ಮುಂಬೈ: ಈ ತಿಂಗಳ ಮೊದಲ ವಾರದಲ್ಲಿ ‘ದಿ ಫ್ಯಾಮಿಲಿ ಮ್ಯಾನ್-2’ ಬಿಡುಗಡೆಯಾಗಿದ್ದೇ ಆಗಿದ್ದು, ಅಲ್ಲಿಂದ ಇಲ್ಲಿಯವರೆಗೂ ಒಂದಲ್ಲ ಒಂದು ರೀತಿಯಲ್ಲಿ ಸುದ್ದಿಯಲ್ಲಿದೆ. ‘ದಿ ಫ್ಯಾಮಿಲಿ ಮ್ಯಾನ್ 2’ ನೋಡುವವರೆಗಲ್ಲರಿಗೂ ಇದೀಗ ‘ದಿ ಫ್ಯಾಮಿಲಿ ಮ್ಯಾನ್ 3’ ಬಗ್ಗೆ ಕುತೂಹಲ ಹೆಚ್ಚಾಗಿದ್ದು, ಮೂರನೇ ಸೀಸನ್ ಯಾವಾಗ ಬರುತ್ತದೆ ಎಂದು ಕಾಯುತ್ತಿದೆ.
ಇದನ್ನೂ ಓದಿ: ಪ್ರತಿ ಚಿತ್ರವೂ ಪ್ರಶಸ್ತಿ ತರುವುದಿಲ್ಲ ಎಂಬ ಸತ್ಯ ವಿಜಯ್ಗೂ ಗೊತ್ತಿತ್ತು …
ಅಷ್ಟೇ ಅಲ್ಲ, ‘ದಿ ಫ್ಯಾಮಿಲಿ ಮ್ಯಾನ್ 3’ ಕುರಿತಾಗಿ ಪ್ರತಿದಿನ ಒಂದಲ್ಲ ಒಂದು ಸುದ್ದಿ ಕೇಳಿ ಬರುತ್ತಲಿದ್ದು, ಯಾವುದು ನಿಜ, ಯಾವುದು ಸುಳ್ಳು ಎಂದು ಜನರಿಗೆ ಗೊತ್ತಾಗದಂತಾಗಿದೆ. ಹೊಸ ಸುದ್ದಿಯ ಪ್ರಕಾರ, ‘ದಿ ಫ್ಯಾಮಿಲಿ ಮ್ಯಾನ್ 3’ನಲ್ಲಿ ಕಾಲಿವುಡ್ ನಟ ವಿಜಯ್ ಸೇತುಪತಿ ನಟಿಸುತ್ತಿದ್ದಾರಂತೆ.
ಹೌದು, ‘ದಿ ಫ್ಯಾಮಿಲಿ ಮ್ಯಾನ್ 3’ನಲ್ಲಿ ವಿಜಯ್ ಸೇತುಪತಿ ನಟಿಸಲಿದ್ದಾರೆ ಎಂಬ ಸುದ್ದಿಯಾಗಿದ್ದು, ಈ ಬಗ್ಗೆ ವೆಬ್ಸೀರೀಸ್ನ ತಂಡವಾಗಲೀ, ವಿಜಯ್ ಸೇತುಪತಿಯಾಗಲೀ, ಮನೋಜ್ ಬಾಜ್ಪೇಯಿ ಆಗಲೀ … ಖಚಿತಪಡಿಸಿಲ್ಲ. ಒಟ್ಟಾರೆ, ಸುದ್ದಿಯೊಂದು ಕೇಳಿಬಂದಿದ್ದು, ಒಂದು ಪಕ್ಷ ಇದು ನಿಜವಾದರೆ, ಈ ವೆಬ್ಸರಣಿಗೆ ಇನ್ನೂ ದೊಡ್ಡ ಮಟ್ಟದಲ್ಲಿ ಕ್ರೇಜ್ ಶುರುವಾಗಲಿದೆ.
ಇದನ್ನೂ ಓದಿ: ‘ವಿಕ್ರಮ್ ವೇದ’ ಚಿತ್ರದ ಪಾತ್ರವರ್ಗದಲ್ಲಿ ಡಾ. ರಾಜಕುಮಾರ್ ಫೋಟೋ … ಗೂಗಲ್ನಲ್ಲಿ ಗೊಂದಲ
ಅಂದಹಾಗೆ, ‘ದಿ ಫ್ಯಾಮಿಲಿ ಮ್ಯಾನ್’ನ ಎರಡನೆಯ ಸೀಸನ್ನಲ್ಲೇ ‘ಮಕ್ಕಳ್ ಸೆಲ್ವನ್’ ಎಂದು ಜನಪ್ರಿಯವಾಗಿರುವ ವಿಜಯ್ ಸೇತುಪತಿ ನಟಿಸಬೇಕಿತ್ತಂತೆ. ಆದರೆ, ಅವರು ಬ್ಯುಸಿಯಾಗಿದ್ದರಿಂದ ಅದು ಮಿಸ್ ಆಯಿತಂತೆ. ಈಗ ಕೊನೆಗೂ ಅವರು ‘ದಿ ಫ್ಯಾಮಿಲಿ ಮ್ಯಾನ್’ನ ಮೂರನೆಯ ಸೀಸನ್ನಲ್ಲಿ ನಟಿಸುವ ಸಾಧ್ಯತೆ ಎಂದು ಹೇಳಲಾಗುತ್ತಿದೆ. ‘ದಿ ಫ್ಯಾಮಿಲಿ ಮ್ಯಾನ್ 3’ ಸರಣಿಯ ಕಥೆ ಈಗಾಗಲೇ ತಯಾರಾಗಿದ್ದು, ಈ ವರ್ಷದ ಕೊನೆಯಿಂದ ಚಿತ್ರೀಕರಣ ಪ್ರಾರಂಭವಾಗಲಿದೆ ಎಂದು ಹೇಳಲಾಗಿದೆ.