ಬೆಂಗಳೂರು : ಕರೊನಾ ಸೋಂಕಿನಿಂದ ಗುಣಮುಖರಾಗಿರುವ 75 ವರ್ಷದ ವೃದ್ಧೆಯೊಬ್ಬರು ಲವಲವಿಕೆಯಿಂದ ಆಸ್ಪತ್ರೆಯ ಸಿಬ್ಬಂದಿಯೊಂದಿಗೆ ಒಡನಾಡುತ್ತಿರುವ ವಿಡಿಯೋ ತುಣುಕೊಂದು ಜಾಲತಾಣದಲ್ಲಿ ವೈರಲ್ ಆಗಿದೆ. ಕರೊನಾ ವಿರುದ್ಧ ಆತ್ಮಸ್ಥೈರ್ಯದಿಂದ ಹೋರಾಡುವುದಕ್ಕೆ ಹಲವರಿಗೆ ಈ ಅಜ್ಜಿ ಸ್ಪೂರ್ತಿಯಾಗಿದ್ದಾರೆ.
ಆಕ್ಸಿಜನ್ ಮಟ್ಟ ಕಡಿಮೆಯಾಗಿ ಹೆಬ್ಬಾಳ ಕೋವಿಡ್ ಆರೈಕೆ ಸೆಂಟರ್ ಸೇರಿದ್ದ ವೃದ್ಧೆಯು ಸೋಂಕಿನ ಆತಂಕ ಬಿಟ್ಟು, ಆತ್ಮಸ್ಥೈರ್ಯದಿಂದ ಗುಣಮುಖರಾಗಿದ್ದಾರೆ. ಮನೆಗೆ ಹೋಗಲು ಸಿದ್ಧರಾಗುತ್ತಿರುವಾಗ ಆರೋಗ್ಯ ಸಿಬ್ಬಂದಿಯೊಂದಿಗೆ ಉತ್ಸಾಹದ ಒಡನಾಟ ನಡೆಸಿದ್ದಾರೆ. ಈ ಸಂದರ್ಭದ ವಿಡಿಯೋವನ್ನು ಬೆಂಗಳೂರು ಕೋವಿಡ್ ವಾರ್ ರೂಮ್ನ ನೋಡಲ್ ಅಧಿಕಾರಿ ಡಾ. ಭಾಸ್ಕರ್ ರಾಜಕುಮಾರ್ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ.
Those small moments of happiness is all that matters…
75 year old lady, admitted in hypoxic state, getting discharged in hyperactive state 😊🙏 from our Hebbal CCC @mla_sudhakar @byrathi_anna @BBMPCOMM @BBMPSWMSplComm@BbmpsplHealth #CovidWarriors pic.twitter.com/8Ct2OdHG6p
— Dr Bhaskar Rajakumar (@askbhaskar) May 22, 2021
‘ಹೈಪಾಕ್ಸಿಕ್’ ಸ್ಥಿತಿಯಲ್ಲಿ ಅಡ್ಮಿಟ್ ಆದರು, ‘ಹೈಪರಾಕ್ಟೀವ್’ ಸ್ಥಿತಿಯಲ್ಲಿ ಡಿಸ್ಚಾರ್ಜ್ ಆಗುತ್ತಿದ್ದಾರೆ ಎಂದು ರಾಜ್ಕುಮಾರ್ ಅವರು ಟಿಪ್ಪಣಿ ಬರೆದು ಸಂತೋಷ ವ್ಯಕ್ತಪಡಿಸಿದ್ದಾರೆ. ಈ ತೆರನ ಸಣ್ಣ ಸಣ್ಣ ಸಂತೋಷದ ಕ್ಷಣಗಳೇ ಬದುಕಿನಲ್ಲಿ ಮುಖ್ಯ ಎಂದಿದ್ದಾರೆ. ವೈದ್ಯರು-ದಾದಿಯರು ರೋಗಿಗಳ ಬಗ್ಗೆ ಹೊಂದಿರುವ ಆತ್ಮೀಯತೆಯನ್ನೂ ಈ ವಿಡಿಯೋದಲ್ಲಿ ಕಾಣಬಹುದು.
‘ಅಮ್ಮ ಬಿಟ್ಟು ಹೋದರು… ಅವರ ನೆನಪುಗಳನ್ನು ಉಳಿಸಿಕೊಡಿ’; ಬಾಲಕಿಯ ಈ ಮನವಿ ಕರುಳುಹಿಂಡುವಂಥದ್ದು !
ರಾಜ್ಯದಲ್ಲಿ ಕರೊನಾ ಆರ್ನಾಟ್ ವ್ಯಾಲ್ಯೂ ಇಳಿಕೆ… ಹರಡುವಿಕೆ ಪ್ರಮಾಣ ಕುಸಿತ