ನವದೆಹಲಿ: ವಿಸ್ತಾರ ಏರ್ಲೈನ್ ಸಂಸ್ಥೆಯು ಬೋಯಿಂಗ್ ವಿಮಾನಗಳನ್ನು ಖರೀದಿ ಮಾಡಿದ್ದು ಇಂದು ಮೊದಲ ಬೋಯಿಂಗ್ ವಿಮಾನವು ಸಂಸ್ಥೆಯ ಕೈ ಸೇರಿದೆ.
ಅಮೆರಿಕದ ವಾಷಿಂಗ್ಟನ್ನಲ್ಲಿ ಬೋಯಿಂಗ್ ವಿಮಾನವನ್ನು ವಿಸ್ತಾರಕ್ಕೆ ಹಸ್ತಾಂತರಿಸಲಾಗಿದ್ದು ಅಲ್ಲಿಂದ ಹೊರಡಲಿರುವ ವಿಮಾನವು ನಾಳೆ ಮಧ್ಯಾಹ್ನ 2 ಗಂಟೆಯ ಹೊತ್ತಿಗೆ ದೆಹಲಿಗೆ ಬಂದು ಸೇರಲಿದೆ. VT-TSD ನೋಂದಣಿ ಸಂಖ್ಯೆ ಹೊಂದಿರುವ ಬೋಯಿಂಗ್ 787-9 ವಿಮಾನವು ವಿಸ್ತಾರ ಏರ್ಲೈನ್ನ ಮೊದಲ ಬೋಯಿಂಗ್ ವಿಮಾನವಾಗಿ ಹಾರಾಟವನ್ನು ನಡೆಸಲಿದೆ.
ಬೋಯಿಂಗ್ 787-9 ವಿಮಾನವು ಒಟ್ಟು 299 ಸೀಟುಗಳನ್ನು ಹೊಂದಿದೆ. ಬಿಸಿನೆಸ್, ಎಕಾನಮಿ ಮತ್ತು ಪ್ರೀಮಿಯಂ ಎಕಾನೆಮಿ ಹೆಸರಿನ ಮೂರು ಕ್ಲಾಸ್ಗಳನ್ನು ಮಾಡಲಾಗಿದೆ. ಪ್ರತಿ ಆಸನದಲ್ಲಿಯೂ ಪ್ಯಾನಸೋನಿಕ್ ಅವರ ಎಚ್ಡಿ ಡಿಸ್ಪ್ಲೇಗಳನ್ನಿಡಲಾಗಿದ್ದು ವೈ-ಫೈ ಸೌಲಭ್ಯ ನೀಡಲಾಗಿದೆ. ಈ ವಿಮಾನವು ವಿಸ್ತಾರ ಏರ್ಲೈನ ಮೊದಲ ವೈ-ಫೈ ಸೇವೆ ಹೊಂದಿರುವ ವಿಮಾನವಾಗಿಯೂ ಗುರುತಿಸಿಕೊಳ್ಳಲಿದೆ.
ಒಟ್ಟು ಆರು ಬೋಯಿಂಗ್ ವಿಮಾನಗಳನ್ನು ವಿಸ್ತಾರ ಏರ್ಲೈನ್ ಖರೀದಿಸಿದೆ. ಆ ಪೈಕಿ ಮೊದಲ ವಿಮಾನ ಇದೀಗ ಸಂಸ್ಥೆಯ ಕೈ ಸೇರಿದ್ದು, ಎರಡನೆಯ ವಿಮಾನ ನಿರ್ಮಾಣ ಹಂತದಲ್ಲಿದೆ. (ಏಜೆನ್ಸೀಸ್)