ಅಮೆರಿಕದ ಶ್ವೇತಭವನದಲ್ಲಿ ಸಿಕ್ಕ ಬಿಳಿ ಪೌಡರ್​ ಡ್ರಗ್ಸ್ ಎಂದು ದೃಢ!

ವಾಶಿಂಗ್ಟನ್ ಡಿಸಿ: ವಾರಾಂತ್ಯದಲ್ಲಿ ಶ್ವೇತಭವನದಲ್ಲಿ ಕಂಡುಬಂದ ಅನುಮಾನಾಸ್ಪದ ಬಿಳಿ-ಬಣ್ಣದ ವಸ್ತುವನ್ನು ಕೊಕೇನ್ ಎಂದು ಗುರುತಿಸಲಾಗಿದೆ. ಈ ಕುರಿತಾಗಿ ಅಮೆರಿಕದ ಮಾಧ್ಯಮಗಳನ್ನು ಉಲ್ಲೇಖಿಸಿ ಅಲ್ ಜಜೀರಾ ವರದಿ ಮಾಡಿದೆ.

ಅಮೆರಿಕದ ಸ್ಥಳೀಯ ಸಮಯ ರಾತ್ರಿ 8:45ರ ಸುಮಾರಿಗೆ ವೆಸ್ಟ್ ವಿಂಗ್‌ನ ಸಾರ್ವಜನಿಕವಾಗಿ ಪ್ರವೇಶಿಸಬಹುದಾದ ಪ್ರದೇಶದಲ್ಲಿ ರಹಸ್ಯ ಸೇವಾ ಏಜೆಂಟ್‌ಗಳು ಈ ಪುಡಿಯನ್ನು ಪತ್ತೆಹಚ್ಚಿದ್ದರು. ಅನುಮಾನಾಸ್ಪದ ವಸ್ತು ಸಿಕ್ಕ ಹಿನ್ನೆಲೆಯಲ್ಲಿ ಸ್ವಲ್ಪ ಸಮಯದವರೆಗೆ ಸಂಕೀರ್ಣವನ್ನು ಖಾಲಿ ಮಾಡಲಾಗಿತ್ತು.

ಇದನ್ನೂ ಓದಿ: ಕರೊನಾ ಗುಣಮುಖ: ಟ್ರಂಪ್ ಡಿಸ್​ಚಾರ್ಜ್​- ಶ್ವೇತಭವನಕ್ಕೆ ಕಾಲಿಡುತ್ತಲೇ ಮಾಡಿದ್ದು ಹುಬ್ಬೇರಿಸುವ ಕೆಲಸ!

ಘಟನೆ ನಡೆದ ಸಮಯದಲ್ಲಿ ಅಧ್ಯಕ್ಷ ಜೋ ಬಿಡೆನ್ ವೀಕೆಂಡ್​ ಕ್ಯಾಂಪ್ ಡೇವಿಡ್​ ಎಂಬಲ್ಲಿ ಕಳೆಯುತ್ತಿದ್ದರು. ಅಗ್ನಿಶಾಮಕ ಮತ್ತು ತುರ್ತು ಸೇವೆಯ ಸಿಬ್ಬಂದಿ ಬಿಳಿ ಪುಡಿಯ ಮೇಲೆ ತ್ವರಿತ ಪರೀಕ್ಷೆ ನಡೆಸಲು ಆಗಮಿಸಿದರು. ಈ ಪ್ರಾಥಮಿಕ ಪರೀಕ್ಷೆಗಳಲ್ಲಿ ಪುಡಿ ಕೊಕೇನ್ ಎಂದು ತಿಳಿದುಬಂದಿದೆ. ಶೀಘ್ರದಲ್ಲೇ, ಶ್ವೇತಭವನವನ್ನು ಪುನಃ ಸಾರ್ವಜನಿಕರಿಗಾಗಿ ತೆರೆಯಲಾಯಿತು. ಪುಡಿಯನ್ನು ಹೆಚ್ಚಿನ ಪರೀಕ್ಷೆಗಾಗಿ ಕಳುಹಿಸಲಾಯಿತು.

