ಬೆಂಗಳೂರು: ಕಿಚ್ಚ ಸುದೀಪ್ ಅಭಿನಯದ ‘ವಿಕ್ರಾಂತ್ ರೋಣ’ ಚಿತ್ರತಂಡ ಹಲವು ಹೊಸತನಗಳಿಗೆ ನಾಂದಿ ಹಾಡಿದೆ. ಎನ್ಎಫ್ಟಿ, ಕಿಚ್ಚ ವರ್ಸ್ಗಳವರೆಗೂ ಸಾಮ್ರಾಜ್ಯ ವಿಸ್ತರಿಸಿ, ಬುರ್ಜ್ ಖಲೀಫಾದ ಮೇಲೆ ಮಿಂಚಿ, ಇದೇ ಗುರುವಾರದಿಂದ ಥಿಯೇಟರ್ಗಳಲ್ಲಿ ಥ್ರೀಡಿಯಲ್ಲಿ ಗುಡುಗಲು ಸಿದ್ಧವಾಗಿದೆ. ಅದರ ಜತೆಜತೆಗೇ ಈಗ ಆ್ಯಪ್ ಒಂದರ ಸಹಾಯದೊಂದಿಗೆ ಮತ್ತೊಂದು ತಾಂತ್ರಿಕ ಮೈಲಿಗಲ್ಲು ಸ್ಥಾಪಿಸಲು ಮುಂದಾಗಿದೆ. ಈ ಆ್ಯಪ್ನ ಹೆಸರು ಸಿನಿಡಬ್ಸ್. ಈ ಆಪ್ನ ಮೂಲಕ ಬೇರೆ ಭಾಷೆಯ ಜನ ‘ವಿಕ್ರಾಂತ್ ರೋಣ’ ಚಿತ್ರವನ್ನು ತಮ್ಮ ಭಾಷೆಯಲ್ಲೇ ಕೇಳಬಹುದು. ಉದಾಹರಣೆಗೆ, ಹೊರ ದೇಶ ಮತ್ತು ರಾಜ್ಯಗಳಲ್ಲಿರುವ ಕನ್ನಡಿಗರಿಗೆ ‘ವಿಕ್ರಾಂತ್ ರೋಣ’ ಚಿತ್ರವನ್ನು ಕನ್ನಡದಲ್ಲೇ ನೋಡಬೇಕು ಎಂಬ ಆಸೆಯಿರುತ್ತದೆ. ಆದರೆ, ಕನ್ನಡ ಅವತರಣಿಕೆ ಅಲ್ಲಿ ರಿಲೀಸ್ ಆಗಿರುವುದಿಲ್ಲ. ಈ ಆಪ್ ಮೂಲಕ ಕನ್ನಡಿಗರು ಬೇರೆ ಭಾಷೆಗಳ ಥಿಯೇಟರ್ನಲ್ಲಿ ಕುಳಿತು ಕನ್ನಡದಲ್ಲೇ ಚಿತ್ರ ನೋಡಬಹುದು. ಅದೇ ರೀತಿ ಕರ್ನಾಟಕದಲ್ಲಿರುವ ಅನ್ಯಭಾಷಿಕರು ಅರ್ಥಾತ್ ತಮಿಳು, ತೆಲುಗು ಹಾಗೂ ಮಲಯಾಳಿಗಳಿಗೆ ತಮ್ಮದೇ ಭಾಷೆಯಲ್ಲಿ ಸಿನಿಮಾ ನೋಡಬೇಕು ಎಂಬ ಆಸೆಯಿರುತ್ತದೆ. ಆದರೆ, ಇಲ್ಲಿ ಆ ಭಾಷೆಗಳಲ್ಲಿ ಸಿನಿಮಾ ಇರುವುದಿಲ್ಲ. ಹಾಗೆಯೇ ಅನ್ಯಭಾಷಿಕರು ಕನ್ನಡ ಚಿತ್ರದ ಥಿಯೇಟರ್ನಲ್ಲಿ ತಮ್ಮ ಭಾಷೆಯಲ್ಲೇ ಸಿನಿಮಾ ನೋಡಬಹುದು!
ಪ್ರೇಕ್ಷಕರು ಏನು ಮಾಡಬೇಕು?
ತಮ್ಮ ಆಂಡ್ರಾಯ್್ಡ ಅಥವಾ ಆಪಲ್ ಮೊಬೈಲ್ನಲ್ಲಿ ಸಿನಿಡಬ್ಸ್ ಎಂಬ ಆಪ್ಅನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕು. ಬಳಿಕ ‘ವಿಕ್ರಾಂತ್ ರೋಣ’ ಚಿತ್ರವನ್ನು ಆಯ್ಕೆ ಮಾಡಿಕೊಂಡು, ಅದರಲ್ಲಿ ಇರುವ ಆರು ಭಾಷೆಗಳಲ್ಲಿ ತಮ್ಮಿಷ್ಟದ ಭಾಷೆಯನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕು. ನಂತರ ಥಿಯೇಟರ್ ಒಳಗೆ ಕುಳಿತು ಹೆಡ್ಫೋನ್ ಮೂಲಕ ತಮ್ಮಿಷ್ಟದ ಭಾಷೆಯಲ್ಲಿ ಸಿನಿಮಾ ನೋಡಬಹುದು. ಸಿನಿಮಾ ನೋಡುವ ವೇಳೆ ಮೊಬೈಲ್ಗೆ ಕರೆ ಬಂದರೂ ಸಮಸ್ಯೆಯಿಲ್ಲ. ಏಕೆಂದರೆ, ಕರೆ ಕಟ್ ಆದ ಬಳಿಕ ಮತ್ತೆ ಆಪ್ಗೆ ಹೋದರೆ ಸಿನಿಮಾ ಎಲ್ಲಿಂದ ಮುಂದುವರಿದಿದೆಯೋ ಅಲ್ಲಿಂದಲೇ ಅದು ಸಿಂಕ್ ಆಗಿರುತ್ತದೆ. ಥಿಯೇಟರ್ನಿಂದ ಹೊರಬಂದ ಬಳಿಕ ಡೌನ್ಲೋಡ್ ಆಗಿರುವ ಆಡಿಯೋ ತಾನಾಗಿಯೇ ಕಣ್ಮರೆಯಾಗಿರುತ್ತದೆ. ಹೆಡ್ಫೋನ್ ಇಲ್ಲದಿದ್ದರೆ ಈ ಆಪ್ ಕೆಲಸ ಮಾಡುವುದಿಲ್ಲ. ಹೀಗಾಗಿ ಸಿನಿಮಾ ಪೈರಸಿಯಾಗುವ ಪ್ರಶ್ನೆಯೇ ಇಲ್ಲ! ಇದೇ ಆಪ್ ಮೂಲಕ ಓಟಿಟಿಯಲ್ಲೂ ಸಿನಿಮಾ ಅಥವಾ ವೆಬ್ ಸರಣಿಗಳನ್ನು ನೋಡಬಹುದು. ಇದಕ್ಕೆ ಹೆಚ್ಚುವರಿ ಹಣ ಕೊಡುವ ಅಗತ್ಯವೂ ಇಲ್ಲ. ಸದ್ಯಕ್ಕೆ ಈ ಆಪ್ ಸಂಪೂರ್ಣ ಉಚಿತ!
ಮಲಗಿದ್ದವರ ಮೇಲೇ ಸಾಗಿದ ಟೆಂಪೋ; ಒಬ್ಬನ ಸಾವು, ಮೂವರಿಗೆ ಗಂಭೀರ ಗಾಯ..