ಬೆಂಗಳೂರು: ‘ಕೆಜಿಎಫ್’ ಚಿತ್ರದ ತಮಿಳು ಅವತರಣಿಕೆಯ ಟ್ರೇಲರ್ ಬಿಡುಗಡೆ ಮಾಡುವುದರ ಜತೆಗೆ, ಚಿತ್ರವನ್ನು ತಮಿಳುನಾಡಿನಾದ್ಯಂತ ಬಿಡುಗಡೆ ಮಾಡಿದ್ದರು ನಟ ವಿಶಾಲ್.ಇದೀಗ ವಿಶಾಲ್ ನಾಯಕತ್ವದ ‘ಚಕ್ರ’ ಸಿನಿಮಾದ ಕನ್ನಡ ಅವತರಣಿಕೆಯ ಟ್ರೇಲರ್ಅನ್ನು ಯಶ್ ಶನಿವಾರ ತಮ್ಮ ಟ್ವಿಟರ್ ಖಾತೆಯಲ್ಲಿ ಲಿಂಕ್ ಶೇರ್ ಮಾಡಿ ರಿಲೀಸ್ ಮಾಡಿದ್ದಾರೆ.
ಸೈಬರ್ ಕ್ರೈಂ ಕಥಾಹಂದರ ಹೊಂದಿರುವ ಈ ಸಿನಿಮಾದಲ್ಲಿ ವಿಶಾಲ್ ಆರ್ವಿು ಆಫೀಸರ್ ಆಗಿ ಕಾಣಿಸಿಕೊಂಡರೆ, ಶ್ರದ್ಧಾ ಶ್ರೀನಾಥ್ ತನಿಖಾಧಿಕಾರಿಯ ಪೋಷಾಕು ತೊಟ್ಟಿದ್ದಾರೆ. ಸೈಬರ್ ಹ್ಯಾಕಿಂಗ್ ಮತ್ತು ದರೋಡೆ ಹಿನ್ನೆಲೆಯಲ್ಲಿ ಸಿನಿಮಾ ಸಾಗಲಿದ್ದು, ಟ್ರೇಲರ್ನಲ್ಲಿ ಅದಕ್ಕೆ ಸಾಕ್ಷ್ಯ ಲಭಿಸಿದೆ.
ಇದನ್ನೂ ಓದಿ: ಕೋವಿಡ್ ಸೋಂಕಿತರ ಶವ ಸಾಗಿಸಲು ಅರ್ಥ್ ಮೂವರ್ ಬಳಸಿದ್ರು!
ಒಟ್ಟು 4 ಭಾಷೆಗಳಲ್ಲಿ ನಿರ್ವಣವಾಗಿರುವ ‘ಚಕ್ರ’ ಸಿನಿಮಾಕ್ಕೆ, ದಕ್ಷಿಣದ ನಾಲ್ಕು ಖ್ಯಾತನಾಮ ನಟರು ಟ್ರೇಲರ್ ಹಂಚಿಕೊಳ್ಳುವ ಮೂಲಕ ಶುಭಹಾರೈಸಿದ್ದಾರೆ. ಮಲಯಾಳನಂನಲ್ಲಿ ಮೋಹನ್ಲಾಲ್, ತೆಲುಗಿನಲ್ಲಿ ರಾಣಾ ದಗ್ಗುಬಾಟಿ, ತಮಿಳಿನಲ್ಲಿ ಕಾರ್ತಿ ಮತ್ತು ಆರ್ಯ ಜಂಟಿಯಾಗಿ ಟ್ರೇಲರ್ ಶೇರ್ ಮಾಡಿದ್ದಾರೆ. ‘ಚಕ್ರ’ ಚಿತ್ರಕ್ಕೆ ಎಂ.ಎಸ್. ಆನಂದನ್ ಆಕ್ಷನ್ ಕಟ್ ಹೇಳಿದ್ದು, ವಿಶಾಲ್ ನಿರ್ವಿುಸಿದ್ದಾರೆ.