ಆದಾಗ್ಯೂ, ಸರ್ಕಾರಿ ಮೂಲಗಳನ್ನು ಉಲ್ಲೇಖಿಸಿ ಹಲವು ಮಾಧ್ಯಮಗಳು ಈ ಔಷಧವನ್ನು ಗುರುತಿಸಿವೆ. ವಾಷಿಂಗ್ಟನ್ ಪೋಸ್ಟ್ "DC ಇಲಾಖೆಯ ಅಪಾಯಕಾರಿ ವಸ್ತುಗಳ ತಂಡದೊಂದಿಗೆ ಅಗ್ನಿ ಶಾಮಕ ದಳದವರು ಪರೀಕ್ಷಿಸಿದ ಪುಡಿಯ ಫಲಿತಾಂಶಗಳನ್ನು ರೇಡಿಯೋ ಮೂಲಕ ತಿಳಿಸಿದರು" ಎಂದು ವರದಿ ಮಾಡಿದೆ.

ಇದನ್ನೂ ಓದಿ: ಟ್ರಂಪ್​ ಹೆಸರಲ್ಲಿ ಬಂದ ಪತ್ರದಲ್ಲಿ ಪ್ರಾಣಘಾತಕ ವಿಷ: ಕಳಿಸಿದ್ಯಾರು? ಆತಂಕದಲ್ಲಿ ಶ್ವೇತಭವನ!

"ನಾವು ಕೊಕೇನ್ ಹೈಡೋಕ್ಲೋರೈಡ್ ಎಂದು ಕರೆಯುವ ಹೇಳುವ ವಸ್ತುವನ್ನು ಹೊಂದಿದ್ದೇವೆ'' ಎಂದು ರೇಡಿಯೋ ರವಾನೆ ಹೇಳಿದೆ. ಕೊಕೇನ್ ವಶಪಡಿಸಿಕೊಂಡ ಪ್ರದೇಶದಲ್ಲಿ ಪ್ರವಾಸಿ ಗುಂಪುಗಳು ನಿಯಮಿತವಾಗಿ ಓಡಾಡುತ್ತಿರುತ್ತವೆ.

ವೆಸ್ಟ್ ವಿಂಗ್ ಶ್ವೇತಭವನದ ಒಂದು ವಿಭಾಗವಾಗಿದ್ದು ಅದು ಅಧ್ಯಕ್ಷರ ನಿವಾಸ, ಕಾರ್ಯನಿರ್ವಾಹಕ ಮಹಲುಗೆ ಸಂಪರ್ಕ ಹೊಂದಿದೆ. ಓವಲ್ ಆಫೀಸ್, ಕ್ಯಾಬಿನೆಟ್ ರೂಮ್ ಮತ್ತು ಪ್ರೆಸ್ ರೂಮ್ ಎಲ್ಲವೂ ಅಲ್ಲಿಯೇ ಇದೆ. ಜತೆಗೆ ಅಧ್ಯಕ್ಷರ ಸಿಬ್ಬಂದಿ ಸದಸ್ಯರ ಕಚೇರಿಗಳು ಮತ್ತು ಕೆಲಸದ ಸ್ಥಳಗಳಿವೆ. ಈ ಪ್ರದೇಶಕ್ಕೆ ಆಗಾಗ ಭೇಟಿ ನೀಡುವ ಅಥವಾ ಕೆಲಸ ಮಾಡುವ ನೂರಾರು ಜನರಿದ್ದಾರೆ. (ಏಜೆನ್ಸೀಸ್)

https://www.vijayavani.net/alcoholics-attack-on-doctor-for-not-giving-discount

https://www.vijayavani.net/only-historic-monument-of-udupi-is-to-demolished-where-kantara-movie-was-shot

https://www.vijayavani.net/transfer-of-malayalam-teacher-to-kannada-school-in-kasaragodu