದು ಹೋಗಿತ್ತು. ಆಗ ಜೆಕ್ ಸಂಪೂರ್ಣ ಪುರುಷನಲ್ಲ ಎನ್ನುವ ವಿಚಾರ ಹಾರ್ವಿಗೆ ತಿಳಿದುಬಂದಿದೆ. ತನ್ನ ದೇಹದಲ್ಲಿ ಸಾಕಷ್ಟು ಬದಲಾವಣೆಗಳು ಆಗುತ್ತಿರುವುದಾಗಿ ಜೆಕ್ ಹೇಳಿಕೊಂಡಿದ್ದಾನೆ.
ಗಂಡನ ವಿಚಾರ ತಿಳಿದ ನಂತರ ಬೇಸರ ಮಾಡಿಕೊಳ್ಳದ ಹಾರ್ವಿ ಆತನಿಗೆ ಶಸ್ತ್ರಚಿಕಿತ್ಸೆ ಮಾಡಿಸಲು ನಿರ್ಧರಿಸಿದ್ದಾಳೆ. ತಾನು ದುಡಿದು ಉಳಿಸಿದ್ದ 45 ಸಾವಿರ ಪೌಂಡ್ ಖರ್ಚು ಮಾಡಿ ಶಸ್ತ್ರಚಿಕಿತ್ಸೆ ಮಾಡಿಸಿದ್ದಾಳೆ. ನಂತರ ಅವಳಾಗಿ ಬದಲಾದ ಆತನಿಗೆ ರಾಯನಾ ಎಂದು ಹೆಸರಿಟ್ಟಿದ್ದಾಳೆ. ಆಕೆಗೆ ಮೇಕಪ್ ಮಾಡುವುದು, ಡ್ರೆಸ್ ತೊಡಿಸುವುದು ಹೀಗೆ ಸಂತೋಷದಿಂದ ಜೀವನ ಕಳೆಯಲಾರಂಭಿಸಿದ್ದಾರೆ. ಇದೀಗ ಹಾರ್ವಿ ರಾಯನಾ ಜತೆ ಮದುವೆ ಆಗುವ ನಿರ್ಧಾರ ಮಾಡಿದ್ದಾಗಿ ಹೇಳಿಕೊಂಡಿದ್ದಾಳೆ. ಈ ದಂಪತಿಯ ಸ್ಟೋರಿ ಸಾಮಾಜಿಕ ಜಾಲತಾಣಗಳಲ್ಲಿ ಸಕತ್ ವೈರಲ್ ಆಗಿದೆ. (ಏಜೆನ್ಸೀಸ್)
ಪ್ರೀತ್ಸಲ್ಲ ಎಂದಿದ್ದಕ್ಕೆ ಚಾಕು ಚುಚ್ಚಿದ ಪಾಪಿ! ಯುವತಿಯ ಅಪ್ಪನ ಅಂಗಡಿಗೂ ಬಿತ್ತು ಬೆಂಕಿ!